ദുബായ് : സ്വരുമ കലാ സാംസ്‌കാരിക വേദി യുടെ ഒന്‍പതാം വാര്‍ഷികം വിവിധ പരിപാടി കളോടെ ജൂണ്‍ 1 വെള്ളിയാഴ്ച ഉച്ചയ്ക്ക് ഒരു മണി മുതല്‍ ദേര അല്ദീക് ഓഡിറ്റോറിയ ത്തില്‍ ആഘോഷിക്കും.
വിവിധ മേഖലകളില്‍ ശ്രദ്ധേയരായ പ്രവാസികളെ ആദരിക്കുന്നതിന്റെ ഭാഗമായി എല്‍വിസ് ചുമ്മാര്‍ (മാധ്യമ രംഗം), അബ്ദുള്ള വലിയാണ്ടി (സാമൂഹിക പ്രവര്‍ത്തനം), ഷീലാ പോള്‍ (കല, സാഹിത്യം), രാജന്‍ കൊളാവിപാലം (സംഘാടകന്‍), ഇസ്മയില്‍ പുനത്തില്‍ (പ്രവാസത്തിന്റെ നാല്പതാണ്ട്) എന്നിവരെ ചടങ്ങില്‍ ആദരിക്കും.
ഈ കഴിഞ്ഞ സി. ബി. എസ്. സി. പരീക്ഷയില്‍ ഉയര്‍ന്ന ഗ്രേഡ് വാങ്ങിയ രണ്ടു വിദ്യാര്‍ത്ഥി കളെ അനുമോദിക്കും.
പ്രശസ്ത പിന്നണി ഗായകന്‍ വി. ടി. മുരളി ചടങ്ങില്‍ മുഖ്യാതിഥി ആയിരിക്കും. കരീം വെങ്കിടങ്ങ് ഉദ്ഘാടനം ചെയ്യും. യു. എ. ഇ. യിലെ കലാ സാഹിത്യ സാംസ്‌കാരിക മാധ്യമ രംഗത്തെ പ്രമുഖര്‍ ചടങ്ങില്‍ പങ്കെടുക്കും. തുടര്‍ന്ന് മെഹ്ഫില്‍ സന്ധ്യയും ഉണ്ടായിരിക്കും.
വിശദ വിവരങ്ങള്‍ക്ക് : 050 25 42 162 .
- pma
അനുബന്ധ വാര്‍ത്തകള്‍
വായിക്കുക: സംഘടന, സ്വരുമ ദുബായ്
