അബുദാബി : നബി ദിനാഘോഷ ങ്ങളുടെ ഭാഗമായി അബുദാബി യിലെ വിവിധ പള്ളി കളില്‍ നബികീര്‍ത്തന സദസ്സുകള്‍ നടക്കുകയുണ്ടായി. ഐ. സി. എഫ്. അബുദാബി യില്‍ സംഘടിപ്പിച്ച നബിദിനാഘോഷ പരിപാടിയില്‍ നൂറു കണക്കിനാളുകള്‍ പങ്കെടുത്തു. രാവിലെ അബുദാബി എന്‍ എം സി ആശു പത്രിക്ക് സമീപമുള്ള ബിന്‍ഹമൂദ പള്ളി യിലും വൈകുന്നേരം പഴയ പാസ്പോര്‍ട്ട്‌ റോഡിനടുത്തുള്ള അബ്ദുല്‍ ഖാലിക് പള്ളി യിലും നിരവധി വിശ്വാ സികള്‍ പങ്കെടുത്ത പരിപാടിക്ക് ഡോ.അബ്ദുല്‍ ഹക്കീം അല്‍ അസ്ഹരി , മുസ്തഫ ദാരിമി , ഉസ്മാന്‍ സഖാഫി തുടങ്ങിയവര്‍ നേതൃത്വം നല്‍കി . നബികീര്‍ത്തന സദസ്സ്, കൂട്ടു പ്രാര്‍ത്ഥന, അന്നദാനം തുടങ്ങിയവ നടക്കുക യുണ്ടായി.

ലോകാനുഗ്രഹിയായ തിരുനബി ഉയര്‍ത്തി പ്പിടിച്ചത് മാനവികത യാണ് എന്നും അതിനാല്‍ ഇസ്ലാം സമ്പൂര്‍ണ്ണ മാനവികത യാണെന്നും ചടങ്ങില്‍ മുഖ്യ പ്രഭാഷണം നടത്തിയ ഡോ. അസ്ഹരി അഭിപ്രായപ്പെട്ടു. തിരുനബി യെയും അവിടുന്നു മായി ബന്ധപ്പെട്ട എല്ലാം അവിടത്തെ ജന്മദിനം, മിഅറാജ്‌ പോലുള്ള നബി യുടെ ജീവിത ത്തിലെ പ്രധാനപ്പെട്ട സംഭവങ്ങള്‍ , അവിടത്തെ തിരു ശേഷിപ്പു കള്‍ എല്ലാം ബഹുമാനിക്കലും ആദരിക്കലും വിശ്വാസിയുടെ കടമ യാണെന്നും അദ്ദേഹം ഓര്‍മപ്പെടുത്തി. ചടങ്ങില്‍ മുസ്തഫ ദാരിമി പ്രാര്‍ത്ഥന ക്ക് നേതൃത്വം നല്‍കി.

-അബ്ദുള്ള കൊട്ടപ്പോയില്‍