അബുദാബി : കൊടുങ്ങലൂരിലെ പുല്ലൂറ്റ്‌ നിവാസി കളുടെ പ്രവാസി കൂട്ടായ്മ യു. എ. ഇ. പുല്ലൂറ്റ്‌ അസോസിയേഷന്‍ പ്രവാസി സംഗമം 2012 എന്ന പേരില്‍ നാട്ടില്‍ വെച്ച് അംഗങ്ങളുടെ കുടുംബ സംഗമം നടത്തി.
സംഗമ ത്തോട് അനുബന്ധിച്ച് അവാര്‍ഡ് ദാനം, പാരിതോഷിക വിതരണം, ധന സഹായ വിതരണം, കലാ പരിപാടി കള്‍ എന്നിവ സംഘടിപ്പിച്ചു. അവാര്‍ഡ് ദാനവും പരിപാടി യുടെ ഉത്ഘാടനവും മുന്‍സിപ്പല്‍ ചെയര്‍ പേഴ്‌സണ്‍ സുമ ശിവന്‍ നിര്‍വഹിച്ചു.
ഗ്രാമ പുരോഗതിക്കു പ്രവര്‍ത്തിച്ചവര്‍ക്ക് നല്‍കുന്ന മുന്‍ മന്ത്രി വി. കെ. രാജന്റെ പേരിലുള്ള അവാര്‍ഡ് പി. വേലായുധ മേനോന്‍ ഏറ്റുവാങ്ങി. എസ് എസ് എല്‍ സി ക്ക് പുല്ലുറ്റ് ഹൈ സ്‌കൂളില്‍ കൂടുതല്‍ മാര്‍ക്ക് വാങ്ങിയ വിദ്യാര്‍ത്ഥി ക്കുള്ള പാരിതോഷികം സമീര ശ്രീലാലിന് കെ. കെ. വേണു നല്‍കി. വി. എസ്. സുനില്‍ ധന സഹായ വിതരണം ചെയ്തു. സി. കെ. സുധാകരന്‍ അദ്ധ്യക്ഷത വഹിച്ചു. എം. കെ. മാലിക്, സി. കെ. രാമനാഥന്‍, ജയശ്രീ വിജയ കുമാര്‍ എന്നിവര്‍ ആശംസകള്‍ നേര്‍ന്നു.
ഗുജറാത്ത് സംഗീത നാടക അക്കാദമി അവാര്‍ഡ് നേടിയ സജിനി സജീവിന്റെ നൃത്തം പരിപാടി ക്ക് മികവു നല്‍കി. അഷ്‌റഫ് കൊടുങ്ങല്ലൂര്‍ സ്വാഗതവും ബുള്‍ഹര്‍ സി.ഡി. നന്ദിയും പറഞ്ഞു
