ഷാര്‍ജ: അഖില കേരള ബാല ജന സഖ്യം എക്സ് ലീഡര്‍സ് ഫോറം യു എ ഇ ചാപ്റ്ററിന്റെ ആഭിമുഖ്യത്തില്‍ ബാല ജന സഖ്യത്തിന്റെ എണ്‍പത്തി മൂന്നാമത് ജന്മദിനം വിവിധ പരിപാടികളോടെ ആഘോഷിച്ചു.
അക്കാഫ്‌ മുന്‍പ്രസിഡന്റ്‌ എം. ഷാഹുല്‍ഹമീദ് പൊതുസമ്മേളനം ഉദ്ഘാടനം ചെയ്തു. ഫോറം പ്രസിഡന്റ് സന്തോഷ്‌ പുനലൂര്‍ അദ്ധ്യക്ഷത വഹിച്ചു.
പുനലൂര്‍ നഗരസഭാ മുന്‍ ചെയര്‍മാന്‍ കരിക്കത്തില്‍ പ്രസേനന്‍, ഫോറം ഉപദേശക സമിതി അംഗങ്ങളായ സബാ ജോസഫ്‌, കുര്യന്‍. പി. മാത്യു, സെക്രട്ടറി പൊന്നച്ചന്‍ കുളനട, ഖജാന്‍ജി റീന സലീം, വൈസ് പ്രസിഡന്റ് റോജിന്‍ പൈനുംമൂട്, പി. യു. പ്രകാശന്‍, കെ. എ. ജബ്ബാരി എന്നിവര്‍ പ്രസംഗിച്ചു. കുട്ടികളുടെ വിവിധ കലാപരിപാടികളും ഉണ്ടായിരുന്നു.
ഫോറത്തില്‍ അംഗങ്ങള്‍ ആകാനും പ്രവര്‍ത്തിക്കാനും താല്പര്യമുള്ള മുന്‍സഖ്യം പ്രവര്‍ത്തകര്‍ 050 67 91 574 എന്ന നമ്പറില്‍ ബന്ധപ്പെടുക.
അബുദാബി : കല അബുദാബി യുടെ ആഭിമുഖ്യ ത്തില്‍ ജൂണ്‍ ഒന്ന് വെള്ളിയാഴ്ച വൈകുന്നേരം 8 മണിക്ക് അബുദാബി ഇന്ത്യാ സോഷ്യല്‍ സെന്ററില്‍ ‘സീതാ സ്വയംവരം’ കഥകളി അരങ്ങേറും.
