 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : യുവ കലാ സാഹിതി അബുദാബി യുടെ ‘തോപ്പില്‍ ഭാസി സ്മാരക നാടക പഠന കേന്ദ്രം’ ഉദ്ഘാടനവും നാടക ക്യാമ്പും ഒക്ടോബര്‍ 7 വെള്ളിയാഴ്ച രാവിലെ 10 മണിക്ക് പ്രശസ്ത നാടക സംവിധായകന്‍ പ്രമോദ്പയ്യന്നൂര്‍ ഉദ്ഘാടനം ചെയ്യും.
പ്രമോദ് പയ്യന്നൂര്‍ നേതൃത്വം നല്‍കന്ന നാടക ക്യാമ്പില്‍ പങ്കെടുക്കാന്‍ ആഗ്രഹിക്കുന്നവര്‍ യുവ കലാ സാഹിതി തിയ്യേറ്റര്‍ ക്ലബ്ബ് കണ്‍വീനര്‍ കെ. പി. എ. സി. സജു ( 050 – 13 44 829 ) വുമായി ബന്ധപ്പെടുക.
- pma
വായിക്കുക: നാടകം, യുവകലാസാഹിതി
അബുദാബി: കേരളാ സോഷ്യല്‍ സെന്ററില്‍ സംഘടിപ്പിച്ച വൈക്കം മുഹമ്മദ് ബഷീര്‍ അനുസ്മരണം പരിപാടികളുടെ വൈവിധ്യം കൊണ്ടും ജനപങ്കാളിത്തം കൊണ്ടും ശ്രദ്ധേയമായി. അനുസ്മരണ സമ്മേളനം, നാടകം, ബഷീര്‍ കഥാപാത്രങ്ങളുടെ ചിത്രീകരണം, കാരിക്കേച്ചര്‍ തുടങ്ങിയ വിപുലമായ പരിപാടികളാണ് അരങ്ങേറിയത്. പ്രസക്തി, കേരള സോഷ്യല്‍ സെന്റര്‍ സാഹിത്യ വിഭാഗം, കോലായ, നാടക സൗഹൃദം, ആര്‍ട്ടിസ്റ്റാ ആര്‍ട്ട് ഗ്രൂപ്പ്‌ എന്നീ സംഘടനകളുടെ സംയുക്താ ഭിമുഖ്യത്തിലാണ് വൈക്കം മുഹമ്മദ് ബഷീ൪ അനുസ്മരണം സംഘടിപ്പിച്ചത്. ബഷീര്‍ അനുസ്മരണ സമ്മേളനം കേരള സോഷ്യല്‍ സെന്റര്‍ പ്രസിഡന്‍റ് കെ. ബി. മുരളി ഉദ്ഘാടനം ചെയ്തു. അജി രാധാകൃഷ്ണ൯ അധ്യക്ഷത വഹിച്ച യോഗത്തില്‍ സാംസ്‌കാരിക പ്രവര്‍ത്തകനായ എ൯. എസ്. ജ്യോതികുമാ൪ അനുസ്മരണ പ്രഭാഷണം നടത്തി. കവികളായ അസ്മോ പുത്തന്‍ചിറ, നസീ൪ കടിക്കാട്, ശിവപ്രസാദ്, ചെറുകഥാകൃത്ത്‌ ഫാസില്‍, ആയിഷ സക്കീ൪, കേരള സോഷ്യല്‍ സെന്റര്‍ സാഹിത്യവിഭാഗം സെക്രട്ടറി സുരേഷ് പാടൂ൪, ടി. കൃഷ്ണകുമാ൪, ദേവിക സുധീന്ദ്ര൯, അഷ്‌റഫ്‌ ചമ്പാട്, റൂഷ്‌ മെഹ൪ എന്നിവ൪ പ്രസംഗിച്ചു. ഫൈസല്‍ ബാവ സ്വാഗതവും ഷറീഫ്‌ മാന്നാ൪ നന്ദിയും പറഞ്ഞു.
കുട്ടികള്‍ ഉള്‍പ്പെടെയുള്ള ചിത്രകാരന്മാര്‍ ബഷീറിന്റെ കാരിക്കേച്ചറുകളും ബഷീര്‍ കഥാപാത്രങ്ങളുടെ ചിത്രീകരണവും നടത്തിയപ്പോള്‍ പാത്തുമ്മയുടെ ആടും, ആനവാരിയും, മജീദും, സുഹ്റയും, സാറാമ്മയും, മണ്ടന്‍ മുത്തപ്പയും എല്ലാം അബുദാബിയ്ക്ക് പുത്ത൯ കാഴ്ചകളായി. ശശിന്‍ സാ, രാജീവ്‌ മുളക്കുഴ, ജോഷി ഒഡേസ, ഹാരീഷ് തചോടി, ഷാബു, ഗോപാല്‍, നദീം മുസ്തഫ, റോയി മാത്യു, രാജേഷ്‌ ബാബു തുടങ്ങിയ ചിത്രകാരന്മാര്‍ പങ്കെടുത്തു.
തുടര്‍ന്നു ഇസ്കന്ദര്‍ മിര്‍സയുടെ സംവിധാനത്തില്‍, നാടക സൗഹൃദം അണിയിച്ചൊരുക്കിയ “അനല്‍ഹഖ്’ എന്ന നാടകം ബഷീര്‍ കൃതികളുടെ തന്നെ ഒരു മറുപുറ വ്യാഖ്യാനമായി മാറി. അടൂര്‍ അഭ്ര പാളികളില്‍ ശബ്ദം കൊണ്ട് മാത്രം സാന്നിധ്യം അറിയിച്ച മതിലുകളിലെ നാരായണിയെ കേന്ദ്ര കഥാപാത്രമാക്കി രംഗത്ത് അവതരിപ്പിച്ചത് പുതിയ ചര്‍ച്ചകള്‍ക്ക് വഴിയോരുക്കിയേക്കാം. നിരവധി തവണ യു. എ. ഇ. യിലെ മികച്ച നടിക്കുള്ള പുരസ്കാരങ്ങള്‍ നേടിയിട്ടുള്ള അനന്തലക്ഷ്മി ഷെരീഫ്, നാരായണിയായി അനിതര സാധാരണമായ അഭിനയം കാഴ്ച വെച്ചു. സഹീര്‍ ചെന്ത്രാപ്പിന്നി, ഷാബിര്‍ ഖാന്‍, സലിഹ് കല്ലട, ഷഫീക് എന്നിവര്‍ വിവിധ കാലഘട്ടങ്ങളിലെ ബഷീറിനെ അവതരിപ്പിച്ചപ്പോള്‍ കുഞ്ഞു പാത്തുമ്മയായി ബാല താരം ഐശ്യര്യാ ഗൌരി നാരായണ൯ മികച്ച അഭിനയം കാഴ്ച വെച്ചു. ഷാഹ്ധാനി വാസു, പ്രീത നമ്പൂതിരി, അബൂബക്ക൪, ബിജു, പ്രവീണ്‍ എന്നിവരും വിവിധ കഥാപാത്രങ്ങളെ രംഗത്ത് എത്തിച്ചു.
സുഭാഷ്‌ ചന്ദ്ര, മുഹമ്മദ് അലി, ചന്ദ്രശേഖ൪, ഫാസില്‍ അബ്ദുള്‍ അസീസ്‌, സജി കെ. പി. എ. സി, വാസു കുറുങ്ങോട്ട് എന്നിവ൪ പരിപാടികള്‍ക്ക് നേതൃത്വം നല്‍കി.
-
വായിക്കുക: കേരള സോഷ്യല്‍ സെന്റര്‍, നാടകം, സാഹിത്യം
ദുബായ് : അഗ്നി തിയ്യറ്റേഴ്സ് ഒരുക്കിയ ‘കൂട്ടുകുടുംബം’ അരങ്ങിലെത്തി. ഫ്രാന്‍സിസ് ടി. മാവേലിക്കര രചന നിര്‍വ്വഹിച്ച കൂട്ടുകുടുംബം സംവിധാനം ചെയ്തത് ബാബു അരിയന്നൂര്‍.
വര്‍ത്തമാന കാലഘട്ടത്തില്‍ സമൂഹത്തിലെ മൂല്യച്യുതികളെ ഒരു കുടുംബ ത്തില്‍ നടക്കുന്ന സംഭവ ങ്ങളിലൂടെ പ്രതിപാദിച്ച ഈ നാടകത്തില്‍ ചന്ദ്രഭാനു, അഷ്‌റഫ്‌ പെരിഞ്ഞനം, ബിനു ഹുസൈന്‍, ജാന്‍സി ജോഷി, ബിബാഷ്‌, സോണിയ, തങ്കം സുബ്രമണ്യം, സുരേഷ് പൊന്നറമ്പില്‍, എബിസന്‍ തെക്കെടം, സൌമ്യ, അന്‍സാര്‍ മാഹി, സജി സുകുമാരന്‍, ജോയ്‌ എന്നിവര്‍ പ്രധാന കഥാപാത്രങ്ങളെ അവതരിപ്പിച്ചു.
രമേശ്‌ കാവില്‍, രാജ്മോഹന്‍, ശംസുദ്ധീന്‍ ചേറ്റുവ എന്നിവരുടെ ഗാനങ്ങള്‍ക്ക് ക്ക് സംഗീതം നല്‍കിയത്‌ സെബി നായരമ്പലം. ആലാപനം : ദലീമ, ഗണേഷ്‌ സുന്ദര്‍. പിന്നണിയില്‍ ഗോകുല്‍, ജയന്‍, സന്തോഷ്‌ ആലക്കാട്ട് എന്നിവരും പ്രവര്‍ത്തിച്ചു.
2007 ല്‍ കെ. എസ്. ബി. സി. സംഘടിപ്പിച്ച അഖില കേരള പ്രൊഫഷണല്‍ നാടക മല്‍സര ത്തില്‍ ഏറ്റവും മികച്ച നാടക ത്തിനുള്ള അവാര്‍ഡ്‌ നേടിയിരുന്ന ‘കൂട്ടുകുടുംബം’ ദുബായില്‍ നിറഞ്ഞ സദസ്സിലാണ് അവതരിപ്പിച്ചത്.
(ചിത്രങ്ങള്‍ : ഖുറൈഷി ആലപ്പുഴ)
- pma
ദുബായ് : ദുബായ് കേന്ദ്രമായി പ്രവര്‍ത്തനം ആരംഭിച്ച യു. എ. ഇ. യിലെ നാടക പ്രവര്‍ത്തകരുടെ കൂട്ടായ്മ ‘അഗ്നി തിയ്യറ്റേഴ്സ്’ ഒരുക്കുന്ന സംഗീത നാടകം ‘കൂട്ടുകുടുംബം’ ജൂലായ്‌ 1 വെള്ളിയാഴ്ച വൈകുന്നേരം 7 മണിക്ക് ദുബായ് അല്‍ നാസര്‍ ലിഷര്‍ ലാന്‍റ് നഷ് വാന്‍ ഹാളില്‍ അരങ്ങേറും.
ഫ്രാന്‍സിസ് ടി. മാവേലിക്കര രചന നിര്‍വ്വഹിച്ച കൂട്ടുകുടുംബം, 2007 ല്‍ കെ. എസ്. ബി. സി. സംഘടിപ്പിച്ച അഖില കേരള പ്രൊഫഷണല്‍ നാടക മല്‍സര ത്തില്‍ ഏറ്റവും മികച്ച നാടക ത്തിനുള്ള അവാര്‍ഡ്‌ നേടിയിരുന്നു.
തലമുറകള്‍ കടന്നു പോകുമ്പോള്‍ കുടുംബ ബന്ധങ്ങളില്‍ സംഭവിക്കുന്ന വ്യതിയാനങ്ങള്‍ മൂലം വ്യക്തി കള്‍ക്ക് സാമൂഹത്തില്‍ നേരിടേണ്ടി വരുന്ന അനുഭവങ്ങള്‍ പച്ചയായി ആവിഷ്കരിക്കുന്ന ‘കൂട്ടുകുടുംബം’ സംവിധാനം ചെയ്തിരിക്കുന്നത് ബാബു അരിയന്നൂര്‍.
വിവരങ്ങള്‍ക്ക് വിളിക്കുക : ചന്ദ്രഭാനു – 055 65 65 615, ബാബു – 050 53 90 49
- pma
ദുബായ് : പ്രേരണ യു. എ. ഇ. യുടെ ആഭിമുഖ്യത്തില്‍ ജൂണ്‍ 30, വ്യാഴാഴ്ച 7.30-ന്, കൊളോണിയ സിനിമയില്‍ (ദുബായ് ഷോപ്പിംഗ് സെന്റര്‍, ദേര സിറ്റി സെന്റര്‍ പാര്‍ക്കിംഗ് 1 & 2-ന് എതിര്‍വശം) വെച്ച്, തിയേറ്റര്‍ ദുബായ് അവതരിപ്പിക്കുന്ന ‘ദ് ഐലന്റ്’ എന്ന നാടകം അരങ്ങേറുന്നു.
ദക്ഷിണ ആഫ്രിക്കയിലെ വര്‍ണ്ണ വിവേചനത്തിന്റെ ഇരുണ്ട കാലഘട്ട ത്തിനെതിരെ തന്റെ നാടകങ്ങളും രചനകളും കൊണ്ട് ശക്തമായി പ്രതികരിച്ച അതൊല്‍ ഫുഗാര്‍ഡിന്റെ അതിപ്രശസ്തമായ നാടകത്തെ മലയാളത്തിലേക്കും നമ്മുടെ കാലഘട്ടത്തിലേക്കും പരിവര്‍ത്തനം ചെയ്യുന്നത്, മലയാള നാടക വേദിയില്‍ സ്വന്തമായ ഒരു ശൈലി കൊണ്ട് മുദ്ര പതിപ്പിച്ച സുവീരനാണ്‌.
നാടക അവതരണത്തിനു ശേഷം ഓപ്പണ്‍ ഫോറം ഉണ്ടായിരിക്കും.
കൂടുതല്‍ വിവരങ്ങള്‍ക്ക് അനൂപ് ചന്ദ്രന്‍ (050-5595790), ബാലു (05-6359930), ജീന (050-7465240) എന്നിവരുമായി ബന്ധപ്പെടുക.
- ജെ.എസ്.
വായിക്കുക: നാടകം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
