അബുദാബി : മഹിതം മലപ്പുറം എന്ന പേരിൽ അബുദാബി മലപ്പുറം ജില്ലാ കെ. എം. സി. സി. സംഘടിപ്പിക്കുന്ന മലപ്പുറം ഫെസ്റ്റ്-2023 എന്ന പ്രോഗ്രാമിന്‍റെ ബ്രോഷർ പ്രകാശനം ഇന്ത്യൻ ഇസ്ലാമിക് സെന്‍റർ ജനറൽ സെക്രട്ടറി ടി. കെ. അബ്ദുസ്സലാം നിർവ്വഹിച്ചു.
2023 ജൂൺ 17, 18. (ശനി, ഞായര്‍) തിയ്യതികളിൽ ഇന്ത്യൻ ഇസ്ലാമിക് സെന്‍ററിൽ ഒരുക്കുന്ന ‘മഹിതം മലപ്പുറം’ എന്ന മലപ്പുറം ഫെസ്റ്റ്-2023, ദേശ സ്നേഹത്തിനും സാമുദായിക ഐക്യത്തിനും കേൾവി കേട്ട മലപ്പുറ ത്തിന്‍റെ സാംസ്‌കാരിക കലാ കായിക പാരമ്പര്യവും രുചി വൈവിധ്യങ്ങളും പ്രവാസ ലോകത്തിനു പകര്‍ന്നു നല്‍കും എന്നു സംഘാടകര്‍ അറിയിച്ചു.
കെ. എം. സി. സി. നേതാക്കളായ ഹംസ ഹാജി പാറയിൽ, ഹിദായത്ത്, റഷീദലി മമ്പാട്, ബിരാൻ കുട്ടി, കുഞ്ഞിപ്പ മോങ്ങം, സി. കെ. ഹുസൈൻ, ബഷീർ വറ്റലൂർ, ഹസ്സൻ അരിക്കൻ, ഷംസുദ്ധീൻ, മുനിർ എടയൂർ, നൗഷാദ് തൃപ്രങ്ങോട്, സാൽമി പരപ്പനങ്ങാടി, ഷമീർ പുറത്തൂർ, നാസർ വൈലത്തൂർ, സിറാജ് ആതവനാട്, ഷാഹിർ തുടങ്ങിയവര്‍ സംബന്ധിച്ചു.
മലപ്പുറം ജില്ലാ കെ. എം. സി. സി. പ്രസിഡണ്ട് അസീസ് കാളിയാടൻ അദ്ധ്യക്ഷ വഹിച്ചു. സെക്രട്ടറി ഹംസ കോയ സ്വഗതവും അഷ്റഫ് അലി നന്ദിയും പറഞ്ഞു.
- pma
അനുബന്ധ വാര്‍ത്തകള്‍
വായിക്കുക: islamic-center-, ആഘോഷം, കെ.എം.സി.സി.
