ദുബായില്‍ : ഫോട്ടോകളിലൂടെ കവിത രചിക്കുന്ന ബൂലോഗത്ത്‌ ഏറെ പ്രശസ്തനായ ഫോട്ടോ ബ്ലോഗറും കവിയുമായ പകല്‍ കിനാവന്‍ (daYdreaMer) തന്റെ ഫോട്ടോകളുടെ ആദ്യ പ്രദര്‍ശനം ദുബായില്‍ വെച്ച് നടത്തുന്നു. നവംബര്‍ 12ന് (വെള്ളിയാഴ്ച) ദുബായ്‌ ഗര്‍ഹൂദിലെ ഹൈലാന്‍ഡ്‌ ഗാര്‍ഡന്‍സ് റെസ്റ്റോറന്റില്‍ വൈകീട്ട് മൂന്നു മണിക്ക് നിക്കോളാസ്‌ ടാന്ടെലാസ് പ്രദര്‍ശനം ഉദ്ഘാടനം ചെയ്യും. മൂന്നു മണി മുതല്‍ ഏഴു മണി വരെയാണ് പ്രദര്‍ശനം. ദുബായില്‍ എഞ്ചിനിയര്‍ ആയ ഡോ. അബ്ദുള്‍ നാസര്‍ വരച്ച ചിത്രങ്ങളും പ്രദര്‍ശനത്തില്‍ ഉണ്ടാവും.
- ജെ.എസ്.
