അബുദാബി : കര്‍ണ്ണാടക സംഗീത ലോകത്തെ ഇതിഹാസവും പ്രമുഖ സംഗീത സംവിധായകനുമായ വി. ദക്ഷിണാ മൂര്‍ത്തിയെ അബുദാബി ശക്തി തിയ്യറ്റേഴ്‌സും ഇന്ത്യാ സോഷ്യല്‍ സെന്റററും ചേര്‍ന്ന് ആദരിക്കുന്നു.
‘ഗുരുവന്ദനം’ എന്ന പേരില്‍ ഇന്ത്യാ സോഷ്യല്‍ സെന്റര്‍ അങ്കണത്തില്‍ ജൂണ്‍ 30 ശനിയാഴ്ച രാത്രി 7.30ന് സംഘടിപ്പിക്കുന്ന ചടങ്ങ് അബുദാബി യിലെ സംഗീത അദ്ധ്യാപകരും വിദ്യാര്‍ത്ഥികളും ഒരുക്കുന്ന ശാസ്ത്രീയ സംഗീത ഗുരുദക്ഷിണ യോടു കൂടിയാണ് തുടങ്ങുക.
തുടര്‍ന്ന് വി. ദക്ഷിണാ മൂര്‍ത്തിയുടെ മകളും പ്രസിദ്ധ സംഗീതജ്ഞയുമായ ഗോമതി രാമ സുബ്രഹ്മണ്യം നയിക്കുന്ന സംഗീത ക്കച്ചേരിയും ശക്തി കലാകാരികള്‍ അവതരിപ്പിക്കുന്ന മോഹിനിയാട്ടവും അരങ്ങേറും. വി. ദക്ഷിണാ മൂര്‍ത്തി സംഗീതം പകര്‍ന്ന പ്രസിദ്ധ ഗാനങ്ങള്‍ കോര്‍ത്തിണക്കി ക്കൊണ്ടുള്ള ഗാനമേള ശക്തി മ്യൂസിക് ക്ലബ്ബിന്റെ ആഭിമുഖ്യ ത്തില്‍ ഗുരുവന്ദന ത്തില്‍ അവതരിപ്പിക്കും എന്ന് സംഘാടകര്‍ അറിയിച്ചു.
- pma
അനുബന്ധ വാര്‍ത്തകള്‍
വായിക്കുക: ശക്തി തിയേറ്റഴ്സ്, സംഗീതം
