 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : വടകര എൻ. ആർ. ഐ. ഫോറം അബുദാബി ചാപ്റ്റര്‍ കുടുംബ സംഗമവും പുതിയ പ്രവര്‍ത്തന വർഷത്തേക്കുള്ള ഭാര വാഹികളുടെ തെരഞ്ഞെടുപ്പും 2022 മാർച്ച് 26 ശനിയാഴ്ച രാത്രി 7.30 ന് അബുദാബി കേരളാ സോഷ്യൽ സെന്‍റില്‍ വെച്ച് നടക്കും.
വടകര പാർലമെൻറ് മണ്ഡല പരിധിയിലും മാഹി ഏരിയയിലും ഉള്ള അബുദാബിയിലെ പ്രവാസി സുഹൃത്തുക്കള്‍ കൊവിഡ് മാനദണ്ഡങ്ങൾ പാലിച്ചു കൊണ്ട്‌ കുടുംബ സംഗമത്തില്‍ പങ്കെടുക്കണം എന്ന് ഭാരവാഹികൾ അറിയിച്ചു. വിവരങ്ങള്‍ക്ക് : 050 314 0534 (അബ്ദുല്‍ ബാസിത്).
- pma
വായിക്കുക: nri, ആഘോഷം, പൂര്‍വ വിദ്യാര്‍ത്ഥി, പ്രവാസി, സംഘടന
ദുബായ് : എമിറേറ്റിലെ മെട്രോ, ബസ്സ്, അബ്ര യാത്ര കള്‍ക്ക് ഉപയോഗിക്കുന്ന നോൽ കാർഡ് റീ ചാർജ്ജ് ചെയ്യാൻ ദുബായ് റോഡ്സ് ആന്‍ഡ് ട്രാന്‍സ്പോര്‍ട്ട് അഥോറിറ്റി (ആർ. ടി. എ) കൂടുതൽ സര്‍വ്വീസ് കേന്ദ്രങ്ങൾ ഒരുക്കി എന്ന് അധികൃതര്‍.
എമിറേറ്റിലെ വിവിധ ഭാഗങ്ങളിലുള്ള അമ്പതോളം സൂം സ്റ്റോറുകൾ, ഇനോക്, എപ്കോ സ്റ്റോറുകൾ എന്നിവയിലൂടെ നോൽ കാർഡുകൾ ഇനി മുതൽ ടോപ്പപ്പ് ചെയ്യാം. കൂടുതല്‍ മികച്ചതും വേഗത ഏറിയതുമായ സേവനങ്ങൾ പൊതു ജനങ്ങൾക്ക് ലഭ്യമാക്കുക എന്ന ലക്ഷ്യത്തോടെയാണ് ഈ സംവിധാനങ്ങള്‍ ഒരുക്കിയിരിക്കുന്നത്.
- pma
വായിക്കുക: dubai-road-transport, ഗതാഗതം, ദുബായ്, പ്രവാസി
റിയാദ് : വിദേശ രാജ്യങ്ങളില്‍ നിന്നും സൗദി അറേബ്യ യിലേക്ക് വരാന്‍ ഇനി മുതല്‍ കൊവിഡ് വാക്‌സിന്‍ സര്‍ട്ടിഫിക്കറ്റ് ആവശ്യമില്ല എന്ന് അധികൃതര്‍. രാജ്യത്തെ വാക്‌സിനേഷന്‍ നിരക്ക് 99 ശതമാനവും പോസിറ്റീവ് നിരക്ക് നാല് ശതമാനത്തിനു താഴെയും ആയതിനാലാണ് നിയന്ത്രണത്തില്‍ ഇളവുകള്‍ അനുവദിച്ചത്.
രാജ്യത്തേക്ക് വരുന്നവര്‍ കൊവിഡ് പരിശോധനയും യാത്രികര്‍ക്കുള്ള ക്വാറന്‍റൈനും ആവശ്യമില്ല. എന്നാല്‍ ‘മുഖീം’ അറൈവല്‍ രജിസ്‌ട്രേഷന്‍ (Muqeem Arrival Registration) നിര്‍ബ്ബന്ധമാണ് എന്നും സൗദി ആരോഗ്യ മന്ത്രാലയം പുറത്തിറക്കിയ വാര്‍ത്താ കുറിപ്പില്‍ വ്യക്തമാക്കി.
- pma
അബുദാബി : സ്വാതന്ത്ര്യ ലംഘനത്തിനുള്ള ശിക്ഷകൾ വിശദമാക്കി യു. എ. ഇ. പബ്ലിക് പ്രോസിക്യൂഷൻ. വ്യക്തികളെ തട്ടിക്കൊണ്ടു പോയാലും തടങ്കലി‍ൽ വെച്ചാലും ജീവപര്യന്തം തടവ് ശിക്ഷ ലഭിക്കും.
ആൾ മാറാട്ടം നടത്തിയോ ബലപ്രയോഗത്തിലൂടെയോ ആളുകളെ തെറ്റിദ്ധരിപ്പിച്ചും മര്‍ദ്ദനം, വധ ഭീഷണി, ശാരീരിക-മാനസിക പീഡനം എന്നിവ നടത്തിയാണ് തട്ടിക്കൊണ്ടു പോകുന്നത് എങ്കിലും ജീവപര്യന്തം ശിക്ഷ തന്നെ ആയിരിക്കും എന്നും പബ്ലിക് പ്രോസിക്യൂഷൻ സോഷ്യൽ മീഡിയാ പോസ്റ്റിലൂടെ വ്യക്തമാക്കി.
Violation of freedom #law #legal_culture #publicprosecution #safe_society pic.twitter.com/xLFEynmCCs
— النيابة العامة (@UAE_PP) March 16, 2022
2021 ലെ ഫെഡറൽ ഉത്തരവ്-നിയമം നമ്പർ 31 ലെ ആർട്ടിക്കിൾ നമ്പർ 395 അനുസരിച്ചുള്ള കുറ്റ കൃത്യ ങ്ങളുടേയും പിഴകളുടെയും വ്യവസ്ഥകളാണ് ഇത്.
രാജ്യത്തെ നിയമങ്ങളെക്കുറിച്ചുള്ള അവബോധം പൊതുജനങ്ങളില്‍ വർദ്ധിപ്പിക്കുവാനും നിയമ സംസ്കാരം പ്രോത്സാഹിപ്പിക്കുന്നതിനും കൂടിയുള്ള പബ്ലിക് പ്രോസിക്യൂഷന്‍റെ നിരന്തര ശ്രമങ്ങളുടെ ഭാഗമായിട്ടാണ് സാമൂഹിക മാധ്യമങ്ങളിലെ ഈ പോസ്റ്റ്.
- pma
വായിക്കുക: public-prosecution, social-media, നിയമം, പൂര്‍വ വിദ്യാര്‍ത്ഥി, പ്രവാസി, യു.എ.ഇ.
അബുദാബി : ഡ്രൈവർമാരോടും മറ്റു യാത്രക്കാരോടും ബസ്സ് യാത്രക്കാര്‍ മാന്യമായി പെറുമാറണം എന്നും മര്യാദ ഇല്ലാതെയും മോശമായും പെരുമാറുന്നവർക്ക് 500 ദിർഹം വരെ പിഴ ഈടാക്കും എന്നും ഗതാഗത വകുപ്പ്. ഡ്രൈവര്‍മാരെ ശകാരിക്കുകയോ അസഭ്യം പറയുകയോ സഹ യാത്രികര്‍ക്ക് ശല്യമാവുന്ന വിധ ത്തില്‍ ഉച്ചത്തില്‍ സംസാരിക്കുകയും ചെയ്യരുത്. നിയമ ലംഘകര്‍ക്ക് കുറ്റത്തിന്‍റെ ഗൗരവം അനുസരിച്ച് 100 ദിര്‍ഹം മുതൽ 500 ദിർഹം വരെ പിഴ ഈടാക്കും എന്നും ഗതാഗത വകുപ്പ് മുന്നറിയിപ്പ് നൽകി.
യാത്രാ നിരക്ക് ഈടാക്കുവാന്‍ ഉപയോഗിക്കുന്ന ‘ഹാഫിലാത്ത്’ കാര്‍ഡുകള്‍ ഇല്ലാതെ യാത്ര ചെയ്യുന്നതും, കാർഡ് റീചാർജ്ജ് ചെയ്യാതെയും, ബസ്സിൽ സ്വൈപ്പ് ചെയ്യാതെയും യാത്ര ചെയ്യുന്നതും ശിക്ഷാര്‍ഹം തന്നെയാണ്. ഈ കുറ്റങ്ങൾക്ക് ഇപ്പോൾ 200 ദിർഹം പിഴ ഈടാക്കുന്നുണ്ട്. ഈ വ്യക്തിഗത കാർഡു കൾ (ഹാഫിലാത്ത്) മറ്റുള്ളവർക്ക് കൈ മാറിയാലും പിഴ ഈടാക്കും.
These are the most frequent violations by public transport users, with fines ranging from AED 100 to AED 500. Your commitment avoids violations. pic.twitter.com/SHXXoA3O1K
— "ITC" مركز النقل المتكامل (@ITCAbuDhabi) March 16, 2022
ബസ്സ് യാത്രയില്‍ പുക വലിക്കുന്നതും ഭക്ഷണ – പാനീയങ്ങള്‍ കഴിക്കുന്നതും നിരോധിച്ചിട്ടുണ്ട്. ഈ കുറ്റങ്ങൾക്കും 200 ദിർഹം പിഴയുണ്ട്. സംവരണം ചെയ്ത സീറ്റു കളില്‍ മറ്റുള്ളവര്‍ ഇരുന്നാല്‍ പിഴ ഈടാക്കും. മൂർച്ചയുള്ള ആയുധങ്ങള്‍, പെട്ടെന്നു തീ പിടിക്കുന്ന വസ്തുക്കള്‍ എന്നിവ ബസ്സ് യാത്രക്കാര്‍ കയ്യില്‍ വെച്ചാലും പിഴ ചുമത്തും എന്നും ഗതാഗത വകുപ്പ് മുന്നറിയിപ്പ് നൽകി.
- pma
വായിക്കുക: abu-dhabi-bus, കുറ്റകൃത്യം, ഗതാഗതം, നിയമം, പ്രവാസി, യു.എ.ഇ., സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
