അബുദാബി : ഇന്ത്യൻ ഇസ്ലാമിക് സെന്‍റർ പബ്ലിക് റിലേഷൻ വിഭാഗം സംഘടിപ്പിക്കുന്ന ‘യു. എ. ഇ. ഹെറിറ്റേജ് ഫെസ്റ്റ്’ ഈ മാസം 27 ഞായറാഴ്ച ഉച്ചക്ക് രണ്ടു മണി മുതൽ അബുദാബി ഇന്ത്യൻ ഇസ്ലാമിക് സെന്‍റർ അങ്കണത്തിൽ നടക്കും. പുതു തലമുറക്കും സന്ദർശകർക്കും യു. എ. ഇ. യുടെ സംസ്‌കാരവും പാരമ്പര്യവും പരിചയ പ്പെടുത്തുക എന്നതാണു പരിപാടി യുടെ ലക്ഷ്യം.
യു. എ. ഇ. യുടെ സാമൂഹിക സാംസ്‌കാരിക പൈതൃക ങ്ങളെ അടുത്തറിയുന്നതിനുള്ള വീഡിയോ- ഫോട്ടോ പ്രദർശങ്ങൾ, പുരാതന കര കൗശല വസ്തുക്കളുടെ നിർമ്മാണം, പ്രദർശനം, ഫാൽക്കൺ ഷോ, ഇമറാത്തി രുചി വൈവിധ്യങ്ങൾ ഉൾക്കൊള്ളുന്ന ഭക്ഷണ സ്റ്റാളുകൾ, ഹെന്ന ഡിസൈൻ മറ്റു സാംസ്‌കാരിക പരിപാടികൾ എന്നിവ പ്രദർശനത്തിന്‍റെ ഭാഗമായി നടക്കും.
യു. എ. ഇ. യുടെ ചരിത്രവും വർത്തമാനവും ഭാവിയും പരാമർശിക്കുന്ന ‘യു. എ. ഇ. ഹെറിറ്റേജ് ഫെസ്റ്റ്’ സന്ദർശിക്കുന്നതിനു വിദ്യാർത്ഥികൾക്ക് പ്രത്യേക സൗകര്യം ഒരുക്കിയിട്ടുണ്ട്. പൊതു ജങ്ങൾക്ക് പ്രവേശനം സൗജന്യം ആയിരിക്കും.
കൂടുതൽ വിവരങ്ങൾക്ക് സെന്‍റര്‍ ഓഫീസുമായി ബന്ധപ്പെടാവുന്നതാണ്. ഫോണ്‍ : 02 642 44 88
- pma
അനുബന്ധ വാര്‍ത്തകള്‍
വായിക്കുക: islamic-center-, ആഘോഷം, കുട്ടികള്‍, പ്രവാസി, യു.എ.ഇ., സംഘടന
