ദുബായ് : മയ്യില്, കുറ്റ്യാട്ടൂര്, കോളച്ചേരി എന്നീ പ്രദേശങ്ങളിലെ നിവാസികളുടെ കൂട്ടായ്മയായ ‘മയ്യില് എന്. ആര്. ഐ ഫോറ’ ത്തിന്റെ 4-ാം വാര്ഷിക പൊതു യോഗത്തിന്റെ ഭാഗമായി വിവിധ കലാ പരിപാടികളോടെ ‘വസന്തോത്സവം’ സംഘടിപ്പിച്ചു. ദെയ്റ ഫ്ലോറ ഗ്രാന്ഡ് ഹോട്ടലില് വെച്ച് നടന്ന ചടങ്ങില് പി. അജയ കുമാര് അദ്ധ്യക്ഷത വഹിച്ചു. സെക്രട്ടറി ഒ. വി. വിനോദ് റിപ്പോര്ട്ട് അവതരിപ്പിച്ചു. പ്രമുഖ ഗായകനും, ഏഷ്യാനെറ്റ് റേഡിയോ അവതാരകനും ആയ രാജീവ് കോടമ്പള്ളി വസന്തോത്സവം ഉല്ഘാടനം ചെയ്തു. നിഷ ഗോപിനാഥ് സ്വാഗതം പറഞ്ഞു. ചടങ്ങില് പുതിയ സെക്രട്ടറിയായി തിരഞ്ഞെടുക്കപ്പെട്ട പുരുഷോത്തമന് ബാബുവിനെയും, ഇബ്രാഹിം കുഞ്ഞിനെയും അനുമോദിച്ചു.
തീവ്രവാദത്തിനും, വര്ഗ്ഗീയതയ്ക്കും എതിരെ പ്രതിജ്ഞ എടുത്ത ചടങ്ങില് അഞ്ചു കൊച്ചു കുട്ടികള് അഞ്ചു തിരികള് തെളിയിച്ച് കൊണ്ട് ആരംഭിച്ച കലാ പരിപാടികള്ക്ക് ഡോ. സുരേഷ്, ഡോ. ബിന്ദു സുരേഷ്, പവിത്രന് എന്നിവര് നേതൃത്വം നല്കി. പ്രകാശ് കടന്നപ്പള്ളി “ഡയറി -2009” എന്ന കവിത അവതരിപ്പിച്ചു. അശ്വിന് വിനോദ്, വൈഷ്ണവി എന്നിവര് നൃത്ത നൃത്യങ്ങള് അവതരിപ്പിച്ചു.
– പ്രകാശ് കടന്നപ്പള്ളി
120-ാം കത്തോലിക്കോസ് പാത്രിയാര്ക്കീസ് മാര് ദിന്ഖ നാലാമന് ഇന്ന് ദുബായില് എത്തുന്നു. അസീറിയന് സഭയുടെ തലവനായ പാത്രിയാര്ക്കീസ് മാര് ദിന്ഖ ഇന്ത്യയില് വെച്ചു നടന്ന സിനഡ് കഴിഞ്ഞ് തിരികെ ഷിക്കാഗോയിലേക്ക് മടങ്ങുന്ന യാത്രാ മധ്യേയാണ് ദുബായ് സന്ദര്ശിക്കുന്നത്. ഇന്ത്യ, ഇറാഖ്, ഇറാന്, ലെബനോന്, ഓസ്ട്രേലിയ, അമേരിക്ക എന്നിവിടങ്ങളിലെ വിശ്വാസികള് ചേര്ന്ന് വിശുദ്ധ പാത്രിയാര്ക്കീസിന് ദുബായ് വിമാന താവളത്തില് ഹാര്ദ്ദവമായ സ്വീകരണം നല്കും. തുടര്ന്ന് ദുബായ് മാര്ക്കോ പോളോ ഹോട്ടലില് വെച്ച് വൈകീട്ട് 7 മണിക്ക് സ്വീകരണ സമ്മേളനവും ഒരുക്കിയിട്ടുണ്ട്.
ദുബായ് : എറണാകുളം മഹാരാജാസ് കോളേജ് പൂര്വ്വ വിദ്യാര്ത്ഥികളുടെ യു.എ.ഇ. ചാപ്റ്റര് യോഗം വെള്ളിയാഴ്ച്ച വൈകീട്ട് 5 മണിക്ക് ദുബായ് മുറാഖാബാദിലുള്ള ഫ്ലോറ ഗ്രാന്ഡ് ഹോട്ടലില് നടക്കും. യോഗത്തില് യു.എ.ഇ. യിലെ എല്ലാ പൂര്വ്വ വിദ്യാര്ത്ഥികളും പങ്കെടുക്കണമെന്ന് സംഘാടകര് അഭ്യര്ത്ഥിച്ചു. കൂടുതല് വിവരങ്ങള്ക്ക് മഷൂംഷാ 050 5787814, ഫൈസല് 050 6782778 എന്നീ നമ്പരുകളില് ബന്ധപ്പെടാവുന്നതാണ്.
പ്രേരണ യു. എ. ഇ. യുടെ വിഷ്വല് ആന്റ് പെര്ഫോര്മിംഗ് ആര്ട്ട്സ് യൂണിറ്റിന്റെ ആഭിമുഖ്യത്തില്, ജനുവരി 8 വെള്ളിയാഴ്ച, വൈകീട്ട് 5.30 ന്, റോളയിലെ നാഷണല് തിയേറ്ററില് വെച്ച്, പ്രമുഖ നാടക രചയിതാവും സംവിധായകനുമായ മനോജ് കാനയുടെ Dotcom എന്ന ഏകാഭിനയ നാടകാവതരണം (Solo Drama Performance) ഉണ്ടായിരിക്കുന്നതാണ്. 
