 |
 |
 |
 |
 |
 |
 |
 |
 |
 |
 |
 |
 |
 |
ദുബായ്‌ : ഗുരുവായൂര്‍ ഇരിങ്ങാപ്പുറം പ്രദേശത്തെ യു.എ.ഇ. പ്രവാസികളുടെ കൂട്ടായ്മയായ “ഫ്രണ്ട്സ്‌ ഓഫ് ഇരിങ്ങാപ്പുറ” ത്തിന്റെ ഒത്തുചേരല്‍ 2010 നവംബര്‍ 19ന് ദുബായ്‌ ദെയറ ഫിഷ്‌ റൌണ്ടബൌട്ടിന് അടുത്തുള്ള അല്‍ മുത്തീന പാര്‍ക്കില്‍ വെച്ച് വൈകീട്ട് 4 മണിക്ക് നടക്കും എന്ന് ജനറല്‍ കണ്‍വീനര്‍ അഭിലാഷ്‌ വി. ചന്ദ്രന്‍ അറിയിച്ചു. കൂടുതല്‍ വിവരങ്ങള്‍ക്ക് 050 2265718, 055 4701204 എന്നീ നമ്പരുകളില്‍ ബന്ധപ്പെടുക.
- ജെ.എസ്.
അബുദാബി യിലെ ഗുരുവായൂര്‍ നിയോജക മണ്ഡലം നിവാസി കളുടെ പ്രവാസി കൂട്ടായ്മ, ബാച്ച് ചാവക്കാട് കുടുംബ സംഗമം സംഘടിപ്പിക്കുന്നു. നവംബര്‍ 11 വ്യാഴാഴ്ച വൈകീട്ട് 7.30 ന് അബുദാബി കേരളാ സോഷ്യല്‍ സെന്‍ററില്‍ ഒരുക്കുന്ന ‘ബാച്ച് മീറ്റ്’ എന്ന പരിപാടി യില്‍ ബാച്ച് ചാവക്കാട് വെബ്സൈറ്റ്‌ ലോഞ്ചിംഗ് നടക്കും. 10 – 12 ക്ലാസ്സുകളില്‍ ഉന്നത വിജയം നേടിയ ബാച്ച് അംഗങ്ങളുടെ കുട്ടികളെയും, പൊതുരംഗത്ത്‌ വിവിധ പുരസ്കാരങ്ങള്‍ നേടിയ ബാച്ച് അംഗങ്ങളെയും ആദരിക്കുന്നു. സാംസ്കാരിക രംഗത്തെ പ്രമുഖര്‍ പങ്കെടുക്കും. കുടുംബ സംഗമ ത്തോട് അനുബന്ധിച്ച് വിവിധ കലാ പരിപാടികള്‍ ഉണ്ടായിരിക്കും.
- pma
ഷാര്‍ജ : യു.എ.ഇ. യുടെ ചരിത്രത്തില്‍ ആദ്യമായി മലയാളികള്‍ക്ക്‌ മാത്രമായി ഈദ്‌ ഗാഹ് ഒരുങ്ങുന്നു. ഷാര്‍ജ ഓഖാഫ്‌ വകുപ്പാണ് അനുമതി നല്‍കിയത്‌. ഏതാനും വര്‍ഷങ്ങളായി ഷാര്‍ജ ഇന്ത്യന്‍ ഇസ്ലാഹി സെന്റര്‍ നടത്തുന്ന നിരന്തര പരിശ്രമത്തിന്റെ ഫലമായാണ് ഈദ്‌ ഗാഹ് നടത്താനുള്ള അനുമതി ലഭിച്ചത് എന്ന് ഷാര്‍ജ ഇന്ത്യന്‍ ഇസ്ലാഹി സെന്റര്‍ ജോ. സെക്രട്ടറി സി. എ. മുഹമ്മദ്‌ അസ്ലം അറിയിച്ചു. ഷാര്‍ജ അന്താരാഷ്‌ട്ര ക്രിക്കറ്റ്‌ സ്റ്റേഡിയത്തിനോട് ചേര്‍ന്നുള്ള ഫുട്ബോള്‍ ക്ലബ്ബിന്റെ വിശാലമായ മൈതാനത്തിലാണ് ആദ്യ ഈദ്‌ ഗാഹ് സംഘടിപ്പിക്കുന്നത്. പതിനായിരത്തോളം പേര്‍ക്ക് നമസ്കരിക്കുവാനുള്ള സൗകര്യം ഇവിടെയുണ്ടാവും. കൂടുതല്‍ വിവരങ്ങള്‍ക്ക് 06 5635120, 050 4546998, 050 4974230, 050 6799279 എന്നീ നമ്പരുകളില്‍ ബന്ധപ്പെടാവുന്നതാണ്.
- ജെ.എസ്.
ദുബായ്‌ : ഇരിങ്ങാലക്കുട പ്രവാസി സംഘടന ഓണാഘോഷം, കേരളപ്പിറവി, ദീപാവലി എന്നിവ സംയുക്തമായി നവംബര്‍ അഞ്ചിന് ആഘോഷിക്കും. ദെയ്‌റ റിഖയിലെ ഫ്ലോറ ഗ്രാന്‍ഡ്‌ ഹോട്ടലില്‍ രാവിലെ 10 മുതല്‍ വൈകീട്ട് 6 വരെയാണ് പരിപാടി. ഇരിങ്ങാലക്കുടയിലെ പ്രമുഖ വ്യക്തിത്വങ്ങളെ ചടങ്ങില്‍ ആദരിക്കും. ഓണ സദ്യയും ഗാനമേളയും മറ്റു കലാ പരിപാടികളും ഉണ്ടായിരിക്കും. വിവരങ്ങള്‍ക്ക് : പ്രോഗ്രാം കണ്‍വീനര്‍ കെ. എം. സിദ്ദീഖ്‌ (050 5382667), പ്രസിഡണ്ട് ചാക്കോ ജോര്‍ജ്‌ (050 6765690), ജനറല്‍ സെക്രട്ടറി സുനില്‍ രാജ് (050 4978520)
- ജെ.എസ്.
ഷാര്‍ജ : ശമ്പളം ലഭിക്കാഞ്ഞതിനെ തുടര്‍ന്ന് തൊഴില്‍ വകുപ്പിന് പരാതി നല്‍കിയ തൊഴിലാളിയെ ക്രിമിനല്‍ കേസ് നല്‍കി കുടുക്കിയ കേസില്‍ ഷാര്‍ജ കോടതി തൊഴിലാളിയെ കുറ്റവിമുക്തനാക്കി. “സത്യ വിശ്വാസികളെ, അധിക ഊഹങ്ങള്‍ പാപമാണ്, അത് നിങ്ങള്‍ ഉപേക്ഷിക്കുക” എന്ന വിശുദ്ധ ഖുര്‍ആന്‍ വചനം ആധാരമാക്കി കോടതി പുറപ്പെടുവിച്ച ഉത്തരവ്‌ ലഭിച്ചത് യുനൈറ്റഡ്‌ അഡ്വക്കേറ്റ്സിലെ നിയമ പ്രതിനിധിയും, സാമൂഹ്യ പ്രവര്‍ത്തകനുമായ സലാം പാപ്പിനിശ്ശേരി യുടെ സമയോചിതമായ ഇടപെടല്‍ മൂലമാണ്.
ഹക്കീം ശൈഖ് ഹംസ
ഷാര്‍ജയിലെ ഒരു പ്രിന്റിംഗ് പ്രസില്‍ ജോലി ചെയ്തു വന്ന പാലക്കാട്‌ ഒലവക്കോട്‌ സ്വദേശി ഹക്കീം ശൈഖ് ഹംസയാണ് മാസങ്ങളോളം ശമ്പളം കിട്ടാതായപ്പോഴാണ് തൊഴില്‍ വകുപ്പില്‍ പരാതിപ്പെട്ടത്. മലയാളികളായ കമ്പനി ഉടമകള്‍ ഹാജരാവാഞ്ഞതിനെ തുടര്‍ന്ന് തൊഴില്‍ വകുപ്പ്‌ കേസ് കോടതിയുടെ പരിഗണനയ്ക്ക് വിട്ടു. എന്നാല്‍ കോടതിയില്‍ കേസ് തങ്ങള്‍ക്ക് പ്രതികൂലമാവും എന്ന് മനസിലാക്കിയ കമ്പനി ഉടമകള്‍ ഹക്കീമിനെതിരെ വഞ്ചന, പണം തിരിമറി, മോഷണം എന്നീ കുറ്റങ്ങള്‍ ആരോപിച്ച് കേസ് കൊടുത്തു. ആറു ലക്ഷത്തിലേറെ രൂപയുടെ തിരിമറി നടത്തി എന്നായിരുന്നു കേസ്.
കേസിന്റെ നടത്തിപ്പില്‍ ഉടനീളം ഹക്കീമിന് തുണയായി നിന്ന സലാം പാപ്പിനിശേരിയുടെ ശ്രമഫലമായി ഒടുവില്‍ ഹക്കീമിന് അനുകൂലമായി കോടതി വിധി പ്രസ്താവിച്ചു. വെറും ഊഹത്തിന്റെ പേരില്‍ ഒരാളുടെ പേരില്‍ കുറ്റം ചുമത്താന്‍ നിയമം അനുവദിക്കുന്നില്ലെന്ന് ഖുര്‍ആന്‍ വചനം ഉദ്ധരിച്ചു കൊണ്ട് കോടതി വ്യക്തമാക്കി.
കമ്പനി ഉടമകളും തൊഴിലാളികളും തമ്മില്‍ കോടതിക്ക് വെളിയില്‍ വെച്ച് തന്നെ പറഞ്ഞു തീര്‍ക്കാവുന്ന പ്രശ്നങ്ങള്‍ അടുത്ത കാലത്തായി കോടതിയില്‍ എത്തുന്ന സംഭവങ്ങള്‍ വര്‍ദ്ധിച്ചു വരുന്നതായി സലാം പാപ്പിനിശ്ശേരി പറഞ്ഞു. തൊഴിലാളികളും തൊഴില്‍ ഉടമകളും എടുക്കുന്ന നിലപാടുകളും കടുംപിടുത്തവും ഇവിടത്തെ കോടതികള്‍ കൈകാര്യം ചെയ്യുമ്പോള്‍ ഭാവിയില്‍ പ്രവാസികളായ മലയാളികള്‍ക്ക്‌ തന്നെ ഇത് ദോഷം ചെയ്യുമെന്നും അദ്ദേഹം അഭിപ്രായപ്പെട്ടു.
- ജെ.എസ്.
വായിക്കുക: തട്ടിപ്പ്‌, തൊഴിലാളി, നിയമം, പ്രവാസി, സാമൂഹ്യ സേവനം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
