 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : അലൈന്‍ ഐ. എസ്. സി. കലാ സാഹിത്യ വിഭാഗം യു. എ. ഇ. അടിസ്ഥാന ത്തില്‍ അമേച്ച്വര്‍ നാടക മല്‍സരം സംഘടിപ്പിക്കുന്നു. ഫെബ്രുവരി രണ്ടാം വാരം ആരംഭിക്കുന്ന നാടക മത്സര ത്തിലേക്ക് ജനുവരി 13 നു മുന്‍പായി സൃഷ്ടികള്‍ ക്ഷണിക്കുന്നു. കൂടുതല്‍ വിവരങ്ങള്‍ക്ക് വിളിക്കുക. 050 58 39 905 . എഫ്‌. എ. സലാം. കലാ സാഹിത്യ വിഭാഗം സെക്രട്ടറി.
- pma
വായിക്കുക: നാടകം
അബുദാബി : കേരളാ സോഷ്യല്‍ സെന്റര് നാടകോത്സവ ത്തില്‍ മികച്ച രണ്ടാമത്തെ നാടക മായി തിരഞ്ഞെടുക്ക പ്പെട്ട അബുദാബി ശക്തി തിയേറ്റേഴ്‌സി ന്‍റെ ‘കേളു’ എന്ന നാടക ത്തിന്‍റെ സി. ഡി. പ്രകാശനം ചെയ്തു.
അബുദാബി ശക്തി തിയേറ്റേഴ്‌സ് പ്രസിഡന്‍റ് റഹിം കൊട്ടുകാട് അദ്ധ്യക്ഷത വഹിച്ച പ്രകാശന ചടങ്ങില്‍, അബുദാബി മലയാളി സമാജം പ്രസിഡന്‍റ് മനോജ് പുഷ്‌കര്‍ നാടക സംവിധായകന്‍ മഞ്ജുളന് ആദ്യകോപ്പി നല്‍കി ക്കൊണ്ടാണ് പ്രകാശനം നിര്‍വ്വഹിച്ചത്. സമാജം ജനറല്‍ സെക്രട്ടറി ബി. യേശുശീലന്‍, ശക്തി ജനറല്‍ സെക്രട്ടറി ഗോവിന്ദന്‍ നമ്പൂതിരി എന്നിവര്‍ ചടങ്ങില്‍ പങ്കെടുത്തു.
- pma
വായിക്കുക: നാടകം, ശക്തി തിയേറ്റഴ്സ്
ദുബായ് : കണക്ക്‌ കൂട്ടലുകളുടെ അതിരുകള്‍ ക്കുള്ളില്‍ കുടുങ്ങിപ്പോയ വര്‍ത്തമാന ഹൃദയങ്ങള്‍ക്ക്‌ ഒരു പുതിയ അനുഭവവുമായി കൂനന്‍ ദുബായില്‍ അരങ്ങേറുന്നു. പ്രശസ്ത നടനും, സംവിധായകനും, നാടകകൃത്തുമായ മഞ്ഞുളന്റെ ഏകാംഗ നാടകമായ “കൂനന്‍” ഡിസംബര്‍ 27 തിങ്കളാഴ്ച രാത്രി 8 മണിക്ക് ദുബായ് ദല ഹാളില്‍ മഞ്ജുളന് അവതരിപ്പിക്കും.
കൂനന്റെയും അവന്‍ കയ്യിലേന്തുന്ന പൂവിന്റെയും കുടയുടെയും സര്‍വ്വോപരി അവന്റെ വിശുദ്ധ പ്രണയത്തിന്റെയും കഥയാണ് “കൂനന്‍”
മഞ്ജുളന്
പയ്യന്നൂരിനടുത്തുള്ള പെരുന്തട്ട സ്വദേശിയായ മഞ്ജുളന് തൃശൂര്‍ സ്ക്കൂള്‍ ഓഫ് ഡ്രാമയില്‍ നിന്ന് അഭിനയത്തില്‍ ഒന്നാം റാങ്കോടെ നാടക ബിരുദം നേടി. കാലടി സംസ്കൃത സര്‍വകലാശാലയില്‍ നിന്ന് ക്ലാസിക്കല്‍ ഇന്ത്യന്‍ തിയേറ്ററില്‍ ബിരുദാനന്തര ബിരുദം നേടി. 1997ല്‍ കോഴിക്കോട്‌ സര്‍വകലാശാലയുടെ ജി ശങ്കരപ്പിള്ള എന്‍ഡോവ്മെന്റ് പുരസ്കാരം ലഭിച്ചു. 1998ല്‍ “കേളു” എന്ന നാടകത്തിലൂടെ മികച്ച സംവിധായകനുള്ള കേരള സംഗീത നാടക അക്കാദമി പുരസ്കാരം ലഭിച്ചു. 2000ല്‍ കേരള സര്‍ക്കാര്‍ പുരസ്കാരങ്ങള്‍ നേടിയ “ചെഗുവേര” എന്ന നാടകത്തില്‍ ചെഗുവേരയായി അഭിനയിച്ചിരുന്നു. 2002ല്‍ കുട്ടികളുടെ നാടക വേദിയുടെ ഗവേഷണത്തിന് കേന്ദ്ര സാംസ്കാരിക വകുപ്പിന്റെ ഫെലോഷിപ്പ്‌ നേടിയ ഇദ്ദേഹം ഇന്ത്യയിലെ പ്രധാനപ്പെട്ട പല നാടക ശില്‍പ്പ ശാലകളിലും അദ്ധ്യാപകനാണ്. “ഡിസംബര്‍”, “വധക്രമം” (പൂന ഫിലിം ഇന്‍സ്റ്റിറ്റ്യൂട്ട്) എന്നീ സിനിമകളില്‍ നായകനാണ്.
- ജെ.എസ്.
അബുദാബി : കേരളാ സോഷ്യല്‍ സെന്റര് സംഘടിപ്പിച്ച നാടകോത്സവം 2010 ന്‍റെ വിജയികളെ പ്രഖ്യാപിച്ചു. മികച്ച നാടകം : ‘ആത്മാവിന്‍റെ ഇടനാഴി’ (കല അബുദാബി).
ഈ നാടകം സംവിധാനം ചെയ്ത അശോകന്‍ കതിരൂര്‍ മികച്ച സംവിധായകന്‍ ആയും തെരഞ്ഞെടുക്ക പ്പെട്ടു.
മികച്ച നടന്‍ പ്രകാശ്‌. കേളു എന്ന നാടകത്തില്‍ (ഫോട്ടോ: റാഫി അയൂബ്)
ശക്തി തിയ്യറ്റേഴ്സ് അവതരിപ്പിച്ച ‘കേളു’ മികച്ച രണ്ടാമത്തെ നാടകം ആയി. കേളു എന്ന കഥാപാത്രത്തി ലൂടെ പ്രകാശ്‌ മികച്ച നടന്‍ ആയി.
മികച്ച നടി സുരഭി. യക്ഷിക്കഥകളും നാട്ടു വര്‍ത്തമാനങ്ങളും (ഫോട്ടോ. അജയന്‍ കൊല്ലം)
അല്‍ ഐന്‍ ഐ. എസ്. സി. അവതരിപ്പിച്ച ‘യക്ഷിക്കഥകളും നാട്ടു വര്‍ത്തമാനങ്ങളും’ എന്ന നാടക ത്തിലൂടെ സുരഭി മികച്ച നടി യായി തെരഞ്ഞെടുക്ക പ്പെട്ടു.
അബുദാബി നാടക സൗഹൃദം അവതരിപ്പിച്ച ‘ദി ഗോസ്റ്റ്‌’ എന്ന നാടക ത്തിലെ പ്രകടന ത്തിലൂടെ അനന്ത ലക്ഷ്മി മികച്ച രണ്ടാമത്തെ നടിയായി.
മികച്ച രണ്ടാമത്തെ നടന്‍ (ഷാബിര്‍ ഖാന്‍), രണ്ടാമത്തെ നടി (അനന്തലക്ഷ്മി) ദി ഗോസ്റ്റ്‌ എന്ന നാടകത്തില്‍ (ഫോട്ടോ. അജയന്‍)
മികച്ച രണ്ടാമത്തെ നടനുള്ള പുരസ്കാരം ഷാബിര്‍ ഖാന്‍ ചാവക്കാട്‌ ( നാടകം: ദി ഗോസ്റ്റ്‌) കരസ്ഥമാക്കി.
മികച്ച രണ്ടാമത്തെ നടന്‍ ചന്ദ്രഭാനു. നാടകം: 'ഗോദോയെ കാത്ത്' (ഫോട്ടോ. അജയന്‍)
ഇതോടൊപ്പം ദുബായ് കൂത്തമ്പലം അവതരിപ്പിച്ച ‘ഗോദോയെ കാത്ത്’ എന്ന നാടക ത്തിലൂടെ ചന്ദ്രഭാനു വും രണ്ടാമത്തെ നടനുള്ള പുരസ്കാരം നേടി.
മികച്ച ബാല താരം അപര്‍ണ്ണ
അപര്‍ണ്ണ മികച്ച ബാല താരമായി തെരഞ്ഞെടുക്ക പ്പെട്ടു. യുവ കലാസാഹിതി യുടെ ‘സ്വര്‍ണ്ണ ചൂണ്ടയും മത്സ്യ കന്യകയും’ എന്ന നാടക ത്തിലെ പ്രകടന ത്തിലൂടെ യാണ് ഇത്. ഇതേ നാടക ത്തിനാണ് മികച്ച ചമയ ത്തിനുള്ള പുരസ്കാരം.
മികച്ച ഭാവി വാഗ്ദാനമായി കണ്ടെത്തിയത് ഹാരിഫ്‌. തിയ്യേറ്റര്‍ ദുബായ് അവതരിപ്പിച്ച ‘വൊയ്‌സെക്’ എന്ന നാടക ത്തിലെ പ്രകടന ത്തിലൂടെ യാണ് ഹാരിഫ്‌ ഈ നേട്ടം സ്വന്തമാക്കിയത്.
മികച്ച രംഗപടം, പ്രകാശ വിതാനം എന്നിവ കല അബുദാബി യുടെ ‘ആത്മാവിന്‍റെ ഇടനാഴി’ കരസ്ഥമാക്കി. മികച്ച പശ്ചാത്തല സംഗീതം : കേളു എന്ന നാടക ത്തിനും.
കേരളാ സോഷ്യല്‍ സെന്റര് അങ്കണത്തിലെ ആകാംക്ഷാ ഭരിതരായ സദസ്സിനു മുമ്പാകെ, നാടക മല്‍സര ത്തിന്‍റെ വിധി കര്‍ത്താക്കളായി എത്തിയിരുന്ന ജയപ്രകാശ് കുളൂര്‍, നാടകം എന്ത് എന്നതിനെ കുറിച്ചും, വിജയന്‍ കാരന്തൂര്‍ ഓരോ നാടകങ്ങളിലെയും നടീ നടന്‍ മാരുടെ പ്രകടനങ്ങളെ ക്കുറിച്ചും അവതരണങ്ങളിലെ മികവുകളും പോരായ്മകളും വിശദീകരിച്ചു.
കെ. എസ്. സി. പ്രസിഡന്‍റ് കെ. ബി. മുരളി അദ്ധ്യക്ഷത വഹിച്ചു. ജന.സിക്രട്ടറി ബക്കര്‍ കണ്ണപുരം സ്വാഗതം പറഞ്ഞു.ഡോ. ഷജീര്‍ ( ലൈഫ്‌ലൈന്‍ ഹോസ്‌പിറ്റല്‍) മുഖ്യാതിഥി ആയിരുന്നു. കലാ വിഭാഗം സെക്രട്ടറി മാരായ ടി. കെ. ജലീല്‍, രജീദ്‌ എന്നിവര്‍ പരിപാടികള്‍ നിയന്ത്രിച്ചു.
- pma
വായിക്കുക: കേരള സോഷ്യല്‍ സെന്റര്, നാടകം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
