അബുദാബി : സ്വകാര്യ സന്ദര്‍ശനാര്‍ത്ഥം യു. എ. ഇ. യില്‍ എത്തിയ ചേര്‍ക്കല്‍ ബ്ലാങ്ങാട് ജുമാ മസ്ജിദ്‌ കമ്മിറ്റി ജനറല്‍ സെക്രട്ടറി യും സുല്ലമുല്‍ ഇസ്ലാം മദ്രസ്സ പ്രസിഡണ്ടു മായ എം. വി. അബ്ദുല്‍ ജലീലിന് അബുദാബി ബ്ലാങ്ങാട് മഹല്ല് അസോസിയേഷന്‍ സ്വീകരണം നല്‍കി.
അസോസിയേഷന്‍ പ്രസിഡന്റ് എ. പി. മുഹമ്മദ്‌ ശരീഫ്‌ അദ്ധ്യക്ഷത വഹിച്ചു.
മഹല്ലിലെ പുതിയ വിശേഷങ്ങളും പുനര്‍ നിര്‍മ്മാണം കഴിഞ്ഞ ബ്ലാങ്ങാട് ജുമാ അത്ത്‌ പള്ളി, പുതുക്കി പണിയുന്ന സുല്ലമുല്‍ ഇസ്ലാം മദ്രസ്സ യുടെ നിര്‍മ്മാണ പ്രവര്‍ത്തനങ്ങളെ കുറിച്ചും എം. വി. അബ്ദുല്‍ ജലീല്‍ വിശദീകരിച്ചു.
അസോസ്സിയേഷന്‍ ഉപദേശക സമിതി അംഗങ്ങളായ പി. എം. അബ്ദുല്‍ കരീം, കെ. വി. ഇബ്രാഹിം കുട്ടി എന്നിവര്‍ സംസാരിച്ചു. ജനറല്‍ സെക്രട്ടറി എം. വി. അബ്ദുല്‍ ലത്തീഫ് സ്വാഗതവും ജോയിന്‍റ് സെക്രട്ടറി സഹീര്‍ അറക്കല്‍ നന്ദിയും പറഞ്ഞു.
- pma
