അബുദാബി : തൃശൂര്‍ ജില്ലയിലെ കടവല്ലൂര്‍ നിവാസി കളുടെ പ്രവാസി കൂട്ടായ്മ കാഡക്സ് യു. എ. ഇ. (KADEX) യുടെ വാര്‍ഷിക ആഘോഷം ‘മഴവില്ല് 2012′ വിവിധ പരിപാടി കളോടെ നടന്നു. ഷാര്‍ജ ഇന്ത്യന്‍ അസോസിയേഷന്‍ പ്രസിഡന്റ് വൈ. എ. റഹീം പരിപാടി ഉദ്ഘാടനം ചെയ്തു. ഫാത്തിമ ഗ്രൂപ്പ്‌ എം. ഡി. സുലൈമാന്‍ , കാഡക്സ് വാര്‍ഷികത്തോട് അനുബന്ധിച്ച് പുറത്തിറക്കുന്ന പ്രസിദ്ധീ കരണമായ ജാലകം (പാഥേയം) പ്രകാശനം ചെയ്തു. ജനറല്‍ ബോഡി യില്‍ പുതിയ കമ്മിറ്റി തെരഞ്ഞെടുത്തു.
ജോസ്‌ (പ്രസിഡന്റ് ), അജീബ്‌ ഉമ്മര്‍ ( വൈസ്‌പ്രസിഡന്റ്‌), വിശ്വനാഥന്‍ ( ജന. സെക്രട്ടറി), റസാഖ്‌ (ട്രഷറര്‍ ), റഫീഖ്‌ ( കണ്‍വീനര്‍ ) എന്നിവരാണ് പുതിയ ഭാരവാഹികള്‍ .
വൈകീട്ട് നടന്ന കലാ പരിപാടികളില്‍ ശിങ്കാരിമേളം, ഗാനമേള, ഒപ്പന, സിനിമാറ്റിക്, ഫ്യൂഷന്‍ തുടങ്ങിയ നൃത്ത നൃത്യങ്ങളും അരങ്ങേറി.
-വാര്‍ത്ത അയച്ചത് : വിശ്വനാഥന്‍ , അബുദാബി.
അബുദാബി : പൊന്നാനി എം. ഇ. എസ്സ്. കോളേജ്‌ അലൂംനി (മെസ്പോ) പത്താം വാര്‍ഷികം ഫെബ്രുവരി 10 വെള്ളിയാഴ്ച രാത്രി 7 മണിക്ക് അബുദാബി കേരളാ സോഷ്യല്‍ സെന്ററില് വിവിധ പരിപാടി കളോടെ ആഘോഷിക്കും.
