 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഐ. സി. എഫ്. അബുദാബി ചാപ്റ്റർ കുടുംബിനി കള്‍ക്കായി അബുദാബിയില്‍ സഹോദരി സംഗമം സംഘടി പ്പിക്കുന്നു. ജൂണ്‍ 19 വ്യാഴം വൈകുന്നേരം 7.30-ന് അബുദാബി മദീനാ സായിദ് ലുലു പാര്‍ട്ടി ഹാളില്‍ സംഘടിപ്പിക്കുന്ന പരിപാടി യില്‍ ”മക്കളെ വളര്‍ത്തു മ്പോള്‍” എന്ന വിഷയ ത്തില്‍ മനഃശാസ്ത്രജ്ഞന്‍ ഡോ. അബ്ദുസ്സലാം ഓമശ്ശേരി ക്ളാസ്സ് എടുക്കും.
കുട്ടികള്‍ക്കായി പ്രത്യേക വിനോദ വിജ്ഞാന പരിപാടി കളും ഉണ്ടായിരിക്കും. വിശദ വിവരങ്ങള്‍ക്ക് : 050 30 34 800
- pma
വായിക്കുക: കുട്ടികള്‍, സ്ത്രീ
അബുദാബി : ബാച്ച് ചാവക്കാട് ആറാമത് വാർഷിക ആഘോഷവും പുതിയ ഭരണ സമിതിയുടെ പ്രവര്‍ത്തന ഉദ്ഘാടനവും കേരളാ സോഷ്യല്‍ സെന്ററില്‍ വെച്ച് നടന്നു.
ഗുരുവായൂര്‍ നിയോജക മണ്ഡല ത്തിലെ അബുദാബി യിലെ പ്രവാസി കളുടെ കൂട്ടായ്മ യാണു ബാച്ച് ചാവക്കാട്. പ്രവാസി കൂട്ടായ്മ കള്‍ക്കു മാതൃക യായി അടുക്കും ചിട്ടയോടും കൂടി ബാച്ച് അംഗങ്ങള്‍ ഒത്തു കൂടി നാട്ടിലും പ്രവാസ ലോകത്തും തങ്ങള്‍ നടത്തി വരുന്ന ജീവകാരുണ്യ പ്രവര്‍ത്തനങ്ങള്‍ വിലയിരുത്തി.
പ്രസിഡന്റ് എം. കെ. ഷറഫുദ്ധീന്‍ അദ്ധ്യക്ഷത വഹിച്ചു. ഫാത്തിമ ഗ്രൂപ്പ് ചെയർമാൻ ഇ. പി. മൂസ്സക്കുട്ടി ഹാജി, ബാച്ച് മീറ്റ്‌ ഉത്ഘാടനം ചെയ്തു. ഷബീർ മാളിയേക്കൽ ആമുഖ പ്രഭാഷണം ചെയ്തു. ജനറൽ സെക്രട്ടറി ബഷീർ കുറുപ്പത്ത് സ്വാഗതം ആശംസിച്ചു.
പരസ്പര സൌഹൃദത്തിന്റെയും സ്നേഹം പങ്കു വെക്കലിന്റെയും വേദി കളാണ് ഇത്തരം കൂട്ടായ്മകൾ എന്നും കലുഷിതമായ സാമൂഹിക പശ്ചാത്ത ലത്തിലാണ് കേരള സമൂഹം ഇന്ന് ജീവിക്കുന്നത്. അങ്ങിനെ യുള്ളിടത്ത് കുടുംബ സൗഹൃദങ്ങൾ വളർത്തി കൊണ്ട് വരാൻ ബാച്ച് ചാവക്കാട് പോലെ ഒരു കൂട്ടായ്മക്ക് സാധിക്കട്ടെ എന്ന് മുഖ്യ പ്രഭാഷണം നടത്തിയ ടി. എ. അബ്ദുൽ സമദ് പറഞ്ഞു.
ബാച്ച് അംഗങ്ങളുടെ കുട്ടികളിൽ നിന്നും പത്താം ക്ളാസ് – പ്ളസ് ടു പരീക്ഷ കളിൽ ഉന്നത വിജയം നേടിയ നൗഫീല നൌഷാദ്, നുസ്ഹ അബ്ദുൽ റഹീം എന്നീ വിദ്യാർഥി കളെ മാസ് എജ്യൂക്കേഷൻ സെന്റർ മെറിറ്റ്‌ അവാർഡ് നല്കി ആദരിച്ചു.
വിവിധ മേഖലകളില്‍ മികവു തെളിയിക്കുകയും ബഹുമതികള്‍ നേടുകയും ചെയ്ത അംഗങ്ങളെ കെ. എച്ച്. താഹിർ പരിചയപ്പെടുത്തി. ബാച്ച് സ്ഥാപക അംഗവും മാധ്യമശ്രീ പുരസ്കാര ജേതാവുമായ പി. എം. അബ്ദുല്‍ റഹിമാന്‍, സംഗീത സംവിധായകന്‍ നൗഷാദ് ചാവക്കാട് എന്നിവരെ ചടങ്ങിൽ ആദരിച്ചു.
കെ. എസ് സി. പ്രസിഡന്റ് എം. യു. വാസു, ജമാൽ മാളിയേക്കൽ, ദുബായ് ഷോപ്പിംഗ് ഫെസ്റ്റിവൽ ബെസ്റ്റ് ഫോട്ടോഗ്രാഫർ അവാർഡ് ജേതാവും ചാവക്കാട് പ്രവാസി ഫോറം ചെയർമാനുമായ കമാൽ കാസിം, അബ്ദുട്ടി കൈതമുക്ക് എന്നിവർ ആശംസ നേർന്നു സംസാരിച്ചു.
നൗഷാദ് ചാവക്കാടിന്റെ നേതൃത്വത്തിൽ പ്രമുഖ ഗായകർ പങ്കെടുത്ത ഗാനമേളയും ശാസ്ത്രീയ – സിനിമാറ്റിക് നൃത്ത നൃത്യങ്ങൾ, ഒപ്പന, കോൽക്കളി, എന്നിവയും അംഗ ങ്ങളു ടെയും കുട്ടി കളുടെയും വിവിധ കലാ പരിപാടി കളും അരങ്ങേറി.
ബാബുരാജ്, സി. സാദിക് അലി, സുനിൽ നംബീരകത്ത്, ഷാഹുൽ പാലയൂർ, കെ. എം. മൊയിനുദീൻ, സിദ്ധീഖ് ചേറ്റുവ, കെ. പി. സക്കരിയ, സി. എം. അബ്ദുൽ കരീം തുടങ്ങിയവർ പരിപാടികൾക്ക് നേതൃത്വംനല്കി. രക്ത ദാനം മഹാ ദാനം എന്ന മുദ്രാവാക്യവുമായി രക്ത ദാന ക്യാമ്പ് സംഘടിപ്പി ക്കുമെന്നും പ്രസിഡന്റ് എം. കെ. ഷറഫുദ്ധീന്‍ അറിയിച്ചു.
- pma
അബുദാബി : മലയാളി സമാജം സാഹിത്യ വിഭാഗ ത്തിന്റെ ഉദ്ഘാടനം കേരള സംഗീത നാടക അക്കാദമി മുന്‍ സെക്രട്ടറി പി. അപ്പുക്കുട്ടന്‍ മാസ്റ്റര്‍ ഭദ്രദീപം കൊളുത്തി നിര്‍വഹിച്ചു.
വായന യില്‍നിന്ന് അകലുന്ന താണ് ഇന്ന് കാണുന്ന പല പ്രശ്‌ന ങ്ങള്‍ക്കും കാരണം എന്ന് അദ്ദേഹം പറഞ്ഞു. പണ്ട് കേരള ത്തില്‍ ഒരു വായന ശാലാ സംസ്‌കാരം തന്നെ ഉണ്ടായിരുന്നു. അത്തരത്തിലുള്ള ഒരു വായനാ സംസ്‌കാരം പ്രവാസ ഭൂമി യിലും ചിട്ടപ്പെടുത്തണം എന്നും അപ്പുക്കുട്ടന്‍ മാസ്റ്റര്‍ പറഞ്ഞു.
അബുദാബി മലയാളി സമാജം ലൈബ്രറി കൂടുതല്‍ മികവുറ്റ താക്കാനുള്ള പ്രവര്‍ത്തനങ്ങള്‍ നടത്തും. പുസ്തകങ്ങള്‍ ലൈബ്രറി യിലേക്ക് സംഭാവന ചെയ്യുന്ന ചെയ്യുന്ന ആളു കളില്‍ നിന്ന് തെരഞ്ഞെടു ക്കുന്നവര്‍ക്ക് സമ്മാനങ്ങള്‍ നല്‍കുന്ന പദ്ധതിയും നടപ്പാക്കും.
- pma
വായിക്കുക: ആഘോഷം, കെ.എം.സി.സി., കേരള സാംസ്കാരിക വ്യക്തിത്വം, പ്രവാസി, മലയാളി സമാജം, സാമൂഹ്യ സേവനം
അബുദാബി : ഇന്ത്യൻ മീഡിയ അബുദാബിയുടെ പ്രവർത്തന ഉത്ഘാടനം ഇന്ത്യൻ അംബാസഡർ ടി. പി. സീതാറാം നിർവ്വഹിച്ചു. മലയാളീ സമാജത്തിൽ സംഘടിപ്പിച്ച ചടങ്ങിൽ ഇമ യുടെ പ്രവർത്തന ഉത്ഘാടനം നിർവ്വഹിച്ച് ഇന്ത്യന്‍ മീഡിയ അബുദാബിയുടെ രക്ഷാധികാരി സ്ഥാനം ഇന്ത്യന്‍ അംബാസഡർ ടി. പി. സീതാറാം ഏറ്റടുത്തു.
സമൂഹത്തില്‍ മാധ്യമങ്ങളുടെ ഉത്തരവാദിത്വം ഗൗരവമേറിയതാണ്. എല്ലായിടത്തും മാധ്യമ ങ്ങള്‍ക്ക് പ്രധാനപ്പെട്ട പങ്കാണ് ഉള്ളത്. ഇത്രയധികം ഇന്ത്യക്കാര്‍ ഉള്ള യു. എ. ഇ. യില്‍ ഇന്ത്യന്‍ മാധ്യമ ങ്ങള്‍ എങ്ങനെ പ്രവര്‍ത്തിക്കുന്നു എന്നതും പ്രാധാന്യമുള്ള കാര്യമാണ്. എംബസി യുടെ പ്രവര്‍ത്തന ങ്ങള്‍ക്ക് മീഡിയ യുടെ സഹായം ആവശ്യമാണ്. മാധ്യമ ങ്ങള്‍ വഴിയാണ് പല കാര്യങ്ങളും ഉദ്യോഗസ്ഥ തലത്തിലും ജനങ്ങള്‍ക്കുമിടയിലും ആശയ വിനിമയം ചെയ്യുന്നത്. മാധ്യമ ങ്ങളുടെ സഹായമില്ലാതെ എംബസിക്കു പല കാര്യങ്ങളും ചെയ്യാന്‍ കഴിയില്ല എന്നും അംബാസഡർ പറഞ്ഞു.
സിവില്‍ സര്‍വീസില്‍ ചേരുന്നതിനു മുന്‍പു പത്ര പ്രവര്‍ത്തകനാകാന്‍ ആഗ്രഹി ച്ചിരുന്ന ആളാണു താന്‍. രാഷ്ട്രപതി കെ. ആര്‍. നാരായണന്റെ പ്രസ് സെക്രട്ടറി എന്ന നില യില്‍ മാധ്യമ പ്രവര്‍ത്ത കരുമായി നല്ല ബന്ധം നിലനിര്‍ത്താന്‍ സാധിച്ചിരുന്നു എന്നും അദ്ദേഹം പറഞ്ഞു.
യു എ ഇ യിൽ വന്നപ്പോൾ മുതൽ വളരെ നലല സഹകരണമാണ് ഇന്ത്യൻ മീഡിയ അബുദാബിയും ദുബായ് മീഡിയാ ഫോറവും ഇന്ത്യൻ എംബസിക്കു നൽകുന്നത് എന്നും സീതാറാം ചൂണ്ടിക്കാട്ടി.
ഇന്ത്യാ സോഷ്യല്‍ ആന്‍ഡ് കള്‍ചറല്‍ സെന്റര്‍ പ്രസിഡന്റ് ഡി. നടരാജന്‍, ഇന്ത്യന്‍ ഇസ്ലാമിക് സെന്റര്‍ പ്രസിഡന്റ് പി. ബാവ ഹാജി, കേരള സോഷ്യല്‍ സെന്റര്‍ പ്രസിഡന്റ് എം. യു. വാസു, മലയാളി സമാജം പ്രസിഡന്റ് ഷിബു വര്‍ഗീസ് എന്നിവര്‍ പ്രസംഗിച്ചു.
ഇമ, മലയാളി സമാജവുമായി സഹകരിച്ചു നടത്തിയ ചൈല്‍ഡ് ഒാണ്‍ലൈന്‍ പ്രൊട്ടക്ഷന്‍ ബോധവല്‍ക്കരണ പരിപാടി സമാജം പ്രസിഡന്റ് ഷിബു വര്‍ഗീസ് ഉദ്ഘാടനം ചെയ്തു. ഡിസ്ക് ഫൗണ്ടേഷന്‍ സി. ഇ. ഒ. മുഹമ്മദ് മുസ്തഫ കുട്ടികള്‍ക്കും മുതിര്‍ന്നവര്‍ക്കും പ്രത്യേക ക്ളാസ് നടത്തി.
പ്രൊജക്ട് കോ-ഓര്‍ഡിനേറ്റര്‍മാരായ പി. എം. അബ്ദുല്‍ റഹ്മാന്‍, ടി. പി. ഗംഗാധരന്‍, ജോയിന്റ് സെക്രട്ടറി മുനീര്‍ പാണ്ട്യാല, എക്സിക്യൂട്ടീവ് മെംബര്‍മാരായ ജോണി തോമസ്, അഹ്മദ് കുട്ടി, ജിസ് ജോസഫ് എന്നിവരും സംബന്ധിച്ചു. പ്രസിഡന്റ് ടി.എ. അബ്ദുല്‍ സമദ് അധ്യക്ഷത വഹിച്ചു. ജനറൽ സെക്രടറി ആഗിൻ കീപ്പുറം സ്വാഗതവും ട്രഷറർ അനിൽ സി. ഇടിക്കുള നന്ദിയും പറഞ്ഞു.
- pma
വായിക്കുക: അബുദാബി, ഇന്ത്യന്‍ കോണ്സുലേറ്റ്, പ്രവാസി, മാധ്യമങ്ങള്‍, സംഘടന
അബുദാബി : റോഡ്‌ അപകടങ്ങളിലൂടെയുള്ള മരണ നിരക്ക് മെയ് മാസത്തിൽ കുറവ് വന്നതായി അബുദാബി ട്രാഫിക് പൊലീസ്.
അബുദാബി യിൽ മൊത്തം അപകടത്തില്‍ ഏപ്രില്‍ മാസ ത്തേക്കാള്‍ അഞ്ചു ശതമാനം കുറവ് വന്നതായും അപകട മരണ നിരക്ക് 22ല്‍ നിന്ന് 16 ആയി കുറഞ്ഞു എന്നും അപകട ങ്ങളുടെ എണ്ണം153ല്‍ നിന്ന് 145 ആയി കുറഞ്ഞു എന്നുമാണ് അബുദാബി പൊലീസ് – ട്രാഫിക് ആന്‍ഡ് പട്രോള്‍ ഡയറക്ടറേറ്റ് പുറപ്പെടുവിച്ച സ്ഥിതി വിവര ക്കണക്കു കളിൽ പറയുന്നത്.
അമിത വേഗം, അശ്രദ്ധമായ മറികടക്കൽ, ട്രാക്ക് തെറ്റി ഒാടിക്കല്‍, വാഹന ങ്ങള്‍ കൂട്ടിയിടിക്കല്‍ എന്നിവയാണ് മിക്ക റോഡപകട ങ്ങൾക്കും കാരണ മാവുന്നത്.
അശ്രദ്ധ യോടെയുള്ള ഡ്രൈവിംഗ്, ചുവപ്പ് സിഗ്നല്‍ മറി കടക്കൽ, പെഡസ്ട്രിയന്‍ ക്രോസിംഗിൽ കാല്‍ നട യാത്ര ക്കാരെ പരിഗണി ക്കാതെ വാഹനം ഓടിക്കൽ, മോശം ടയറു കളുടെ ഉപയോഗം, സീറ്റ് ബെല്‍റ്റ് ധരി ക്കാതിരി ക്കല്‍ തുടങ്ങിയ നിയമ ലംഘന ങ്ങൾക്ക് ഡ്രൈവർ മാർക്ക് പിഴ നല്കി എന്നും ട്രാഫിക് പൊലീസ് ചൂണ്ടിക്കാട്ടി.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
