അബുദാബി : രാജ്യത്ത് വിപണിയിൽ ലഭ്യമായ ഫ്ലൈയിംഗ് ടൈഗർ ബ്രാൻഡിന്റെ പ്രത്യേക തരം കപ്പുകൾക്ക് നിരോധനം ഏർപ്പെടുത്തി അധികൃതർ. ഉൽപ്പന്ന സുരക്ഷ, ഗുണ നിലവാരം എന്നിവ വിപണി യിൽ ഉറപ്പാക്കുന്നതിനുള്ള പ്രതിജ്ഞാ ബദ്ധതയുടെ ഭാഗമായി, 2024-ലും 2025-ലും വിറ്റ 220 മില്ലി ഗ്ലാസ് ഡ്രിങ്ക് കപ്പുകൾ ഉപയോഗിക്കുന്നത് ഉടൻ നിർത്തി വെക്കണം എന്നാണു മന്ത്രാലയം ആവശ്യപ്പെട്ടത്.
കപ്പുകളിൽ അടങ്ങിയിരിക്കുന്ന ലെഡ്, കാഡ്മിയം എന്നിവയുടെ അളവ് നിശ്ചിത പരിധിയിൽ കൂടുതൽ ഉണ്ടെന്നു കണ്ടെത്തി. അതിനാൽ ഇപ്പോൾ ഉപയോഗിച്ച് കൊണ്ടിരിക്കുന്ന ഇത്തരം കപ്പുകൾ നശിപ്പിച്ച് കളയണം എന്നും മന്ത്രാലയം അറിയിപ്പിൽ പറയുന്നു.
ഇത് ഉപഭോക്താക്കളുടെ ആരോഗ്യത്തിന് ഭീഷണി ഉയർത്താൻ സാദ്ധ്യത ഉണ്ടെന്നും മന്ത്രാലയം, അവരുടെ സാമൂഹിക മാധ്യമ ങ്ങളിലൂടെ അറിയിച്ചു. സുരക്ഷാ മാനദണ്ഡങ്ങൾ പാലിക്കാത്ത കച്ചവടക്കാർക്ക് എതിരെ കർശ്ശന നടപടി സ്വീകരിക്കും എന്നും മന്ത്രാലയം വ്യക്തമാക്കി.
ഉപഭോക്തൃ സംരക്ഷണം ഉറപ്പാക്കുന്നതിന്റെ ഭാഗമായാണ് മന്ത്രാലയത്തിന്റെ ഈ അടിയന്തര ഇടപെടൽ. insta
