ദുബായ് : മുസ്‌ലിം സമുദായ ത്തിന്റെ നവോത്ഥാന ശില്പി സീതി സാഹിബിനെ സമൂഹ ത്തില്‍ സ്മരിക്കുന്ന പരിപാടികള്‍ കൂടുതല്‍ ശക്തമാക്കുന്നതിനും നാട്ടില്‍ നടപ്പാക്കുന്ന പദ്ധതികള്‍ യാഥാര്‍ത്ഥ്യമാക്കാന്‍ ജന പങ്കാളിത്തം ഉറപ്പു വരു ത്താനും വിപുലമായ സെമിനാര്‍ സംഘടിപ്പിക്കാന്‍ സീതി സാഹിബ് വിചാര വേദി യു. എ. ഇ. ചാപ്റ്റര്‍ അഞ്ചാമത് വാര്‍ഷിക പൊതുയോഗം തീരുമാനിച്ചു.
സീതി പടിയത്ത് യോഗം ഉദ്ഘാടനം ചെയ്തു. ഹനീഫ് കല്‍മട്ട അദ്ധ്യക്ഷത വഹിച്ചു. ഡോ. വി. എ. അഹ്മദ് കബീര്‍, കുട്ടി കൂടല്ലൂര്‍, കെ. എ. ജബ്ബാരി എന്നിവര്‍ സംസാരിച്ചു. ബീരാവുണ്ണി തൃത്താല, ഇസ്മയില്‍ ഏറാമല, ജമാല്‍ മനയത്ത്, കെ. എന്‍. എ. കാദര്‍ , നാസര്‍ കുറുമ്പത്തൂര്‍, ബാവ തോട്ടത്തില്‍, അബ്ദുല്‍ ഹമീദ് വടക്കേകാട്, മൊയ്ദീന്‍ പൊന്നാനി, റസാക്ക് ഒരുമനയൂര്‍, തുടങ്ങിയവര്‍ ചര്‍ച്ചയില്‍ പങ്കെടുത്തു സംസാരിച്ചു. അഷ്‌റഫ് കൊടുങ്ങല്ലൂര്‍ റിപ്പോര്‍ട്ട് അവതരിപ്പിച്ചു.
-അയച്ചു തന്നത് : അഷ്‌റഫ് കൊടുങ്ങല്ലൂര്‍
ദുബായ് : കൊല്ലം ജില്ലയിലെ കടയ്ക്കലും സമീപ പ്രദേശങ്ങ ളിലുമുള്ള യു. എ .ഇ. യിലെ പ്രവാസി കളുടെ കൂട്ടായ്മയായ കടയ്ക്കല്‍ പ്രവാസി ഫോറത്തിന്റെ ( K P F ) പ്രഥമ വാര്‍ഷിക സമ്മേളനം ഫെബ്രുവരി 3 വെള്ളിയാഴ്ച വൈകിട്ട് 4 മണിക്ക് ഷാര്‍ജ ഇന്ത്യന്‍ അസോസിയേഷന്‍ ഹാളില്‍ നടക്കും. കൂടുതല്‍ വിവരങ്ങള്‍ക്ക് വിളിക്കുക റഹീം കടക്കല്‍ : 050 71 56 167 – 050 79 14 605
