 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ശക്തി തിയേറ്റേഴ്‌സിന്റെ മുപ്പത്തി ആറാമത് വാര്‍ഷിക ആഘോഷം വ്യാഴം, വെള്ളി ദിവസ ങ്ങളിലായി കേരള സോഷ്യല്‍ സെന്ററില്‍ നടക്കും.
മാർച്ച് 12 വ്യാഴാഴ്ച വൈകുന്നേരം തുടക്കമാവുന്ന പരിപാടി യിൽ സാംസ്‌കാരിക സമ്മേളനം മുന്‍ എം. എല്‍. എ. എം. വി. ഗോവിന്ദന്‍ മാസ്റ്റര്‍ ഉദ്ഘാടനം ചെയ്യും. സമ്മേളന ത്തില്‍ യു. എ. ഇ. യിലെ വിവിധ സംഘടനാ പ്രതിനിധി കൾ സംബന്ധിക്കും.
- pma
വായിക്കുക: ആഘോഷം, ശക്തി തിയേറ്റഴ്സ്, സംഘടന, സാംസ്കാരികം
ഷാര്‍ജ : യു. എ. ഇ. യിലെ എഴുത്തു കാര്‍ക്കു വേണ്ടി ഷാര്‍ജ യിലെ പാം പുസ്തകപ്പുര നടത്തിയ അക്ഷര തൂലിക കഥാ മല്‍സര വിജയികളെ പ്രഖ്യാപിച്ചു.
അജിത്കുമാര്‍ അനന്തപുരി യുടെ ’രോഗ പ്പുരകള്‍ പറയുന്നത്’ എന്ന കഥ യ്ക്കാണ് ഒന്നാം സ്ഥാനം. ദേവീ നായര്‍ രചിച്ച ’വിധി നിഷേധങ്ങള്‍’ രണ്ടാം സ്ഥാനവും ദീപാ മണി യുടെ ’മാഞ്ഞു പോയ മഴവില്ല്’ മൂന്നാം സ്ഥാനവും നേടി.
അജിത്കുമാര്‍, ദേവീ നായര്‍, ദീപാ മണി
ഇടവാ ഷുക്കൂര്‍ ചെയര്‍മാനും സദാശിവന്‍ അമ്പലമേട്, മുരളി, ശേഖര്‍ വാരിയര്‍ എന്നിവര്‍ അംഗ ങ്ങളുമായ ജൂറിയാണ് ജേതാക്കളെ തെരഞ്ഞെടുത്തത്.
ഏപ്രില്‍ പത്തിന് ഇന്ത്യന്‍ അസോസിയേഷന്‍ ഹാളില്‍ നടക്കുന്ന പാം സര്‍ഗ സംഗമം വാര്‍ഷിക ആഘോഷ ത്തില്‍ സമ്മാനങ്ങള്‍ വിതരണം ചെയ്യും.
- pma
അബുദാബി : ഭിക്ഷാടനത്തിനു എതിരെ ബോധ വല്‍കരണ വുമായി യു. എ. ഇ. ആഭ്യന്തര മന്ത്രാലയം കാമ്പയിന്‍ ആരംഭിച്ചു.
മനുഷ്യന്റെ ഉദാര മനസ്കത മുതലെടുത്ത്‌ നിരവധി പേര്‍ ഭിക്ഷാടന ത്തിന് ഇറങ്ങി തിരിക്കുന്നുണ്ട്. രാജ്യ ത്തിന്റെ സാമൂഹിക ഭദ്രതയും പ്രതിച്ഛായയും നശിപ്പിക്കുന്ന പ്രവര്‍ത്തന മാണു ഭിക്ഷാടനം. ഇതൊരു സാമൂഹിക വിപത്താണ് എന്നും ആഭ്യന്തര മന്ത്രാലയം അണ്ടര്‍ സെക്രട്ടറി ലെഫ്റ്റനന്റ് ജനറല്‍ സെയ്ഫ് അബ്ദുല്ല അല്‍ ഷാഫര്‍ പറഞ്ഞു.
യാചനയ്ക്കായി ഗൂഢാലോചന നടത്തുകയും പണം പിടുങ്ങാന്‍ ശ്രമിക്കുന്നവരും ഉണ്ടെന്നും കണ്ടെത്തി യിട്ടുണ്ട്. യാചന പോലെ കുറ്റകര മാണ് ഭിക്ഷാടകരെ സഹായി ക്കുന്നതും. ഈ സാമൂഹ്യ വിപത്തിന് എതിരെ പൊതു ജനങ്ങളെ ബോധ വാന്മാര്‍ ആക്കുന്ന തിനായിട്ടാണ് ഇങ്ങിനെ ഒരു കാമ്പയിന്‍ സംഘടി പ്പിച്ചിരി ക്കുന്നത്.
ഭിക്ഷാടകരെ കണ്ടാല്‍ പോലീസ് കണ്ട്രോള്‍ റൂമില്‍ വിളിച്ച് അറിയി ക്കണം എന്നും വിവരം നല്‍കി യാല്‍ ഉടനടി നടപടി എടുക്കും എന്നും അധികൃതര്‍ വ്യക്തമാക്കി.
അബുദാബി പൊലീസ് ഒാപ്പറേഷന്‍ റൂമില്‍ 999 എന്ന നമ്പറിലും 8002626 (800 AMAN) എന്ന ടോള്‍ ഫ്രീ നമ്പറിലും യാചന സംബന്ധിച്ച പരാതി കള്‍ പൊതു ജനങ്ങള്‍ക്ക് അറിയിക്കാം എന്നും പോലീസ് അറിയിച്ചു.
മറ്റു എമിരേറ്റുകളില്‍ ബന്ധപ്പെടാനുള്ള നമ്പരുകള്‍ :
800 243 (ദുബായ്), 06 56 32 222 (ഷാര്‍ജ), 07 20 53 372 (റാസല്‍ ഖൈമ), 06 74 01 616 (അജ്മാന്‍), 999 (ഉമ്മുല്‍ ഖുവൈന്‍),
09 20 511 00, 09 22 244 11 (ഫുജൈറ)
- pma
വായിക്കുക: അബുദാബി, കുറ്റകൃത്യം, നിയമം, പോലീസ്, യു.എ.ഇ., സാമൂഹ്യ സേവനം
ദുബായ് : കെ. എം. സി. സി. കൊടുങ്ങല്ലൂര്‍ മണ്ഡലം കമ്മിറ്റിക്ക് പുതിയ ഭാര വാഹികള്‍ നിലവില്‍ വന്നു.
റിട്ടേണിംഗ് ഓഫീസര്‍ മുഹമ്മദ് അക്ബറിന്റെ മേല്‍ നോട്ട ത്തില്‍ നടന്ന തെരഞ്ഞെടു പ്പില്‍ സത്താര്‍ മാമ്പ്ര (പ്രസിഡണ്ട്) അലി മേപ്പുറത്ത്, സി. കെ. ഇബ്രാഹിം, പി. എ. ഹംസ, അക്ബര്‍ പുത്തന്‍ചിറ (വൈസ് പ്രസിഡണ്ടു മാര്‍) അബ്ദുല്‍ ബാരി (ജനറല്‍ സെക്രട്ടറി) സലാം സഹായി പറമ്പില്‍, ഷഫീക് മാമ്പ്ര, അസ്‌കര്‍ പുത്തന്‍ചിറ, ഷഹുല്‍ ഹമീദ് കെ. കെ. , (ജോയിന്റ് സെക്രട്ടറി മാര്‍) അബ്ദുല്‍ റഹ്മാന്‍ കൊടുങ്ങല്ലൂര്‍ (ട്രഷറര്‍) എന്നിവര്‍ അടങ്ങിയ കമ്മിറ്റിയെ തെരഞ്ഞെടുത്തു.
യു. എ. ഇ. കെ. എം. സി. സി. പ്രസിഡണ്ട് ഡോ. പുത്തൂര്‍ റഹ്മാന്‍, ജനറല്‍ സെക്രട്ടറി ഇബ്രാഹിം എളേറ്റില്‍, നേതാക്കളായ മുഹമ്മദ് വെട്ടുകാട്, ഉബൈദ് ചേറ്റുവ, കെ. എസ്. ഷാനവാസ്, അഷ്റഫ് കൊടുങ്ങല്ലൂര്‍, മുഹമ്മദ് അക്ബര്‍, അഷ്റഫ് പിള്ളക്കാട്, മുസമ്മില്‍ ചേലക്കര എന്നിവര്‍ ഭാരവാഹികളെ അനുമോദിച്ചു കൊണ്ട് പ്രസംഗിച്ചു.
- pma
വായിക്കുക: കെ.എം.സി.സി., പ്രവാസി, സാംസ്കാരികം
അബുദാബി : കരിപ്പൂര്‍ എയര്‍ പോര്‍ട്ട് ഭാഗിക മായി അടച്ചിടാനുള്ള തീരുമാനം ഉടന്‍ പിന്‍ വലിക്കണം എന്ന് ഐ. എം. സി. സി. കേന്ദ്ര കമ്മറ്റി നേതാക്കള്‍ ആവശ്യപ്പെട്ടു.
ഗള്‍ഫില്‍ സ്കൂള്‍ വേനല്‍ അവധിക്ക് നാട്ടില്‍ പോവുന്ന കുടുംബ ങ്ങള്‍ക്കും ഓണം, പെരുന്നാള്‍, ഹജ്ജ്‌ തുടങ്ങി വിശേഷ ദിവസ ങ്ങള്‍ അടുത്തി രിക്കുന്ന ഈ അവസര ത്തില്‍ റണ്‍വേ ഭാഗിക മായി അടച്ചിടുന്നത് മലബാറി ലുള്ള പ്രവാസി കളുടെ വിമാന യാത്ര കൂടുതല്‍ ദുസ്സഹമാക്കും.
ആയതിനാല്‍ ഈ തീരുമാനം പുന പരിശോധിക്കണം എന്നും ആവശ്യപ്പെട്ട് പ്രധാന മന്ത്രി ക്കും വ്യോമയാന വകുപ്പ് മന്ത്രിക്കും ഫാക്സ് സന്ദേശം അയക്കും എന്ന് ഐ. എം. സി. സി. നേതാക്കളായ T. S. ഗഫൂര്‍ ഹാജി, നൌഷാദ്ഖാന്‍ പാറയില്‍, മുസ്തഫ തൈക്കണ്ടി, അഷ്റഫ് വലിയവളപ്പില്‍ തുടങ്ങിയവര്‍ അറിയിച്ചു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
