 |
 |
 |
 |
 |
 |
 |
 |
 |
 |
 |
 |
 |
 |
നോര്ക്കയുടെ പ്രവാസി സുരക്ഷാ പദ്ധതിയില് തങ്ങളുടെ എല്ലാ അംഗങ്ങളേയും പങ്കാളികളാക്കുമെന്ന് ഖത്തറിലെ കൊഡാക്ക പ്രതിനിധികള് വാര്ത്താ സമ്മേളനത്തില് പറഞ്ഞു. ഫെബ്രുവരി നാലിന് ദോഹ സിനിമയില് നടക്കുന്ന ചടങ്ങില് പത്മശ്രീ സി.കെ മേനോനെ ആദരിക്കുമെന്നും ഇവര് വ്യക്തമാക്കി.
- ജെ.എസ്.
പൊന്നാനി എം. ഇ. എസ്. കോളേജ് അലുംനി യു. എ. ഇ. ചാപ്റ്ററിന്റെ ആഭിമുഖ്യത്തില് ഫെബ്രുവരി 5 നു ദുബായ് റാഷിദിയയിലുള്ള മുഷരീഫ് പാര്ക്കില് വെച്ച് വിവിധ കലാ – കായിക പരിപാടി കളോടെ വിന്റ്റ് മീറ്റ് 2010 സംഘടിപ്പിക്കുന്നു. രാവിലെ 9 മണി മുതല് ആരംഭിക്കുന്ന ഈ ഒത്തു ചേരലില് കുട്ടികള്ക്കു വേണ്ടി ചിത്ര രചനാ മത്സരവും ക്വിസ് പ്രൊഗ്രാമും ഉണ്ടായിരിക്കും.
യു. എ. ഇ. യിലുള്ള എല്ല എം. ഇ. എസ്. പൊന്നാനി കോളേജ് പൂര്വ്വ വിദ്യാര്ത്ഥികളും ഈ സ്നേഹ സംഗമത്തില് പങ്കെടുക്കാന് രാവിലെ ഒമ്പതു മണിക്കു തന്നെ മുഷരിഫ് പാര്ക്കില് എത്തി ച്ചേരണമെന്ന് സംഘാടകര് അഭ്യര്ത്ഥിച്ചു.
കൂടുതല് വിവരങ്ങള്ക്ക് വിളിക്കുക : ഇക്ബാല് മൂസ്സ (പ്രസിഡണ്ട്) – 050 4562123, അബുബക്കര് (സിക്രട്ടറി) – 050 6501945
- ജെ.എസ്.
വായിക്കുക: സംഘടന
ദോഹയിലെ ഇന്ത്യന് കള്ച്ചറല് സെന്റര് വിവിധ പരിപാടികളോടെ റിപ്പബ്ലിക് ദിനം ആഘോഷിച്ചു. മുന് ഇന്ത്യന് ക്രിക്കറ്റ് താരം സയ്യിദ് കിര്മാനി മുഖ്യാതിഥി ആയിരുന്നു. ഇന്ത്യന് അംബാസഡര് ദീപാ ഗോപാലന് വാദ്ധ്വാ, ഐ.സി.സി പ്രസിഡന്റ് കെ.എം വര്ഗീസ് എന്നിവര് പ്രസംഗിച്ചു. ചടങ്ങില് ഐ.സി.സി സ്മരണികയും പ്രകാശനം ചെയ്തു. വിവിധ കലാപരിപാടികളും അരങ്ങേറി.
- ജെ.എസ്.
റിയാദ് കിംഗ്ഡം ആശുപത്രി സംഘടിപ്പിച്ച ക്രിക്കറ്റ് ടൂര്ണമെന്റില് കിംഗ്ഡം ഹോസ്പിറ്റല് ക്രിക്കറ്റ് ക്ലബ് ജേതാക്കളായി. ഫൈനലില് പ്രിന്സ് ഫൈസല് മെഡിസിനല് ഹോസ്പിറ്റല് സ് പോര്ട്സിനെ നാല് വിക്കറ്റിനാണ് ഇവര് തോല്പ്പിച്ചത്. മലയാളിയായ റിയാസ് ഖാന് മാന് ഓഫ് ദ മാച്ചും ചാമിന്ദ മാന് ഓഫ് ദ സീരിസും നേടി. സമാപന സമ്മേളനത്തില് ഡോ. അലാവുദ്ദീന് അല് അമ് രി, ഫറ അലവാനി അബ്ദുറഹീം, നാസര് കാരന്തൂര് എന്നിവര് വിജയികള്ക്ക് സമ്മാനങ്ങള് വിതരണം ചെയ്തു.
- ജെ.എസ്.
ഇന്ത്യയും സൗദിയും തമ്മിലുള്ള വാണിജ്യ സാംസ്കാരിക ബന്ധം കൂടുതല് മെച്ചപ്പെട്ടതായി സൗദി വിദേശകാര്യ മന്ത്രാലയം ഡയറക്ടര് ജനറല് പറഞ്ഞു. നടപ്പു വര്ഷം 700 കോടി ഡോളറിന്റെ വ്യാപാരം ഇരു രാജ്യങ്ങള്ക്കും ഇടയില് ഉണ്ടാകുമെന്നാണ് റിപ്പോര്ട്ട്
- ജെ.എസ്.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
