വീണ്ടും മഴ മുന്നറിയിപ്പ് : മുന്നോടിയായി പൊടിക്കാറ്റ് വീശുന്നു

May 1st, 2024

rain-in-dubai-ePathram

അബുദാബി : രാജ്യത്ത് ബുധനാഴ്ച (മെയ്  1) രാത്രി മുതൽ വീണ്ടും മഴ ശക്തമാവും എന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകുന്നു. മാത്രമല്ല മഴക്കു മുന്നോടിയായി പൊടിക്കാറ്റ് വീശുന്നുണ്ട്. ഈ അസ്ഥിര കാലാവസ്ഥ വ്യാഴം, വെള്ളി ദിവസങ്ങളിലും തുടരും. ഇടി മിന്നലോടു കൂടിയ ശക്തമായ മഴയും കാറ്റും ചിലയിടങ്ങളിൽ ആലിപ്പഴ വർഷവും ഉണ്ടാവാൻ സാദ്ധ്യത ഉണ്ട് എന്നും ജാഗ്രതാ നിർദ്ദേശത്തോട് കൂടിയ മുന്നറിയിപ്പിൽ പറയുന്നു.

യു. എ. ഇ. യുടെ പടിഞ്ഞാറൻ മേഖലയിൽ ഒറ്റപ്പെട്ട മഴയായി തുടങ്ങി വ്യാഴാഴ്ച രാവിലെ മുതൽ മറ്റു മേഖലകളിലും മഴയും കാറ്റും ശക്തമാവും. ഈ സാഹചര്യത്തിൽ ദുബായിലെ സ്വകാര്യ സ്കൂളുകളിൽ വ്യാഴം, വെള്ളി ദിവസങ്ങളിൽ ഓൺ ലൈൻ പഠനം പ്രഖ്യാപിച്ചിട്ടുണ്ട്.

മഴ മുന്നറിയിപ്പിൻ്റെ പശ്ചാത്തലത്തിൽ ദുരന്ത നിവാരണ അതോറിറ്റി, ആഭ്യന്തര മന്ത്രാലയം എന്നിവർ സംയുക്ത യോഗം ചേർന്ന് സ്ഥിതിഗതി വിലയിരുത്തി. ഏത് പ്രതികൂല സാഹചര്യത്തെ നേരിടാനും എല്ലാ വിധ മുന്നൊരുക്കങ്ങളും സ്വീകരിച്ചതായി അധികൃതർ അറിയിച്ചു.

ഏപ്രിൽ 16 ന് രാജ്യത്തു പെയ്തതു പോലെ ഇത്തവണ അതിശക്ത മഴ ഉണ്ടാവുകയില്ല എന്നും പൊതു ജനങ്ങൾ ആശങ്കപ്പെടേണ്ടതായ സാഹചര്യം നിലവിലില്ല എന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കി. അറബിക്കടലിൽ രൂപപ്പെടുന്ന ന്യൂന മർദ്ദം കാരണം യു. എ. ഇ. കൂടാതെ മറ്റു ഗൾഫ് രാജ്യങ്ങളിലും ശക്തമായ കാറ്റോടു കൂടിയ മഴ പെയ്യും എന്നും അധികൃതർ  അറിയിച്ചു. Twitter

- pma

വായിക്കുക: , , ,

അഭിപ്രായം എഴുതുക »

ദുബായ് വിമാനത്താവളം സാധാരണ നിലയിലേക്ക്

April 18th, 2024

dubai-airport-epathram

ദുബായ്: ടെർമിനൽ ഒന്നിൽ ഭാഗികമായി പ്രവർത്തനം പുനരാരംഭിച്ച് കൊണ്ട് ദുബായ് വിമാനത്താവളം സാധാരണ നിലയിലേക്ക് വരുന്ന പ്രക്രിയ ആരംഭിച്ചു. കഴിഞ്ഞ രണ്ട് ദിവസങ്ങളിലായി കനത്ത മഴയും വെള്ളപ്പൊക്കവും മൂലം 884 ഫ്ലൈറ്റുകൾ ആണ് റദ്ദാക്കിയിരുന്നത്.

വ്യാഴാഴ്ച്ച മുതൽ ആഗമന സർവ്വീസുകൾ ഭാഗികമായി പുനസ്ഥാപിച്ചതായാണ് റിപ്പോർട്ടുകൾ സൂചിപ്പിക്കുന്നത്. ഊർജ്ജിതമായ പ്രവർത്തന കൊണ്ട് അടുത്ത 24 മണിക്കൂറിനകം വെള്ളപ്പൊക്കം മൂലമുണ്ടായ തടസ്സങ്ങൾ പൂർണ്ണമായി നീക്കം ചെയ്യാൻ ആണ് അധികൃതർ ലക്ഷ്യമിട്ടിരിക്കുന്നത്.

75 വർഷങ്ങൾക്ക് ഇടയിൽ ഉണ്ടായ ഏറ്റവും വലിയ മഴയാണ് ചൊവ്വാഴ്ച്ച രാജ്യത്ത് ലഭിച്ചത്. ഇത് മൂലം ദുബായ്, അബു ദാബി, ഷാർജ്ജ എന്നിവിടങ്ങളിലെ റോഡുകളിൽ വെള്ളപ്പൊക്കം മൂലം യാത്രാ തടസ്സങ്ങൾ ഉണ്ടാവുകയും ജന ജീവിതം നിശ്ചലമാവുകയും ഉണ്ടായി.

- ജെ.എസ്.

വായിക്കുക: , ,

അഭിപ്രായം എഴുതുക »

റോഡുകളില്‍ മുന്നറിയിപ്പുമായി ഫ്ലാഷ്‍ ലൈറ്റുകൾ

May 16th, 2023

abudhabi-police-road-alert-system-in-highways-ePathram
അബുദാബി : ഡ്രൈവര്‍മാര്‍ക്ക് മുന്നറിയിപ്പുകള്‍ നല്‍കുന്ന പുതിയ ഫ്ലാഷ്‍ ലൈറ്റുകൾ അബുദാബി യിലെ പ്രധാന റോഡുകളില്‍ സ്ഥാപിച്ചു. റോഡ് സുരക്ഷ ഉറപ്പു വരുത്തുന്നതിന്‍റെ ഭാഗമായി അബു ദാബി പൊലീസ് ഒരുക്കിയ ഈ റോഡ് അലേർട്ട് സംവിധാനം വഴി ഹൈവേകളിലെ വാഹന അപകടം, കൂടാതെ കാറ്റ്, മണല്‍ക്കാറ്റ്, മൂടല്‍ മഞ്ഞ്, മഴ തുടങ്ങിയ കാലാവസ്ഥ മുന്നറിയിപ്പുകള്‍ നല്‍കും.

റോഡില്‍ അപകടം ഉണ്ടായാല്‍ ഡ്രൈവര്‍മാരെ അറിയിക്കാന്‍ ചുവപ്പ്, നീല നിറങ്ങളില്‍ ലൈറ്റുകള്‍ മിന്നിക്കൊണ്ടിരിക്കും.

മൂടല്‍ മഞ്ഞ്, പൊടി, മഴ തുടങ്ങിയ അസ്ഥിരമായ കാലാവസ്ഥയില്‍ മുന്നറിയിപ്പ് നല്‍കാന്‍ മഞ്ഞ നിറത്തിലാണ് ഫ്‌ളാഷ് ലൈറ്റുകള്‍ മിന്നുക.

ഇതുവഴി ഡ്രൈവര്‍മാര്‍ വേഗത കുറക്കുകയും സുരക്ഷ ഉറപ്പാക്കാൻ കഴിയുകയും ചെയ്യും. സൗരോർജ്ജവും ബാറ്ററിയും ഉപയോഗിച്ചാണ് ഇത് പ്രവർത്തിക്കുന്നത്. ഓരോ 200 മീറ്ററിലും സ്ഥാപിച്ചിട്ടുള്ള ലൈറ്റുകള്‍ രാപ്പകല്‍ ഭേദമന്യേ നിറം വ്യക്തമാകുന്ന തരത്തില്‍ പ്രകാശിക്കും. 

- pma

വായിക്കുക: , , , , , ,

അഭിപ്രായം എഴുതുക »

മഴയും ആലിപ്പഴ വർഷവും : അസ്ഥിര കാലാവസ്ഥ തുടരുന്നു

January 28th, 2023

rain-in-dubai-ePathram
ദുബായ് : രാജ്യത്തെ താപ നില ഏറ്റവും താഴ്ന്ന നിലയിലേക്ക് എത്തിച്ചു കൊണ്ട് ബുധനാഴ്ച തുടങ്ങിയ ശക്തമായ കാറ്റും മഴയും യു. എ. ഇ. യിൽ തുടരുന്നു. ചില ഭാഗങ്ങളിൽ ആലിപ്പഴ വർഷവും ഉണ്ടായി. ഇതോടെ തണുപ്പ് അതി കഠിനം ആവുകയും ചെയ്തു. വിവിധ എമിറേറ്റുകളില്‍ കനത്ത മഴയില്‍ റോഡു കളില്‍ ഗതാഗത തടസ്സവും നേരിട്ടു.

ബുധനാഴ്ച രാവിലെ തുടങ്ങിയ ചാറ്റല്‍ മഴ ഉച്ചയോടെ ശക്തി പ്രാപിച്ചു. ഷാർജയിലേയും ഫുജൈറയിലേ യും മിക്ക സ്കൂളുകളും ബുധനാഴ്ച ഉച്ചയോടെ അടക്കുകയും അവധി നല്‍കുകയും ചെയ്തു.

അബുദാബിയില്‍ വ്യാഴാഴ്ച വൈകുന്നേരത്തോടെ തുടങ്ങിയ മഴ രാത്രിയോടെ കൂടുതല്‍ ശക്തമായി. ഇപ്പോഴും മൂടിക്കെട്ടിയ കാലാവസ്ഥ തുടരുന്നു.

അസ്ഥിര കാലാവസ്ഥ തുടരുന്ന സാഹചര്യത്തിൽ അനാവശ്യ യാത്രകൾ ഒഴിവാക്കണം എന്നും അടിയന്തര ഘട്ടങ്ങളിൽ സൂക്ഷ്മതയോടെയും സുരക്ഷാ സംവിധാനങ്ങൾ സ്വീകരിച്ചും ഡ്രൈവ് ചെയ്യണം എന്നും അധികൃതര്‍ ഓര്‍മ്മിപ്പിച്ചു.

ശനിയാഴ്ച കൂടുതൽ മഴ പെയ്യാൻ സാദ്ധ്യത ഉണ്ട് എന്നും  കാലാവസ്ഥാ നിരീക്ഷകർ അറിയിച്ചു. Twitter

- pma

വായിക്കുക: , , , ,

അഭിപ്രായം എഴുതുക »

2023 : ഇയർ ഓഫ് സസ്റ്റൈനബിലിറ്റി

January 22nd, 2023

sheikh-mohamed-bin-zayed-ePathram
അബുദാബി : 2023 യു. എ. ഇ. യുടെ സുസ്ഥിരതാ വർഷം (ഇയർ ഓഫ് സസ്റ്റൈനബിലിറ്റി) എന്ന് പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാൻ.

ഐക്യ രാഷ്ട്ര സഭയുടെ ആഗോള കാലാവസ്ഥ വ്യതിയാന ഉച്ച കോടി ‘കോപ് 28 ന്‍റെ ആതിഥേയർ എന്ന നിലയിൽ യു. എ. ഇ. യുടെ പങ്ക് നിറവേറ്റാൻ പ്രതിജ്ഞാ ബദ്ധമായിരിക്കും എന്ന് അദ്ദേഹം ട്വീറ്റ് ചെയ്തു. 2023 നവംബർ 30 മുതൽ ഡിസംബർ 12 വരെ ദുബായ് എക്സ്പോ സിറ്റിയിലാണ് ഉച്ചകോടി നടക്കുക.

Twitter – W A M – 2023 The Year Of Sustainability

- pma

വായിക്കുക: , , , , , , ,

അഭിപ്രായം എഴുതുക »

1 of 1012310»|

« Previous « സമദാനിയുടെ ‘മദീനയിലേക്കുള്ള പാത’ ഇസ്‌ലാമിക് സെന്‍ററില്‍
Next Page » ഐ. എസ്. സി. തിലക് – 2023 പുരസ്കാരങ്ങള്‍ സമ്മാനിച്ചു »



  • മെഹ്ഫിൽ ഹ്രസ്വ ചിത്ര-മാധ്യമ പുരസ്കാരങ്ങൾ സമ്മാനിച്ചു
  • ബാഫഖി തങ്ങളുടെ സംഭാവന പുതു തലമുറ പഠന വിഷയം ആക്കണം : എം. എ. റസാഖ് മാസ്റ്റർ
  • ഹെൽത്ത് കെയർ വീഡിയോ സീരിസ് എച്ച് ഫോർ ഹോപ്പ് പുറത്തിറങ്ങി
  • കെ. എം. സി. സി. ഇവന്റസ്‌ ഓഫീസ് തുറന്നു പ്രവർത്തനം ആരംഭിച്ചു
  • സിഗ്നലിൽ ചുവപ്പ് ലൈറ്റ് മറി കടന്നാൽ 1000 ദിർഹം പിഴ
  • ഡോ. ഷംഷീർ വയലിൽ അനുശോചനം അറിയിച്ചു.
  • എയർ പോർട്ട് സിറ്റി ചെക്ക്-ഇന്‍ സേവനം മുസ്സഫ ഷാബിയയിലും
  • ശൈ​ഖ് ത​ഹ്‍​നൂ​ൻ ബി​ൻ മുഹമ്മദ് അല്‍ നഹ്യാന്‍ അന്തരിച്ചു
  • വീണ്ടും മഴ മുന്നറിയിപ്പ് : മുന്നോടിയായി പൊടിക്കാറ്റ് വീശുന്നു
  • മെഹ്ഫിൽ അവാർഡ് നിശ മെയ്‌ 12 ഞായറാഴ്ച ഷാർജയിൽ
  • മഠത്തിൽ മുസ്തഫയുടെ ചിത്രം ലൈബ്രറിയിൽ സ്ഥാപിച്ചു
  • ദുബായ് വിമാനത്താവളം സാധാരണ നിലയിലേക്ക്
  • ഈദ് പ്രോഗ്രാം ‘ശവ്വാൽ നിലാവ്’ ശ്രദ്ധേയമായി
  • വിഷു – ഈദ് – ഈസ്റ്റർ ആഘോഷങ്ങൾ സംഘടിപ്പിച്ചു
  • കെ. എസ്. സി. സംഘടിപ്പിച്ച ഈദ് വിഷു ഈസ്റ്റർ ആഘോഷം വേറിട്ടതായി
  • യൂസഫലിയുടെ പ്രവാസത്തിൻ്റെ അര നൂറ്റാണ്ട് : 50 കുട്ടികൾക്ക് പുതു ജീവൻ പകർന്ന് ഗോൾഡൻ ഹാർട്ട് ഇനിഷ്യേറ്റീവ്
  • ക്രിക്കറ്റ് ടൂർണ്ണമെൻ്റ് : മാർത്തോമാ യുവജന സഖ്യം ജേതാക്കൾ
  • സസ്നേഹം സമസ്യ : സാഹിത്യ സദസ്സും ആദരിക്കലും
  • ഈദുൽ ഫിത്വർ അവധി ദിനങ്ങൾ
  • ജിമ്മിജോർജ്ജ് സ്മാരക വോളി : എൽ. എൽ. എച്ച്. ഹോസ്പിറ്റൽ ജേതാക്കൾ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine