ദുബായ് : വേനൽ ശക്തമാകുന്നു. അധികഠിന ചൂടിൽ വാഹനങ്ങളുടെ സുരക്ഷ ഉറപ്പു വരുത്തണം എന്ന് ദുബായ് പോലീസ് മുന്നറിയിപ്പ് നൽകി.
വാഹനത്തിലെ എല്ലാ സുരക്ഷാ സംവിധാനങ്ങളും ശരിയായി പ്രവർത്തിക്കുന്നു എന്നും ഉറപ്പാക്കുവാൻ സ്ഥിരമായി പരിശോധനകൾ നടത്തുകയും യാത്രക്ക് മുൻപ് വാഹനത്തിൻറെ എൻജിൻ, കൂളിംഗ് സിസ്റ്റം, ബ്രേക്കുകൾ, ടയറുകൾ എന്നിവ നിർബ്ബന്ധമായും പരിശോധിക്കണം. പ്രത്യേകിച്ച് ദീർഘദൂര യാത്രകൾ നടത്തുന്നവർ കൂടുതൽ ജാഗ്രത പാലിക്കണം.
അംഗീകാരം ഇല്ലാത്ത സ്ഥാപനങ്ങളിൽ നിന്ന് വാഹനത്തിന്റെ മോഡിഫിക്കേഷൻ നടത്തരുത്. വാഹനങ്ങളിൽ കൃത്രിമമായി ഉണ്ടാക്കുന്ന മാറ്റങ്ങൾ പെട്ടെന്ന് തീ പിടിക്കാനും ഗുരുതര അപകടങ്ങൾക്കും കാരണമാകും എന്നും അധികൃതർ ഓർമിപ്പിച്ചു.
- pma
അനുബന്ധ വാര്ത്തകള്
വായിക്കുക: awareness, warning, ഗതാഗതം, ദുബായ്, നിയമം, പോലീസ്
