ദുബായ് : പ്രവാസി വ്യപാര പ്രമുഖനും ചലച്ചിത്ര നിര്മ്മാതാവും അഭിനേതാവുമായ അറ്റ്ലസ് രാമചന്ദ്രന് (80) അന്തരിച്ചു. ഒക്ടോബര് 2 ഞായറാഴ്ച രാത്രിയില് ദുബായിലെ ആശുപത്രിയില് വെച്ചയിരുന്നു അന്ത്യം. വാര്ദ്ധക്യ സഹജമായ അസുഖങ്ങളെ തുടർന്ന് ചികിത്സയില് ആയിരുന്നു. ഇതിനിടെ ശനിയാഴ്ച രാത്രി നെഞ്ചു വേദന അനുഭവപ്പെട്ടതിനെ തുടര്ന്ന് അദ്ദേഹത്തെ ആശുപത്രിയില് പ്രവേശിപ്പിച്ചത് എന്ന് കുടുംബാംഗങ്ങള് അറിയിച്ചു.
ഭാര്യ ഇന്ദിരാ രാമചന്ദ്രനും മകള് ഡോ. മഞ്ജു രാമ ചന്ദ്രനും മരണ സമയത്ത് കൂടെ ഉണ്ടായിരുന്നു. അന്ത്യ കർമ്മങ്ങൾ തിങ്കളാഴ്ച വൈകുന്നേരം ദുബായിൽ നടക്കും.
അറ്റ്ലസ് ജ്വല്ലറിയുടെ ‘ജനകോടികളുടെ വിശ്വസ്ത സ്ഥാപനം’ എന്നുളള പരസ്യ വാചക ത്തിലൂടെയാണ് അദ്ദേഹം ഏറെ ജനകീയന് ആയത്.
പുതു സംവിധായകരെ പ്രോത്സാഹിപ്പിക്കുവാന് മുന്നില് നിന്ന അറ്റ്ലസ് രാമചന്ദ്രന്, ഗള്ഫില് ചിത്രീകരിച്ച ഷലീല് കല്ലൂരിന്റെ ‘മേഘങ്ങള്’ എന്ന ടെലി സിനിമയുമായി സഹകരിച്ചിരുന്നു. ഒരു വ്യപാരി എന്ന നിലയില് തന്റെ സ്ഥാനം ഉറപ്പിക്കുക എന്നതില് ഉപരി സിനിമാ നിര്മ്മാതാവ്, വിതരണക്കാരന്, അഭിനേതാവ് എന്നീ നിലകളില് ശ്രദ്ധേയനായി.
അബുദാബി : ‘നാടക സൌഹൃദം’ എന്ന കലാ പ്രവര്ത്തകരുടെ കൂട്ടായ്മ ഒരുക്കിയ ടെലി സിനിമയായ ‘ജുവൈരയുടെ പപ്പ’ ഇന്നലെ (ചൊവ്വാഴ്ച ) അബുദാബി ഇന്ത്യാ സോഷ്യല് സെന്ററില് പ്രദര്ശിപ്പിച്ചു. കഴിഞ്ഞ ജനുവരി 24 ന് അബുദാബി കേരളാ സോഷ്യല് സെന്ററില് ഒരുക്കിയ ആദ്യ പ്രദര്ശനത്തിനു കാണികളില് നിന്നും ലഭിച്ചിരുന്ന അഭിപ്രായവും, അന്ന് കാണാന് സാധിക്കാതിരുന്ന കലാ പ്രേമികള്ക്ക്, ഈ സിനിമ കാണാനുള്ള അവസരവും ഒരുക്കുകയായിരുന്നു സംഘാടകര്. പ്രദര്ശനം സൗജന്യമായിരുന്നു. 
