 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : കഴിഞ്ഞ ആറു പതിറ്റാണ്ടു കാലം സാമൂഹിക-കലാ-സാംസ്‌കാരിക മണ്ഡല ങ്ങളില്‍ നല്കിയ സമഗ്ര സംഭാവനകള്‍ പരിഗണിച്ച് നാസര്‍ പരദേശിയെ ഈവന്റൈഡ്‌സ് ദുബായ് ആദരിച്ചു.
മുഹമ്മദ് റഫി ഫൗണ്ടേഷന്‍ സെക്രട്ടറിയും കേരള ഹാസ്യ വേദി സെക്രട്ടറിയുമാണ് നാസര്‍ പരദേശി.
കോഴിക്കോട് പ്രവാസി അസോസിയേഷന്‍ ട്രഷറര്‍ ജമീല്‍ ലത്തീഫ് ഉപഹാരം സമര്‍പ്പിച്ചു. ബഷീര്‍ പടിയത്ത് പൊന്നാട അണിയിച്ചു. ഫൈസല്‍ മേലടി സ്വാഗതം പറഞ്ഞ ചടങ്ങില്‍ മലയില്‍ മുഹമ്മദലി അദ്ധ്യക്ഷത വഹിച്ചു.
- pma
അബുദാബി : കോലായ സാഹിത്യ കൂട്ടായ്മ യുടെ അന്‍പതാമത് സ്മരണികാ ബ്രോഷര്‍ ഇന്ത്യന്‍ ഇസ്ലാമിക് സെന്റര്‍ പ്രസിഡന്റ് പി. ബാവ ഹാജിക്കു കോപ്പി നല്കി വൈ. സുധീര്‍കുമാര്‍ ഷെട്ടി പ്രകാശനം ചെയ്തു. കോലയ സംഘടിപ്പിക്കുന്ന സാഹിത്യ ക്യാംപിനോട് അനുബന്ധിച്ചാണു സ്മരണിക പുറത്തിറക്കുന്നത്.
പ്രമുഖ എഴുത്തു കാരുടെ സാഹിത്യ സൃഷ്ടികള്‍, പ്രവാസി കളുടെ അനുഭവ ങ്ങള്‍, അഭിമുഖങ്ങള്‍, സിനിമ, ചിത്രകല, ലേഖനങ്ങള്‍ എന്നിവ ഉള്‍പ്പെട്ട മികച്ച സ്മരണികയാകും ഇത് എന്ന് സംഘാടകര്‍ അറിയിച്ചു.
കേരള സംഗീത നാടക അക്കാദമി മുന്‍ സെക്രട്ടറി പി. അപ്പുക്കുട്ടന്‍ മാസ്റ്റര്‍, വി. ടി. വി. ദാമോദരന്‍, കെ. ബി. മുരളി, അസ്മോ പുത്തന്‍ചിറ തുടങ്ങിയവര്‍ പരിപാടിയില്‍ സംബന്ധിച്ചു.
കോലായ സ്മരണിക യിലേക്കുള്ള സൃഷ്ടികൾ kolaya50 at gmail dot com എന്ന ഇ-മെയിലിലേക്ക് അയക്കാവുന്നതാണ്.
- pma
അബുദാബി :പിറന്ന നാടിന്റെ തനിമ നില നിര്‍ത്തി കൊണ്ട് കേരള സോഷ്യൽ സെന്റര്‍ അങ്കണത്തില്‍ ഓണാഘോഷങ്ങള്‍ നടന്നു. മുഖ്യാതിഥി കളോടൊപ്പം എത്തിയ മാവേലിയെ താലപ്പൊലി യോടെയാണ് വനിതകളും കുട്ടികളും സ്വീകരിച്ച് ആനയിച്ചത്.
ചെണ്ടമേളം, പുലിക്കളി, കാവടിയാട്ടം തുടങ്ങിയവ ഉള്‍ക്കൊള്ളിച്ച വിപുലമായ ഘോഷ യാത്രയോടെ ആയിരിരുന്നു ഓണാഘോഷ ങ്ങള്‍ക്ക് തുടക്കം കുറിച്ചത്.
പത്തനാപുരം മുന്‍ എം. എൽ. എ. പ്രകാശ് ബാബു പരിപാടി ഉദ്ഘാടനം ചെയ്തു. ഗണേഷ് ബാബു, വി. എസ്. തമ്പി എന്നിവര്‍ മുഖ്യതിഥികളായിരുന്നു.
മോഹിനിയാട്ടം, തിരുവാതിര ക്കളി, തായമ്പക, സംഘ ഗാനം, നാടകം, കവിതാവിഷ്കാരം, സംഘ നൃത്തം, നാടൻപാട്ട് തുടങ്ങി വൈവിധ്യ മാര്‍ന്ന കലാ പരിപാടികളും അരങ്ങേറി.
ഓണാഘോഷത്തിന്റെ തുടർച്ചയായി വനിതകൾക്കും കുട്ടികൾക്കുമായി സെപ്തംബര്‍ 28 ശനിയാഴ്ച പൂക്കള മത്സരംവും ഒക്ടോബർ 4,വെള്ളിയാഴ്ച മൂവായിരത്തോളം പേര്‍ക്കായി ഒരുക്കുന്ന ഓണ സദ്യയും ഉണ്ടായിരിക്കും എന്ന് ഭാരവാഹികൾ അറിയിച്ചു.
കെ. എസ്. സി. പ്രസിഡണ്ട്‌ എം. യു. വാസു, ജനറല്‍ സെക്രട്ടറി ബി. ജയകുമാർ, കലാ വിഭാഗം സെക്രട്ടറി രമേശ്‌ രവി തുടങ്ങിയവര്‍ പരിപാടി കൾക്ക് നേതൃത്വം നല്കി.
- pma
വായിക്കുക: ആഘോഷം, കേരള സോഷ്യല്‍ സെന്റര്‍, പ്രവാസി
അബുദാബി : ഗാന്ധി ജയന്തിയോട് അനുബന്ധിച്ച് ഇന്ത്യൻ മീഡിയ അബുദാബി യുടെ ആഭിമുഖ്യ ത്തിൽ ഇന്ത്യൻ സ്ഥാനപതി കാര്യാലയം കൾചറൽ വിഭാഗം, ഇന്ത്യൻ ഇസ്ലാമിക് സെന്റർ, ഗാന്ധി സാഹിത്യ വേദി എന്നിവ യുടെ സഹകരണ ത്തോടെ യു. എ. ഇ. തലത്തിൽ സ്‌കൂൾ വിദ്യാര്‍ത്ഥിക ൾക്കായി ഡ്രോയിംഗ് – പെയിന്റിംഗ്, ക്വിസ് മൽസരം നടത്തുന്നു.
ഒക്ടോബര്‍ 4 വെള്ളിയാഴ്ച അബുദാബി ഇന്ത്യൻ ഇസ്ലാമിക് സെന്ററിൽ രാവിലെ 9 മുതൽ രാത്രി പത്തു വരെയാണ് ഗാന്ധിജയന്തി ആഘോഷം നടക്കുക.
രാവിലെ 9 മുതൽ ഡ്രോയിംഗ് – പെയിന്റിംഗ് മൽസരങ്ങളും വൈകീട്ട് മൂന്നു മുതൽ അഞ്ചര വരെ ഇന്റർ സ്‌കൂൾ ക്വിസ് മൽസരവും നടക്കും. വിജയി കൾക്ക് ക്യാഷ് അവാർഡും വിജയി കൾക്കും പങ്കെടുക്കുന്ന വർക്കും എംബസി യുടെ സർട്ടിഫിക്കറ്റുകളും സമ്മാനിക്കും.
വൈകീട്ട് ഏഴിന് നടക്കുന്ന സാംസ്‌ക്കാരിക സമ്മേളന ത്തിൽ കേരള നിയമസഭാ സ്പീക്കർ ജി. കാർത്തികേയൻ, ഇന്ത്യൻ സ്ഥാനപതി എം. കെ. ലോകേഷ്, പ്രവാസി ഭാരതീയ സമ്മാൻ ജേതാവും ഇന്ത്യൻ ഇസ്ലാമിക് സെന്റർ പ്രസിഡന്റുമായ പി. ബാവ ഹാജി, യൂണിവേഴ്‌സൽ ആശുപത്രി എം. ഡി. ഡോ.ഷെബീർ നെല്ലിക്കോട് എന്നിവരാണ് വിജയി കൾക്ക് അവാർഡുകളും സർട്ടിഫിക്കറ്റുകളും സമ്മാനിക്കുക.
മൽസരത്തിൽ പങ്കെടുക്കാനാഗ്രഹിക്കുന്നവർ 056 19 84 694, 050 74 29 438 എന്നീ നമ്പറു കളിലോ, ima dot abudhabi at gmail dot com എന്ന ഇ-മെയിലിലോ ഈ മാസം 30നു മുമ്പായി പേർ റജിസ്റ്റർ ചെയ്യണം.
അബുദാബി യൂണിവേഴ്‌സൽ ആശുപത്രിയിലെ റിസപ്ഷൻ കൗണ്ടറിലും പേരു റജിസ്റ്റർ ചെയ്യാം.
- pma
വായിക്കുക: കുട്ടികള്‍, പ്രവാസി, മാധ്യമങ്ങള്‍, വിദ്യാഭ്യാസം
അബുദാബി : യു. എ. ഇ. യുടെ ഔദ്യോഗിക വിമാന കമ്പനിയായ ഇത്തിഹാദ് എയര്‍വേസ് അബുദാബി യില്‍ നിന്ന് ഇന്ത്യ യിലേക്ക് കൂടുതല്‍ വിമാന സര്‍വീസുകള്‍ ആരംഭിക്കുന്നു. നവംബര്‍ ഒന്ന് മുതലാണ് ഇന്ത്യ യിലേക്കുള്ള സീറ്റുകള്‍ വര്‍ധിപ്പിക്കുന്നതിനൊപ്പം സര്‍വീസുകളുടെ എണ്ണവും കൂട്ടുന്നത്.
ഇന്ത്യന്‍ സമ്പദ് വ്യവസ്ഥയുടെ പ്രാധാന്യം കണക്കിലെടുത്താണ് ഇത്തിഹാദ് കൂടുതല്‍ സര്‍വീസുകള്‍ ആരംഭിക്കുന്നത്. ലോക ത്തിലെ ഏറ്റവും വേഗ ത്തില്‍ വളര്‍ന്നു കൊണ്ടിരിക്കുന്ന രാജ്യ ങ്ങളില്‍ ഒന്നാണ് ഇന്ത്യയെന്നും ഇത്തിഹാദിന്‍െറ പദ്ധതി കളില്‍ ഇന്ത്യക്ക് നിര്‍ണായക സ്ഥാന മാണുള്ള തെന്നും കമ്പനി പ്രസിഡന്‍റും ചീഫ് എക്സിക്യൂട്ടീവ് ഓഫിസറുമായ ജെയിംസ് ഹോഗന്‍ അബുദാബി യില്‍ പറഞ്ഞു.
നവംബര്‍ ഒന്ന് മുതല്‍ അബുദാബി – മുംബൈ, അബുദാബി – ന്യൂദല്‍ഹി റൂട്ടുകളില്‍ സീറ്റു കളുടെ എണ്ണം മൂന്നിരട്ടിയായി ഉയര്‍ത്തുമെന്നും, അടുത്ത വര്‍ഷം ആദ്യ ത്തോടെ കേരള ത്തിലേക്കുള്ള സര്‍വീസുകളുടെ എണ്ണം വര്‍ധിപ്പിക്കുമെന്നും അധികൃതര്‍ അറിയിച്ചു. എല്ലാ യാത്രക്കാര്‍ക്കും ഗുണകരമാകുന്ന രീതിയില്‍ ബിസിനസ്, ഫസ്റ്റ്, ഇക്കോണമി ക്ളാസുകളും ഏര്‍പ്പെടുത്തും.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്‍
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
