അബുദാബി : സ്‌നേഹവും സമാധാനവും കുടുംബ ങ്ങളിലേക്ക് തിരിച്ചു കൊണ്ടു വരാനും ബന്ധ ങ്ങളില്‍ ആദരവും കരുണയും പുനഃസ്ഥാപി ക്കാനും ഈ വിശുദ്ധ റമദാന്‍ കാരണമാകണം എന്ന് മഅ്ദിന്‍ ചെയര്‍മാന്‍ സയ്യിദ് ഇബ്രാഹിമുല്‍ ഖലീലുല്‍ ബുഖാരി തങ്ങള്‍ പറഞ്ഞു. അബുദാബി ഇന്ത്യന്‍ ഇസ്‌ലാമിക് സെന്ററില്‍ റമദാന്‍ പ്രഭാഷണം നടത്തുക യായിരുന്നു അദ്ദേഹം.

ശിഥിലമായി ക്കൊണ്ടിരിക്കുന്ന കുടുംബ ബന്ധങ്ങളാണ് പുതിയ കാലത്തെ ഏറ്റവും വലിയ വെല്ലുവിളി. മാതൃ പിതൃ ബാദ്ധ്യതകള്‍ അറിയാത്ത മക്കളും കുട്ടികളെ സ്‌നേഹിക്കാനും അവരുടെ അവസരങ്ങളും അവകാശങ്ങളും വക വെച്ചു കൊടുക്കാത്ത രക്ഷിതാ ക്കളുമാണ് അസ്വസ്ഥത കള്‍ക്കു കാരണം.

ഭാര്യ ഭര്‍തൃ ബന്ധത്തിലെ പാവനത ഉള്‍ക്കൊള്ളാത്ത തിന്റെ അനന്തര ഫല ങ്ങളാണ് ദിവസവും കുടുംബ കോടതി കളില്‍ കുന്നു കൂടുന്ന കേസുകള്‍. കുടുംബ ത്തിലെ കുഴപ്പങ്ങള്‍ ലഹരി ഉപയോഗ ത്തിലേക്കും തുടര്‍ന്ന് ആത്മഹത്യ യിലേക്കും എത്തിക്കുന്നു. അദ്ദേഹം ചൂണ്ടിക്കാട്ടി.

ലഹരി പദാര്‍ത്ഥ ങ്ങളുടെ ഉപയോഗം ഫാഷനായി എന്നത് ഞെട്ടിപ്പിക്കുന്ന കാര്യമാണ്. 1980കളില്‍ മദ്യം ഉപയോഗിച്ചു തുടങ്ങിയിരുന്ന പ്രായം 28 ആയിരുന്നെങ്കില്‍ ഇന്നത് 15 വയസ്സിലേക്ക് ചുരുങ്ങി യിരുക്കുന്നു എന്നതാണ് ഏറ്റവും പുതിയ പഠനങ്ങള്‍ തെളിയിക്കുന്നത്. വികസിത നഗര ങ്ങളില്‍ ഇത് 13 വയസ്സു വരെ ആയിരിക്കുന്നു എന്ന വസ്തുത എല്ലാവരുടെയും കണ്ണു തുറപ്പി ക്കേണ്ടതാണ് – ഖലീല്‍ തങ്ങള്‍ പറഞ്ഞു.

സ്‌നേഹ ത്തിലും ഐക്യ ത്തിലും അടിത്തറയിട്ട കുടുംബ ങ്ങള്‍ക്കു വേണ്ടിയുള്ള പ്രാര്‍ത്ഥനയ്ക്കും പ്രവര്‍ത്തന ങ്ങള്‍ക്കും ഈ റമദാനില്‍ പ്രത്യേക സമയം കണ്ടെത്തേണ്ടതുണ്ട് എന്നും അദ്ദേഹം ഉദ്‌ബോധിപ്പിച്ചു.

ഇസ്‌ലാമിക് സെന്ററിനെയും പരിസര ത്തെയും ജന നിബിഡ മാക്കിയ പരിപാടി യില്‍ അഖിലേന്ത്യാ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ. പി. അബൂബക്കര്‍ മുസ്‌ല്യാര്‍ മുഖ്യാതിഥി ആയിരുന്നു.

ഇന്ത്യന്‍ ഇസ്‌ലാമിക് സെന്റര്‍ പ്രസിഡന്റ് പി. ബാവഹാജി ഉദ്ഘാടനം ചെയ്തു. സമാപന പ്രാര്‍ത്ഥനയ്ക്ക് കാന്തപുരം നേതൃത്വം നല്‍കി. മുസ്തഫ ദാരിമി, ഡോ.അബ്ദുള്‍ ഹക്കിം അസ്ഹരി, സിദ്ദിഖ് അന്‍വരി, പി. വി. അബൂബക്കര്‍ മൗലവി, സമദ് സഖാഫി മുണ്ടക്കോട് എന്നിവര്‍ പ്രസംഗിച്ചു.