 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പയ്യന്നൂർ സൗഹൃദവേദി അബുദാബി ചാപ്റ്റര്‍ ഇരുപതാം വാർഷിക ആഘോഷത്തിന്‍റെയും ഇന്ത്യയുടെ എഴുപത്തി ആറാം സ്വാതന്ത്ര്യ ദിന ആഘോഷത്തിന്‍റെയും ഭാഗമായി യു. എ. ഇ. യിലെ പ്രവാസി മലയാളികൾക്കായി ‘വർത്തമാന കാല ഇന്ത്യയും സ്വാതന്ത്ര്യവും’ എന്ന വിഷയത്തെ അധികരിച്ചു കൊണ്ട് ഉപന്യാസ രചനാ മത്സരം സംഘടിപ്പിക്കുന്നു. 16 വയസ്സു കഴിഞ്ഞവർക്ക് മത്സരത്തിൽ പങ്കെടുക്കാം.
രചന ഏഴു പേജിൽ കവിയരുത്. അവസാന തീയ്യതി ആഗസ്റ്റ് 10. ഇ- മെയില്‍ : psvabudhabi @ yahoo . com , ഫോൺ 050 593 7516.
- pma
ഫുജൈറ : പ്രവാചക സ്നേഹികള്‍ക്ക് ‘അല്‍ ബദര്‍’ എന്ന പേരില്‍ പത്ത് ലക്ഷം ദിര്‍ഹം മൂല്യമുള്ള അവാര്‍ഡ് പ്രഖ്യാപിച്ച് ഫുജൈറ കിരീട അവകാശി ശൈഖ് മുഹമ്മദ് ബിന്‍ ഹമദ് അല്‍ ശര്‍ഖി. പ്രവാചകന്‍ മുഹമ്മദ് നബി (സ) യുടെ ആദരണീയമായ ജീവ ചരിത്രം, അതുമായി ബന്ധപ്പെട്ട ആധികാരിക സങ്കല്‍പങ്ങള്‍, പാഠങ്ങള്‍ എന്നിവയെക്കുറിച്ച് ഗവേഷണം നടത്തുന്ന വ്യത്യസ്തമായ ആഗോള സംരംഭം ആയിട്ടാണ് ‘അല്‍ ബദര്‍’ എന്ന പേരിലുള്ള അവാര്‍ഡ് പ്രഖ്യാപിച്ചത്.
പ്രവാചകരുടെ ജീവചരിത്രം പഠിക്കുകയും അവിടുന്ന് കാണിച്ച മിതത്വത്തിന്‍റെയും സഹിഷ്ണുതയുടെയും സന്ദേശം ലോകത്തില്‍ പ്രചരിപ്പിക്കുകയും ചെയ്യുന്ന തലമുറകളെ വളര്‍ത്തി എടുക്കുവാനായി ഫുജൈറ ഭരണാധികാരി, യു. എ. ഇ. സുപ്രീം കൗണ്‍സില്‍ അംഗവുമായ ശൈഖ് ഹമദ് ബിന്‍ മുഹമ്മദ് അല്‍ ശര്‍ഖിയുടെ നിര്‍ദ്ദേശങ്ങളുടെ ചുവടു പിടിച്ചാണ് ഈ അവാര്‍ഡ്.
അല്‍ ബദറില്‍ പങ്കാളിയാകുവാന്‍ രജിസ്റ്റര്‍ ചെയ്യു വാനുള്ള അവസാന തിയ്യതി : 25 സെപ്റ്റംബര്‍ 2022.
വര്‍ഷം മുഴുവന്‍ നടക്കുന്ന നിരവധി പരിപാടികള്‍, പദ്ധതികള്‍ തുടങ്ങിയവക്കുള്ള ആഗോള വേദിയായി ‘അല്‍ ബദര്‍’ പ്രവര്‍ത്തിക്കും.
മുഹമ്മദ് നബി (സ) യെ സ്തുതിക്കുന്നതില്‍ ശ്രദ്ധ കേന്ദ്രീകരിക്കുന്ന സര്‍ഗാത്മക സാഹിത്യങ്ങള്‍, കലാ പ്രവര്‍ത്തനങ്ങള്‍, വിവിധ മേഖല കളില്‍ പ്രാദേശികവും അന്തര്‍ ദേശീയവുമായ പങ്കാളിത്തം ഉറപ്പാക്കുന്ന ഒരു ബിനാലെ അവാര്‍ഡ് ആയിരിക്കും അല്‍ ബദര്‍. കവിത, ചിത്രരചന, കാലിഗ്രാഫി, മള്‍ട്ടി മീഡിയ എന്നീ വിഭാഗ ങ്ങളിലാണ് അല്‍ ബദര്‍ അവാര്‍ഡ് നല്‍കുക. വിശദ വിവരങ്ങള്‍ക്ക് അല്‍ ബദര്‍ പോര്‍ട്ടല്‍ സന്ദര്‍ശിക്കുക.
- pma
ദുബായ് : യു. എ. ഇ.യിലെ സാഹിത്യ-സാംസ്കാരിക കൂട്ടായ്മ അക്ഷരക്കൂട്ടം കഥ, കവിത വിഭാഗത്തിൽ രചനാ മത്സരം സംഘടിപ്പിക്കുന്നു. കഥ എട്ടു പേജിലും കവിത 30 വരികളിലും കൂടരുത്. ജി. സി. സി. യിലെ എല്ലാ പ്രവാസികൾക്കും പ്രായ ഭേദമന്യേ മത്സരത്തിൽ പങ്കെടുക്കാം.
സൃഷ്ടികൾ മുമ്പ് പ്രസിദ്ധീകരിച്ചതോ ആശയങ്ങളുടെ അനുകരണമോ പരിഭാഷയോ ആകരുത്. സൃഷ്ടികൾ പി. ഡി. എഫ്. ആയി ഫോട്ടോയും മൊബൈൽ നമ്പറും സഹിതം aksharakootam17 @ gmail.com എന്ന ഇ- മെയില്‍ വിലാസത്തില്‍ അയക്കുക. അവസാന തീയ്യതി 2022 ജൂലായ് 10.
മലയാളത്തിലെ പ്രമുഖ എഴുത്തുകാര്‍ അടങ്ങുന്ന ജൂറി അന്തിമ ഫലം നിശ്ചയിക്കും. തെരഞ്ഞെടുക്കപ്പെട്ട രചനകൾ ഉൾപ്പെടുത്തിയിട്ടുള്ള കഥ / കവിത സമാഹാരങ്ങൾ അക്ഷരക്കൂട്ടം പ്രസിദ്ധീകരിക്കും. ക്യാഷ് അവാർഡ്, പ്രശസ്തി പത്രം, ആര്‍ട്ടിസ്റ്റ് നിസാർ ഇബ്രാഹിം രൂപ കല്പന ചെയ്ത ശില്പം എന്നിവയാണ് സമ്മാനങ്ങൾ എന്ന് സംഘാടകർ അറിയിച്ചു.
- pma
വായിക്കുക: കവിത, പൂര്‍വ വിദ്യാര്‍ത്ഥി, പ്രവാസി, സാഹിത്യം
അബുദാബി : മുപ്പത്തി ഒന്നാമത് അബുദാബി ഇന്‍റര്‍ നാഷണല്‍ ബുക്ക് ഫെയറിനു നാഷണല്‍ എക്സിബിഷൻ സെന്‍ററിൽ വര്‍ണ്ണാഭമായ തുടക്കം. ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് സെയ്ഫ് ബിൻ സായിദ് അൽ നഹ്യാൻ ഉദ്ഘാടനം ചെയ്തു. തുടർന്ന് വിവിധ സ്റ്റാളുകൾ സന്ദർശിച്ചു.
Highlights from the 31st edition of the Abu Dhabi International Book Fair, which kicked off at the Abu Dhabi National Exhibition Centre #ADNEC on May 23 and will continue until May 29. @ADIBF pic.twitter.com/hoDiUThqy5
— ADNEC Group (@ADNECGroup) May 24, 2022
ഉദ്ഘാടന ചടങ്ങിൽ വിദ്യാഭ്യാസ വകുപ്പു മന്ത്രി ഡോ. അഹ്മദ് ബെൽഹൂൽ അൽ ഫലാസി, സാംസ്കാരിക യുവജന വകുപ്പ് മന്ത്രി നൂറ ബിൻത് മുഹമ്മദ് അൽ കഅബി, മറ്റു വിവിധ വകുപ്പു മന്ത്രിമാരായ ഡോ. സുഹൈൽ മുഹമ്മദ് അൽ മസ്‌റൂയി, ഡോ. സാറാ മുസല്ലം, ഡോ. മുഹമ്മദ് ഖലീഫ അൽ മുബാറക്, ഡി സി ടി അബുദാബിയുടെ ചെയർമാൻ സാഊദ് അബ്ദുൽ അസീസ് അൽ ഹൊസ്നി, അണ്ടർ സെക്രട്ടറി ഡോ. അലി ബിൻ തമീം, സയീദ് ഹംദാൻ അൽ തുനൈജി നിരവധി അക്കാദമിക് വിദഗ്ധരും പുസ്തക പ്രേമികളും സംബന്ധിച്ചു.
خليفة باقٍ في القلوب#معرض_أبوظبي_الدولي_للكتاب
Khalifa will live forever in our hearts#ADIBF2022 pic.twitter.com/KreLZ79UZN
— AD Int Book Fair (@ADIBF) May 24, 2022
നാഷണൽ ബുക്ക് ട്രസ്റ്റ് ഓഫ് ഇന്ത്യയുടെ സ്റ്റാൾ ഇന്ത്യൻ സ്ഥാനപതി സഞ്ജയ് സുധീർ ഉദ്ഘാടനം ചെയ്തു. ഇംഗ്ലിഷ്, ഹിന്ദി ഉൾപ്പെടെ വിവിധ ഭാഷകളിലെ പുസ്തകങ്ങൾ ഇവിടെ ഒരുക്കിയിട്ടുണ്ട്.
ബുക്ക് ഫെയറില്‍ മലയാളത്തിന്‍റെ സാന്നിദ്ധ്യമായി പ്രമുഖ എഴുത്തുകാരുടെ പുസ്തകങ്ങളുമായി ഡി. സി. ബുക്സ് സ്റ്റാള്‍ ഈ വര്‍ഷവും സജീവമാണ്.
- pma
വായിക്കുക: culture, അബുദാബി, കവിത, കുട്ടികള്‍, വായനക്കൂട്ടം, സാംസ്കാരികം, സാഹിത്യം
അബുദാബി : മുപ്പത്തി ഒന്നാമത് അബുദാബി അന്താരാഷ്ട്ര പുസ്തകോത്സവം 2022 മെയ് 23 മുതൽ മെയ് 29 വരെ അബുദാബി നാഷണൽ എക്സിബിഷൻ സെന്‍ററിൽ നടക്കും. എണ്‍പത് രാജ്യങ്ങളിൽ നിന്നായി ആയിരത്തോളം പ്രസാധകർ പുസ്തകോത്സവത്തില്‍ പങ്കാളികളാവും. സംവാദങ്ങൾ, കാവ്യ സന്ധ്യ കൾ, ശില്പ ശാലകള്‍, നാനൂറോളം പ്രത്യേക പരിപാടികൾ, മറ്റു സാംസ്കാരിക പരിപാടികൾ എന്നിവ അരങ്ങേറും.
- pma
വായിക്കുക: palm-books, അബുദാബി, യു.എ.ഇ., സാംസ്കാരികം, സാഹിത്യം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
