അബുദാബി : ലുലു ഹൈപ്പര്‍ മാര്‍ക്കറ്റ്‌ വിതരണം ചെയ്യുന്ന ‘ലുലു ഇഫ്താര്‍ കിറ്റ്‌’ ഉല്‍ഘാടനം അബുദാബി അല്‍വഹ്ദ മാളില്‍ നടന്നു. അരി, പരിപ്പ്, പഞ്ചസാര, പച്ചക്കറികള്‍ തുടങ്ങി ഇഫ്താറിനു ആവശ്യമായ ഭക്ഷണ സാധന ങ്ങളായ ഈത്തപ്പഴം, റവ, ഓട്സ് തുടങ്ങി കുടി വെള്ളം അടക്കം 25 ഉത്പന്നങ്ങളാണ് 20 ശതമാനം വില ക്കുറവില്‍ ഒരു കിറ്റില്‍ ലഭ്യമാവുക. വലിയ കിറ്റിന് 190 ദിര്‍ഹവും ചെറിയ കിറ്റിന് 90 ദിര്‍ഹവുമാണ് വില നിശ്ചയിച്ചിട്ടുള്ളത്.
ലുലു ഗ്രൂപ്പിന്റെ എല്ലാ ഹൈപ്പര്‍ മാര്‍ക്കറ്റുകളിലും ഈ പദ്ധതി യിലൂടെ ഉപഭോക്താക്കള്‍ക്ക് കുറഞ്ഞ വില യില്‍ അവശ്യ സാധന ങ്ങള്‍ ലഭ്യമാവും.
അബുദാബി മിനിസ്റ്ററി ഓഫ് ഇക്കോണമി യിലെ കണ്‍സ്യൂമര്‍ പ്രൊട്ടക്ഷന്‍ ഡയറക്ടര്‍ ജനറല്‍ ഡോ. ഹാഷിം അൽ നുഐമി, എം കെ ഗ്രൂപ്പ് എക്സിക്യുട്ടിവ് ഡയറക്ടർ അഷറഫലി, ലുലു റീജ്യണല്‍ ഡയറക്ടര്‍ ടി.പി. അബൂബക്കര്‍, കോര്‍പ്പറേറ്റ് കമ്യൂണിക്കേഷന്‍ മാനേജര്‍ മാനേജര്‍ വി. നന്ദകുമാര്‍ എന്നിവർ ചടങ്ങിൽ പങ്കെടുത്തു.
- pma
