അബുദാബി : അബുദാബി യിലെ മത സാമൂഹ്യ സാംസ്‌കാരിക രംഗത്ത് നിറ സാന്നിദ്ധ്യമായ കോഴിക്കോട് ജില്ലാ കെ എം സി സി വൈസ് പ്രസിഡന്റും സി എച് സെന്റര്‍ ട്രഷറ റുമായ കെ കെ ഉമ്മര്‍ സാഹിബിനു അബുദാബി കോഴിക്കോട് ജില്ലാ കെ എം സി സി ഒരുക്കുന്ന യാത്രയയപ്പ് സംഗമം ഒക്ടോബര്‍ 05 വെള്ളിയാഴ്ച ജുമാ നിസ്കാരത്തിനു ശേഷം അബുദാബി ഇന്ത്യന്‍ ഇസ്ലാമിക്‌ സെന്ററില്‍ നടക്കും. പ്രസ്തുത സംഗമ ത്തിലേക്കു മുഴുവന്‍ കെ എം സി സി പ്രവര്‍ത്തകരെയും ക്ഷണിക്കുന്നു എന്ന് സംഘാടകര്‍ അറിയിച്ചു.

– അബ്ദുല്‍ ബാസിത്ത് കയക്കണ്ടി : 050 31 40 534

ദുബായ് : തൃശൂര്‍ ജില്ല യിലെ അന്തിക്കാട്, അവുണിശ്ശേരി, ചേര്‍പ്പ്‌, നാട്ടിക, പാറളം, താന്ന്യം, തളിക്കുളം, വലപ്പാട് തുടങ്ങിയ പഞ്ചായത്തുകള്‍ അടങ്ങിയ നാട്ടിക മണ്ഡലം കെ. എം. സി. സി. കമ്മിറ്റി രൂപികരിച്ചു.

അബ്ദുല്‍ മജീദ്‌ നാട്ടിക (പ്രസിഡന്റ്‌), സിദ്ദീക്ക് പി. എം., മുഹമ്മദ്‌ എന്‍. എ., അഷ്‌റഫ്‌ കെ. എച്., സുലൈമാന്‍ പി. ഐ. എ. (വൈസ് പ്രസിഡന്റ്‌മാര്‍) സിറാജ് തളിക്കുളം (ജനറല്‍ സെക്രട്ടറി) ശിഹാബ് കെ. എ., ശക്കീര്‍ പി. എച്., ഹംസ ആര്‍. എ., അബ്ദുല്‍ റഹ്മാന്‍ പി. യു. (ജോയിന്റ് സെക്രട്ടറിമാര്‍) ബഷീര്‍ എടശ്ശേരി (ട്രഷറര്‍) എന്നിവരെ തിരഞ്ഞെടുത്തു.

റിട്ടേണിംഗ് ഓഫീസര്‍ അഷ്‌റഫ്‌ പിള്ളക്കാട് അദ്ധ്യക്ഷത വഹിച്ചു. ഉബൈദ് ചേറ്റുവ ഉത്ഘാടനം ചെയ്തു. ഫാറൂക്ക് പി.എ.,അഷ്‌റഫ്‌ കൊടുങ്ങല്ലൂര്‍ എന്നിവര്‍ പ്രസംഗിച്ചു.