 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : യു. എ. ഇ. യിലെ ഒരുമനയൂര് നിവാസി കളുടെ പ്രാദേശിക കൂട്ടായ്മ, ഒരുമ ഒരുമനയൂര് ദുബായ് കമ്മിറ്റി സംഘടിപ്പിക്കുന്ന കുടുംബ വിനോദ യാത്ര മാര്ച്ച് 25ന് മുസാണ്ടം, ഫുജൈറ, ഖോര്ഫക്കാന് എന്നീ സ്ഥലങ്ങളിലേക്ക് പോകുന്നു.
താല്പ്പര്യമുള്ളവര് വിളിക്കുക : ഷാജഹാന് – 050 35 00 386, ഖമറുദ്ദീന് – 050 53 57 904.
– അയച്ചു തന്നത് : സമീര് പി. സി.
- pma
ദുബായ് : 2011 ലെ സീതി സാഹിബ് സ്മാരക അവാര്ഡിന് റസാക്ക് ഒരുമനയൂര് അര്ഹമായി. സേവന പ്രതിബദ്ധത പരിഗണിച്ച് പ്രവാസി കള്ക്ക് സീതി സാഹിബ് വിചാരവേദി വര്ഷം തോറും നല്കു ന്നതാണ് പുരസ്കാരം. അബുദാബി യിലെ പൊതു രംഗത്ത് സജീവ സാന്നിദ്ധ്യമായ റസാഖ്, ചാവക്കാട് ഒരുമനയൂര് കറപ്പം വീട്ടില് മുഹമ്മദ് ഹാജി – ഖദീജ ദമ്പതി കളുടെ മകനാണ്. വിദ്യാര്ത്ഥി ആയിരിക്കെ തന്നെ പൊതു പ്രവര്ത്തന രംഗത്തു വന്ന അദ്ദേഹം പിന്നീട് പത്ര പ്രവര്ത്തന രംഗത്തും സജീവമായി.
28 വര്ഷത്തെ പ്രവാസ ജീവിത ത്തിനിടയില് അബുദാബി യിലും അല് ഐനിലും സാമുഹ്യ പ്രവര്ത്തന രംഗത്തും, പത്ര പ്രവര്ത്തന രംഗത്തും നിറ സാന്നിദ്ധ്യമായി. അബുദാബി ഇന്ത്യന് ഇസ്ലാമിക് സെന്റര് ജനറല് സെക്രട്ടറി, കെ. എം. സി. സി. സെക്രട്ടറി, ഒരുമ ഒരുമനയൂര് പ്രസിഡന്റ് തുടങ്ങിയ സ്ഥാനങ്ങള് വഹിച്ചിരുന്നു. സുമയ്യ യാണ് ഭാര്യ. തസ്ലീമ, അഷ്ഫാക്, ഹനന് എന്നിവര് മക്കളാണ്.
കരീം ഹാജി തിരുവത്ര, ഇബ്രാഹിം എളേറ്റില്, ബാവു ഹാജി പൊന്നാനി എന്നിവരാണ് മുന്പ് ഈ അവാര്ഡ് നേടിയിട്ടുള്ളവര്.
ഇന്ത്യന് മീഡിയ ഫോറം പ്രസിഡന്റ് ഇ. സതീഷ്, ഷീല പോള്, വി. പി. അഹമദ് കുട്ടി മദനി എന്നിവര് ജൂറി അംഗങ്ങ ളായിരുന്നു. മാര്ച്ച് 11 നു നടക്കുന്ന ചടങ്ങില് റസാഖിന് അവാര്ഡ് സമ്മാനിക്കും.
- pma
വായിക്കുക: കെ.എം.സി.സി., പ്രവാസി, ബഹുമതി, സാംസ്കാരികം
ദുബായ് : പ്രവാസികള്ക്ക് വോട്ടവകാശം രേഖപ്പെടുത്താന് അപേക്ഷകള് അയക്കാനുള്ള സഹായ പ്രവര്ത്തനങ്ങളുമായി ദുബായ് കെ. എം. സി. സി. രംഗത്ത്. ആവശ്യക്കാര്ക്ക് അപേക്ഷകള് ഡൗണ്ലോഡ് ചെയ്യല്, പൂരിപ്പിച്ചു നല്കല്, കൊറിയര് വഴി അയച്ചു കൊടുക്കല് എന്നിവയാണ് കെ. എം. സി. സി. നിര്വഹിച്ചു കൊടുക്കുകയെന്നും ഈ സേവനങ്ങള് ആവശ്യമുള്ളവര് സമീപിക്കണമെന്നും സംസ്ഥാന പ്രസിഡണ്ട് ഇബ്രാഹിം എളേറ്റില് അറിയിച്ചു.
ഫോറം നമ്പര് ആറ്-എ പൂരിപ്പിച്ച് സ്വയം സാക്ഷ്യപ്പെടുത്തിയ അപേക്ഷകള് സമര്പ്പിക്കാമെന്നാണ് നേരത്തെ പ്രവാസി കാര്യ മന്ത്രി വയലാര് രവി
പ്രസ്താവിച്ചിരുന്നത്. ഇക്കാര്യം വിശദീകരിച്ച് പ്രത്യേക വിജ്ഞാപനം ഇറക്കുമെന്നും അദ്ദേഹം പറഞ്ഞിരുന്നെങ്കിലും അങ്ങനെയുണ്ടായില്ല. അപേക്ഷകള് എംബസിയില് നിന്നോ കോണ്സുലേറ്റില് നിന്നോ സാക്ഷ്യപ്പെടു ത്തണമെന്നതാണ് പുതിയ വിവരം. എന്നാല്, പ്രവാസികളെ സംബന്ധിച്ചിടത്തോളം സ്വയം സാക്ഷ്യപ്പെടുത്തല് തന്നെയാണ് ഏറെ ഉപകാര പ്രദമെന്നും ആ നിലക്കുള്ള നടപടി ക്രമങ്ങള് പാലിക്കാന് അവസരം നല്കണമെന്നും അദ്ദേഹം ബന്ധപ്പെട്ട അധികൃതരോട് അഭ്യര്ത്ഥിച്ചു.
ഏപ്രില് 14ന് നടക്കുന്ന നിയമ സഭാ തെരഞ്ഞെടുപ്പില് വോട്ടു രേഖപ്പെടുത്താന് പ്രവാസികളെ അനുവദിച്ച് ദുബായിലെ ഇന്ത്യന് കോണ്സുലേറ്റ്
കഴിഞ്ഞ ദിവസം വിജ്ഞാപനം ഇറക്കിയിരുന്നു. 2011 ജനുവരി 1ന് 18 വയസ്സ് തികഞ്ഞ, വോട്ട് രേഖപ്പെടുത്താന് ആഗ്രഹിക്കുന്ന മുഴുവന് പ്രവാസികളും
വോട്ടര് പട്ടികയില് പേരു ചേര്ക്കണം. ഇതിനായി തെരഞ്ഞെടുപ്പ് കമമിഷന്റെ വെബ്സൈറ്റില് ഓവര്സീസ് ഫോറം നമ്പര് ആറ്-എ പൂരിപ്പിച്ച് അയക്കുകയാണ് വേണ്ടത്. നാട്ടിലുള്ളവര് നേരിട്ടും, അല്ലാത്തവര് തപാലിലും അതാത് നിയമ സഭാ മണ്ഡലങ്ങളുമായി ബന്ധപ്പെട്ട രജിസ്ട്രാര്മാര്ക്ക് അപേക്ഷ സമര്പ്പിക്കണം. തഹസില്ദാറാണ് രജിസ്ട്രേഷര് ഓഫീസര്.
പൂരിപ്പിച്ച അപേക്ഷയോടൊപ്പം പാസ്പോര്ട്ടിലെ ഫോട്ടോ പതിച്ച മേല്വിലാസമുള്ള പേജിന്റെ പകര്പ്പ്, വിസാ പേജിന്റെ പകര്പ്പ് എന്നിവ
വെയ്ക്കണം. നേരിട്ട് അപേക്ഷ സമര്പ്പിക്കുന്നവര് ഒറിജിനല് പാസ്പോര്ട്ടുമായാണ് ഹാജരാകേണ്ടത്. വെരിഫിക്കേഷന് ശേഷം പാസ്പോര്ട്ട്
ഉടന് തിരിച്ച് നല്കും.
എന്. ആര്. ഐ. വിഭാഗത്തിലുള്ളവര് തിരിച്ചറിയല് രേഖയായി പോളിംഗ് ഉദ്യോഗസ്ഥന് പാസ്പോര്ട്ട് കാണിക്കല് നിര്ബന്ധമാണ്. വിശദ വിവരങ്ങള്
തെരഞ്ഞെടുപ്പ് കമ്മീഷന്റെ http://ecinic.in എന്ന വെബ്സൈറ്റില് ലഭ്യമാണ്.
- ജെ.എസ്.
വായിക്കുക: കെ.എം.സി.സി., പ്രവാസി
ദുബായ് : പ്രവാസികള് അനുഭവിക്കേണ്ടി വരുന്ന നിരവധി പ്രശ്നങ്ങള് ചര്ച്ച ചെയ്യാനും, അധികാരികളുടെ ശ്രദ്ധയില് കൊണ്ടു വരുന്നതിനും അടിയന്തിര പരിഹാരം കാണുന്നതിനും ദല ഗള്ഫ് പ്രവാസി സമ്മേളനം സംഘടിപ്പിക്കുന്നു. ഫെബ്രുവരി 25ന് രാവിലെ 10 മണി മുതല് രാത്രി 9 മണി വരെ ഗള്ഫ് മോഡല് സ്കൂളില് വെച്ചാണു സമ്മേളനം. ദല മുപ്പതാം വാര്ഷികത്തിന്റെ ഭാഗമായിട്ടാണ് സമ്മേളനം. പൊതു സമ്മേളനവും കലാ പരിപാടികളും ഉണ്ടായിരിക്കും.
പ്രധാനമായി നാലു വിഷയങ്ങളാണ് സമ്മേളനം ഗൗരവമായി ചര്ച്ച ചെയ്യുന്നത് :
ഡോ. കെ. എന്. ഹരിലാല്, പ്രൊഫ. വി. കാര്ത്തികേയന് നായര് എന്നീ പ്രമുഖര് പങ്കെടുക്കുന്നു.
ദുബായിലെ എല്ലാ സംഘടനകളെയും മറ്റ് എമിറേറ്റുകളില് നിന്ന് ക്ഷണിക്കപ്പെടുന്ന സംഘടനാ പ്രതിനിധി കളുമായിരിക്കും സമ്മേളനത്തില് പങ്കെടുക്കുക. നാലു വിഷയങ്ങളെ അടിസ്ഥാന മാക്കിയുള്ള ചര്ച്ചകളില് പങ്കെടുത്ത് ആധികാരികമായി സംസാരിക്കാന് പ്രാപ്തരായ നാലു പ്രതിനിധി കളെയാണ് ഓരോ സംഘടനകളും അയക്കേണ്ടത്.
പങ്കെടുക്കാന് താല്പര്യമുള്ളവര് 055 – 2897914 , 050 – 6272279 , 050 – 6987958 എന്നി നമ്പറുകളില് ബന്ധപ്പെടേണ്ടതാണ്.
– നാരായണന് വെളിയംകോട്
- ഡെസ്ക്
വായിക്കുക: ദല, പ്രവാസി, സാംസ്കാരികം
സൗദി: സൗദിയില് നിന്നു പൊതു മാപ്പ് ലഭിച്ചു നാട്ടില് തിരിച്ചു പോകുന്നവര്ക്ക് എയര് ഇന്ത്യ ടിക്കറ്റ് നിരക്കില് ഇളവ് പ്രഖ്യാപിച്ചു. 50 റിയാലാണ് ഇളവ് ഏര്പ്പെടുത്തിയിരിക്കുന്നത്. റിയാദ് എംബസിയില് എയര് ഇന്ത്യ ഇതിനായി ടിക്കറ്റ് കൗണ്ടറും തുറന്നിട്ടുണ്ട്. ഹജ്ജ്, ഉമ്ര തീര്ഥാടനത്തിനു വന്നവര്ക്കുള്ള പൊതു മാപ്പ് അടുത്ത മാസം പതിനെട്ടോടെ അവസാനിക്കും.
തൊഴില് വിസയില് വന്നവരടക്കം ആയിരങ്ങളാണ് മടക്ക യാത്ര പ്രതീക്ഷിച്ചു കഴിയുന്നത്. എന്നാല് ആനുകൂല്യത്തിന് അര്ഹരായവര് വളരെക്കുറച്ചു മാത്രമാണ് ഉള്ളത്. തൊഴില് വിസയില് വന്നവര്ക്ക് ആനുകൂല്യം ലഭിക്കാനുള്ള സാധ്യത കുറവാണ്. എങ്കിലും അവരും നാട്ടിലേക്കു മടങ്ങാമെന്ന പ്രതീക്ഷയിലാണ്.
-
വായിക്കുക: പ്രവാസി, വിമാനം, സൗദി അറേബ്യ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
