 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പ്രവാസി തൊഴിലാളികളുമായി സംവദിക്കുന്ന യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അല്‍ നഹ്യാന്‍റെ വീഡിയോ വൈറല്‍.
വാഹനത്തിലേക്ക് കയറുന്ന പ്രസിഡണ്ടിനെ അടുത്തു വെച്ച് കണ്ടപ്പോള്‍ അമ്പരന്നു നില്‍ക്കുന്ന രണ്ട് തൊഴിലാളികളെ അദ്ദേഹത്തിന്‍റെ ശ്രദ്ധയില്‍പ്പെട്ടു. പ്രവാസികളായ അവരെ അടുത്തേക്കു വിളിച്ചു.
തുടര്‍ന്ന് അദ്ദേഹം അവരോട് കുശലാന്വേഷണം നടത്തുകയും ഒരുമിച്ചുള്ള ഫോട്ടോ എടുക്കുകയും ചെയ്തു. പ്രസിഡണ്ട് രണ്ട് പേരുമായി സംസാരിക്കുന്ന വീഡിയോ ട്വിറ്ററില്‍ പെട്ടെന്നു തന്നെ വൈറല്‍ ആവുകയായിരുന്നു.
- pma
വായിക്കുക: social-media, viral-video, തൊഴിലാളി, ബഹുമതി, യു.എ.ഇ.
അബുദാബി : കേരള സോഷ്യൽ സെന്‍ററിന്‍റെ നേതൃത്വ ത്തില്‍ സംഘടിപ്പിക്കുന്ന ഒരു വർഷക്കാലം നീണ്ടു നിൽക്കുന്ന ഇന്തോ – യു. എ. ഇ. സാംസ്കാരിക സമന്വയ വർഷാചരണത്തിന് തുടക്കമായി. യു. എ. ഇ. പ്രസിഡൻഷ്യൽ കാര്യ മന്ത്രാലയത്തിലെ മത-നീതി ന്യായ കാര്യ ഉപദേഷ്ടാവ് സയ്യിദ് അലി അൽ ഹാഷ്മി സാംസ്കാരിക സമന്വയ വർഷാചരണ ത്തിന്‍റെ ഔപചാരികമായ ഉദ്‌ഘാടനം നിർവ്വഹിച്ചു.
ഇന്ത്യയും യു. എ. ഇ. യും തമ്മിലുള്ള ഊഷ്മളമായ ബന്ധത്തെക്കുറിച്ചും യു. എ. ഇ. യുടെ സമഗ്ര വികസന ത്തിൽ ഇന്ത്യൻ സമൂഹത്തിന്‍റെ പങ്കിനെ ക്കുറിച്ചും അദ്ദേഹം എടുത്തു പറഞ്ഞു.
ഇന്ത്യയുടെ രാഷ്ട്ര പിതാവ് മഹാത്മാ ഗാന്ധിയും യു. എ. ഇ യുടെ രാഷ്ട്ര പിതാവ് ശൈഖ് സായിദ് ബിൻ സുൽത്താൻ അൽ നഹ്യാനും മുന്നോട്ടു വച്ചത് ഒരേ ആശയങ്ങളും ദർശനങ്ങളും ആണെന്നും ഇത് ഇരു രാജ്യങ്ങളുടെയും സമഗ്ര വികസന ത്തിനും സമാധാനത്തിനും നിദാനമായ കാരണങ്ങളിൽ പ്രധാനപ്പെട്ടവയാണ് എന്നും അദ്ദേഹം കൂട്ടിച്ചേർത്തു.
ഇന്ത്യൻ എംബസ്സി ഡെപ്യൂട്ടി ചീഫ് ഓഫ് മിഷൻ എ. അമർനാഥ് മുഖ്യാതിഥി ആയിരുന്നു. കേരള സോഷ്യൽ സെന്‍റർ പ്രസിഡണ്ട് എ. കെ. ബീരാൻ കുട്ടി അദ്ധ്യക്ഷത വഹിച്ചു.
അബുദാബി കമ്മ്യുണിറ്റി പോലീസ് പ്രതിനിധി ആസിയ ദഹൂറി, ഇന്ത്യൻ ഇസ്ലാമിക് സെന്‍റർ പ്രസിഡണ്ട് പി. ബാവാ ഹാജി, അബുദാബി മലയാളി സമാജം ജനറൽ സെക്രട്ടറി എം. യു. ഇർഷാദ്, ഐ. എസ്. സി. വൈസ് പ്രസിഡണ്ട് രജി ഉലഹന്നാൻ, യു. അബ്ദുള്ള ഫറൂഖി, അഹല്യ ഹോസ്പിറ്റൽ സീനിയർ ഓപ്പറേഷൻ മാനേജർ സൂരജ് പ്രഭാകർ, എല്‍. എല്‍. എച്ച്. ഹോസ്പിറ്റൽ മാര്‍ക്കറ്റിംഗ് മാനേജര്‍ നിര്‍മ്മല്‍ ചിറയത്ത് തുടങ്ങി സാമൂഹിക സാംസ്കാരിക ബിസിനസ്സ് രംഗങ്ങളിലെ പ്രമുഖര്‍ സംബന്ധിച്ചു.
കെ. എസ്. സി. ജനറൽ സെക്രട്ടറി കെ. സത്യൻ സ്വാഗതവും ജോ. സെക്രട്ടറി പി. ശ്രീകാന്ത് നന്ദിയും പറഞ്ഞു. സെന്റര് വനിതാ വിഭാഗം ജോയിന്‍റ് കൺവീനർ ചിത്ര ശ്രീവത്സൻ അവതാരകയായി.
— Kerala Social Center , Abu Dhabi ( K S C ) (@KSCauh) June 27, 2023
പ്രശസ്ത ബംഗാളി ബാവുൾ നാടോടി ഗായികയും ഇന്ത്യയിലെ പ്രമുഖ ബാവുൾ സംഗീതജ്ഞരിൽ ഒരാളുമായ പാർവ്വതി ബാവുൾ അവതരിപ്പിച്ച ‘ദി മിസ്റ്റിക് പോയട്രി ഓഫ് ദി ബാവുൾസ്‌’ എന്ന സംഗീത പരിപാടി ശ്രദ്ധേയമായി.
ഇന്ത്യയിലെയും യു. എ. ഇ. യിലെയും വിവിധ തനത് കലാ രൂപങ്ങളെയും സംസ്കാരങ്ങളെയും മലയാളി പ്രവാസി സമൂഹത്തിന് പരിചയപ്പെടുത്തി ക്കൊടുക്കുന്ന വിവിധ പരിപാടികൾ ഒരു വർഷക്കാലത്തെ സാംസ്കാരിക സമന്വയ വർഷാചരണത്തിന്‍റെ ഭാഗമായി കേരള സോഷ്യൽ സെന്ററിൽ തുടർ ദിവസങ്ങളിൽ നടക്കും.
- pma
വായിക്കുക: ആഘോഷം, കേരള സോഷ്യല്‍ സെന്റര്, യു.എ.ഇ., സംഗീതം, സംഘടന, സാംസ്കാരികം, സാഹിത്യം
അബുദാബി : അഗ്നിബാധ, റോഡ് അപകടം നടന്ന സ്ഥലം എന്നിവിടങ്ങളിൽ കൂട്ടം കൂടി നിന്ന് രക്ഷാ പ്രവർത്തകർക്കു മാർഗ്ഗ തടസ്സം സൃഷ്ടിക്കുന്ന വര്‍ക്ക് ആയിരം ദിർഹം പിഴ ചുമത്തും എന്ന് അബുദാബി പൊലീസ്.
അപകട ദൃശ്യങ്ങൾ പകർത്തി സാമൂഹിക മാധ്യമ ങ്ങളിൽ പങ്കു വെക്കുന്നവര്‍ക്ക് എതിരെയും കർശ്ശന നടപടി സ്വീകരിക്കും.
അപകട സ്ഥലങ്ങളിലെ കാഴ്ചകള്‍ കാണുവാനും ദൃശ്യങ്ങള്‍ പകര്‍ത്തുവാനും ജനങ്ങള്‍ കൂട്ടം കൂടി നില്‍ക്കുമ്പോള്‍ അവിടേക്ക് ആംബുലന്‍സ് – പോലീസ് – സിവില്‍ ഡിഫന്‍സ് വാഹനങ്ങള്‍ എത്തുന്നതിനും രക്ഷാ പ്രവര്‍ത്തനങ്ങള്‍ നടത്തുവാനും പ്രയാസം സൃഷ്ടിക്കും.
അപകട സ്ഥലത്തേക്ക് യാതൊരു ശ്രദ്ധയും ഇല്ലാതെ നടക്കുന്നതും റോഡ് മുറിച്ചു കടക്കുന്നതും വലിയ ദുരന്തങ്ങള്‍ ഉണ്ടാക്കും. ഇത്തരം സന്ദർഭങ്ങളിൽ അതിലൂടെ യാത്ര ചെയ്യുന്ന വാഹനങ്ങളിലെ ഡ്രൈവർമാരുടെ ശ്രദ്ധയും അപകട സ്ഥലത്തേക്ക് ആയിരിക്കും. അതും അപകടത്തിന്‍റെ വ്യാപ്തി വര്‍ദ്ധിപ്പിക്കും.
അപകടത്തിൽപ്പെടുന്നവരുടെ സ്വകാര്യതയെ മാനിക്കണം. അപകട സ്ഥലത്തു കൂടി കടന്നു പോകുന്ന വാഹനങ്ങൾ ഗതാഗത നിയമങ്ങൾ പാലിക്കണം. അപകടം കാണാൻ വേണ്ടി വേഗത കുറച്ച് എത്തി നോക്കുന്നതും ഗതാഗത തടസ്സം ഉണ്ടാക്കും എന്നും അബുദാബി പോലീസ് ഓർമ്മപ്പെടുത്തി.
- pma
വായിക്കുക: abu-dhabi-police, social-media, traffic-fine, അപകടം, നിയമം, പരിസ്ഥിതി, പൂര്‍വ വിദ്യാര്‍ത്ഥി, പോലീസ്, പ്രവാസി, യു.എ.ഇ.
അബുദാബി : നേരിട്ട്‌ സൂര്യതാപം ഏല്‍ക്കും വിധം തുറസ്സായ സ്ഥലങ്ങളില്‍ കഠിന ജോലികൾ ചെയ്യുന്ന തൊഴിലാളികള്‍ക്കുള്ള നിര്‍ബ്ബന്ധിത ഉച്ച വിശ്രമ നിയമം യു. എ. ഇ. അധികൃതര്‍ പ്രഖ്യാപിച്ചു.
ജൂണ്‍ 15 മുതല്‍ സെപ്തംബര്‍ 15 വരെ മൂന്നു മാസക്കാലം ഉച്ചക്ക് 12.30 മുതല്‍ 3 മണി വരെയാണ് നിയന്ത്രണം. നിരോധിത മാസങ്ങളില്‍ പ്രതിദിന ജോലി സമയം എട്ട് മണിക്കൂറില്‍ കൂടരുത് എന്നും മന്ത്രാലയം ഇറക്കിയ പ്രസ്താവനയില്‍ അറിയിച്ചു.
യു. എ. ഇ. യില്‍ ഉച്ച വിശ്രമ നിയമം നടപ്പിലാക്കുന്നത് ഇത് 19-ാം വര്‍ഷമാണ്. ഉയർന്ന താപ നിലയിൽ ജോലി ചെയ്യു ന്നതു മൂലം ഉണ്ടാവുന്ന അപകട ങ്ങളിൽ നിന്ന് തൊഴിലാളികളെ സംരക്ഷിക്കുക എന്നതാണ് നിർബ്ബന്ധിത നിയമം കൊണ്ട് ലക്ഷ്യം വെക്കുന്നത്.
മധ്യാഹ്ന ഇടവേളയില്‍ തൊഴിലാളികള്‍ക്ക് വിശ്രമിക്കുവാന്‍ ഉള്ള സൗകര്യം തൊഴില്‍ ഉടമകള്‍ ഒരുക്കുകയും വേണം. സര്‍ക്കാര്‍ വ്യവസ്ഥകളും നിയന്ത്രണങ്ങളും ലംഘിക്കുന്നവരില്‍ നിന്നും ഓരോ തൊഴിലാളിക്കും 5,000 ദിര്‍ഹം വീതം പിഴ ചുമത്തും. നിരോധിത സമയങ്ങളില്‍ ഒന്നില്‍ അധികം തൊഴിലാളികളെ കൊണ്ട് ജോലി ചെയ്യിച്ചാല്‍ പരമാവധി പിഴ തുക 50,000 ദിര്‍ഹം ആയിരിക്കും.
ഉച്ച വിശ്രമ നിയമവുമായി ബന്ധപ്പെട്ട പരാതി കൾ 600590000 എന്ന നമ്പറിലൂടെ മൂന്ന് പ്രധാന ഭാഷകൾ ഉൾപ്പെടെ 20 ഭാഷകളിൽ അറിയിക്കാം. W A M
- pma
അബുദാബി : റീട്ടെയില്‍ രംഗത്തെ പ്രമുഖരായ ലുലു ഹൈപ്പര്‍ മാര്‍ക്കറ്റിന് വ്യാപാര രംഗത്തെ മികവിനുള്ള ശൈഖ് ഖലീഫ എക്സലന്സ് അവാർഡ് സമ്മാനിച്ചു.
യു. എ. ഇ. പ്രസിഡണ്ടും അബുദാബി ഭരണാധികാരി യുമായ ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍റെ രക്ഷാ കര്‍തൃത്വത്തില്‍ ഏര്‍പ്പെടുത്തിയ പുരസ്കാരം അബുദാബി കിരീട അവകാശി ശൈഖ് ഖാലിദ് ബിന്‍ മുഹമ്മദ് അല്‍ നഹ്യാനില്‍ നിന്നും ലുലു ഗ്രുപ്പ് എക്‌സിക്യൂട്ടീവ് ഡയറക്ടര്‍ എം. എ. അഷ്‌റഫ് അലി ഏറ്റു വാങ്ങി.
അബുദാബി എമിറേറ്റ്സ് പാലസില്‍നടന്ന ചടങ്ങില്‍ വിവിധ വകുപ്പു മന്ത്രിമാര്‍, ഉന്നത ഉദ്യോഗസ്ഥര്‍ ലുലു ഗ്രൂപ്പ് ചെയര്‍മാന്‍ എം. എ. യൂസഫലി, ലുലു ദുബായ് ഡയറക്ടര്‍ ജയിംസ് വര്‍ഗ്ഗീസ്, തുടങ്ങി നിരവധി പ്രമുഖര്‍ സംബന്ധിച്ചു.
ഗുണ മേന്മ, വിശ്വാസ്യത, പൊതു ജനപ്രീതി എന്നിവ മുന്‍ നിര്‍ത്തിയാണ് ശൈഖ് ഖലീഫ എക്സലന്സ് അവാര്‍ഡിന് ലുലു ഹൈപ്പര്‍ മാര്‍ക്കറ്റിനെ തെരഞ്ഞെടുത്തത്.
യൂറോപ്യന്‍ ഫൗണ്ടേഷന്‍ ഫോര്‍ ക്വാളിറ്റി മാനേജ്മെന്‍റ് എക്സലന്സ് മോഡല്‍ അനുസരിച്ചുള്ള വ്യവസ്ഥ കളും ഉപാധി കളും പരിഗണിച്ച് നടത്തിയ കര്‍ശ്ശനമായ പരിശോധനകളിലൂടെയാണ് ശൈഖ് ഖലീഫ എക്സലന്സ് അവാര്‍ഡ് നിശ്ചയിക്കുന്നത്.
ഉത്പന്നങ്ങളുടെ ഗുണ നിലവാരം, നേതൃത്വം, വിഭവ ശേഷി, ജീവനക്കാരുടെ പരിരക്ഷ തുടങ്ങി നിരവധി മാനദണ്ഡങ്ങള്‍ ജൂറി വിലയിരുത്തി.
അബുദാബി ഇസ്ലാമിക് ബാങ്ക്, ഇത്തിഹാദ് റെയില്‍, അല്‍മസഊദ് ഓട്ടോ മൊബൈല്‍സ്, ട്രാന്‍സ് ഗാര്‍ഡ് ഗ്രൂപ്പ്, അല്‍ വത്ത്ബ നാഷണല്‍ ഇന്‍ഷ്വറന്‍സ് എന്നിവയാണ് ശൈഖ് ഖലീഫ എക്സലന്സ് അവാര്‍ഡിന് തെരഞ്ഞെടുക്കപ്പെട്ട മറ്റു സ്ഥാപനങ്ങള്‍.
- pma
വായിക്കുക: expat, lulu-group, nri, ദുബായ്, പ്രവാസി, യു.എ.ഇ., വ്യവസായം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
