 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : എമിറേറ്റിലെ മെട്രോ, ബസ്സ്, അബ്ര യാത്ര കള്‍ക്ക് ഉപയോഗിക്കുന്ന നോൽ കാർഡ് റീ ചാർജ്ജ് ചെയ്യാൻ ദുബായ് റോഡ്സ് ആന്‍ഡ് ട്രാന്‍സ്പോര്‍ട്ട് അഥോറിറ്റി (ആർ. ടി. എ) കൂടുതൽ സര്‍വ്വീസ് കേന്ദ്രങ്ങൾ ഒരുക്കി എന്ന് അധികൃതര്‍.
എമിറേറ്റിലെ വിവിധ ഭാഗങ്ങളിലുള്ള അമ്പതോളം സൂം സ്റ്റോറുകൾ, ഇനോക്, എപ്കോ സ്റ്റോറുകൾ എന്നിവയിലൂടെ നോൽ കാർഡുകൾ ഇനി മുതൽ ടോപ്പപ്പ് ചെയ്യാം. കൂടുതല്‍ മികച്ചതും വേഗത ഏറിയതുമായ സേവനങ്ങൾ പൊതു ജനങ്ങൾക്ക് ലഭ്യമാക്കുക എന്ന ലക്ഷ്യത്തോടെയാണ് ഈ സംവിധാനങ്ങള്‍ ഒരുക്കിയിരിക്കുന്നത്.
- pma
വായിക്കുക: dubai-road-transport, ഗതാഗതം, ദുബായ്, പ്രവാസി
റിയാദ് : വിദേശ രാജ്യങ്ങളില്‍ നിന്നും സൗദി അറേബ്യ യിലേക്ക് വരാന്‍ ഇനി മുതല്‍ കൊവിഡ് വാക്‌സിന്‍ സര്‍ട്ടിഫിക്കറ്റ് ആവശ്യമില്ല എന്ന് അധികൃതര്‍. രാജ്യത്തെ വാക്‌സിനേഷന്‍ നിരക്ക് 99 ശതമാനവും പോസിറ്റീവ് നിരക്ക് നാല് ശതമാനത്തിനു താഴെയും ആയതിനാലാണ് നിയന്ത്രണത്തില്‍ ഇളവുകള്‍ അനുവദിച്ചത്.
രാജ്യത്തേക്ക് വരുന്നവര്‍ കൊവിഡ് പരിശോധനയും യാത്രികര്‍ക്കുള്ള ക്വാറന്‍റൈനും ആവശ്യമില്ല. എന്നാല്‍ ‘മുഖീം’ അറൈവല്‍ രജിസ്‌ട്രേഷന്‍ (Muqeem Arrival Registration) നിര്‍ബ്ബന്ധമാണ് എന്നും സൗദി ആരോഗ്യ മന്ത്രാലയം പുറത്തിറക്കിയ വാര്‍ത്താ കുറിപ്പില്‍ വ്യക്തമാക്കി.
- pma
ദുബായ് : രാജ്യത്തെ ഗതാഗത നിയമങ്ങൾ, റോഡുകളിലെ അപകട സാദ്ധ്യതകൾ, വാഹന ങ്ങളുടെ സാങ്കേതിക കാര്യങ്ങൾ എന്നിവയെ ക്കുറിച്ച് ഇരു ചക്ര വാഹന യാത്രക്കാര്‍ക്ക് അവബോധം നല്‍കുന്ന ബോധവല്‍ക്കരണ ക്യാമ്പയിന്‍ നടത്തും.
ദുബായ് റോഡ്സ് ആന്‍ഡ് ട്രാന്‍സ്പോര്‍ട്ട് അഥോറിറ്റി (ആർ. ടി. എ) യും പോലീസും ചേർന്നാണ് ബോധവൽക്കരണ ക്യാമ്പയിന്‍ നടത്തുന്നത്. ഇരുചക്ര വാഹനങ്ങളിലെ ഡെലിവറി ജീവനക്കാരാണ് ഏറ്റവും കൂടുതല്‍ റോഡ് അപകടങ്ങള്‍ ഉണ്ടാക്കുന്നത് എന്ന് പോലീസ് കണ്ടെത്തിയിരുന്നു.
അമിത വേഗത, ഡ്രൈവിംഗിനിടെയുള്ള മൊബൈൽ ഫോൺ ഉപയോഗം, വാഹനങ്ങൾ തമ്മിൽ അകലം പാലിക്കാതെയും സിഗ്നലുകൾ ശ്രദ്ധിക്കാതെയും ഉള്ള ഡ്രൈവിംഗ്, അശ്രദ്ധമായി വാഹനം ഓടിക്കുക തുടങ്ങിയവയാണ് അപകടങ്ങൾക്ക് കാരണം.
നിയമ ലംഘകര്‍ക്ക് എതിരെ കർശ്ശന നടപടി സ്വീകരിക്കും എന്നും അധികൃതര്‍ മുന്നറിയിപ്പു നല്‍കി.
- pma
വായിക്കുക: dubai-road-transport, ഗതാഗതം, ദുബായ്
ദുബായ് : എക്സ്പോ-2020 യിലെ ഏറ്റവും മികച്ച പവലിയനുള്ള അവാര്‍ഡ് സൗദി അറേബ്യ കരസ്ഥമാക്കി. മികച്ച പവലിയനുള്ള അവാര്‍ഡിന് പുറമെ രണ്ടു പ്രത്യേക അവാര്‍ഡുകളും നേടിയിട്ടുണ്ട്. മികച്ച പുറം ഡിസൈൻ, ഡിസ്പ്ലേ എന്നിവക്കാണ് പ്രത്യേക പുരസ്കാരം. എല്ലാ എക്സ്പോ മേളകളിലും മികച്ച പവലിയനെ തെരഞ്ഞെടുക്കുന്ന ‘എക്സിബിറ്റർ’ മാഗസിന്‍ 30 വര്‍ഷത്തോളമായി ഈ രംഗത്ത് മത്സരം ഒരുക്കുന്നു.
യു. എസ്. ഗ്രീൻ ബിൽഡിംഗ് കൗൺസിന്‍റെ ലീഡ് പ്ലാറ്റിനം സർട്ടിഫിക്കറ്റ്, ഏറ്റവും വലിയ ഇന്‍ട്രാക്ടീവ് ലൈറ്റ് ഫ്ലോർ, ഏറ്റവും നീളം കൂടിയ ഇന്‍ട്രാക്ടീവ് വാട്ടർ കർട്ടൻ (32 മീറ്റർ), ഏറ്റവും വലിയ ഇന്‍ട്രാക്ടീവ് ഡിജിറ്റൽ സ്ക്രീൻ മിറര്‍ (1240 ചതരുശ്ര മീറ്റർ) എന്നീ വിഭാഗങ്ങളിൽ 3 ഗിന്നസ് റെക്കോർഡുകളും സൗദി അറേബ്യന്‍ പവലിയൻ നേടിയിരുന്നു.
ഏകദേശം 40 ലക്ഷത്തോളം പേരാണ് ഇതു വരെ സൗദി അറേബ്യ പവലിയനില്‍ എത്തിയത്. കഴിഞ്ഞ വര്‍ഷം ഒക്‌ടോബറില്‍ ആരംഭിച്ച ദുബായ് വേള്‍ഡ് എക്സ്പോ യിൽ ഏറ്റവും കൂടുതൽ സന്ദർശകരെ ആകർഷിച്ച പവലിയനും ഇതു തന്നെ.
- pma
വായിക്കുക: expo, saudi, ബഹുമതി, സൗദി, സൗദി അറേബ്യ
അബുദാബി : സ്വാതന്ത്ര്യ ലംഘനത്തിനുള്ള ശിക്ഷകൾ വിശദമാക്കി യു. എ. ഇ. പബ്ലിക് പ്രോസിക്യൂഷൻ. വ്യക്തികളെ തട്ടിക്കൊണ്ടു പോയാലും തടങ്കലി‍ൽ വെച്ചാലും ജീവപര്യന്തം തടവ് ശിക്ഷ ലഭിക്കും.
ആൾ മാറാട്ടം നടത്തിയോ ബലപ്രയോഗത്തിലൂടെയോ ആളുകളെ തെറ്റിദ്ധരിപ്പിച്ചും മര്‍ദ്ദനം, വധ ഭീഷണി, ശാരീരിക-മാനസിക പീഡനം എന്നിവ നടത്തിയാണ് തട്ടിക്കൊണ്ടു പോകുന്നത് എങ്കിലും ജീവപര്യന്തം ശിക്ഷ തന്നെ ആയിരിക്കും എന്നും പബ്ലിക് പ്രോസിക്യൂഷൻ സോഷ്യൽ മീഡിയാ പോസ്റ്റിലൂടെ വ്യക്തമാക്കി.
Violation of freedom #law #legal_culture #publicprosecution #safe_society pic.twitter.com/xLFEynmCCs
— النيابة العامة (@UAE_PP) March 16, 2022
2021 ലെ ഫെഡറൽ ഉത്തരവ്-നിയമം നമ്പർ 31 ലെ ആർട്ടിക്കിൾ നമ്പർ 395 അനുസരിച്ചുള്ള കുറ്റ കൃത്യ ങ്ങളുടേയും പിഴകളുടെയും വ്യവസ്ഥകളാണ് ഇത്.
രാജ്യത്തെ നിയമങ്ങളെക്കുറിച്ചുള്ള അവബോധം പൊതുജനങ്ങളില്‍ വർദ്ധിപ്പിക്കുവാനും നിയമ സംസ്കാരം പ്രോത്സാഹിപ്പിക്കുന്നതിനും കൂടിയുള്ള പബ്ലിക് പ്രോസിക്യൂഷന്‍റെ നിരന്തര ശ്രമങ്ങളുടെ ഭാഗമായിട്ടാണ് സാമൂഹിക മാധ്യമങ്ങളിലെ ഈ പോസ്റ്റ്.
- pma
വായിക്കുക: public-prosecution, social-media, നിയമം, പൂര്വ വിദ്യാര്ത്ഥി, പ്രവാസി, യു.എ.ഇ.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്‍) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
