 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : യു. എ. ഇ. ദേശീയ ദിനത്തോട് അനുബന്ധിച്ച് ഗുരുവായൂര്‍ എന്‍. ആര്‍. ഐ. ഫോറം സംഘടി പ്പിച്ചു വരുന്ന ‘സല്യൂട്ട് യു. എ. ഇ’ എന്ന പരിപാടി ഈ വര്‍ഷവും ഡിസംബര്‍ 2 വെള്ളിയാഴ്ച ദുബായ് ശൈയ്ഖ് റാഷിദ് ഓഡിറ്റോറിയ ത്തില്‍ വെച്ച് ആഘോഷിക്കുന്നു.
ഇതിനു മുന്നോടി യായി യു. എ. ഇ. യിലെ പ്രവാസി കളായ ഗുരുവായൂര്‍ പ്രദേശത്തുള്ള വരുടെ ഒരു ജനറല്‍ കണ്‍വെന്‍ഷന്‍ ഒക്ടോബര്‍ 28 വെള്ളിയാഴ്ച 5 മണിക്ക് ഷാര്‍ജ ഏഷ്യാ മ്യൂസിക് ഇന്‍സ്റ്റി ട്യൂട്ടില്‍ വെച്ച് ചേരുന്നു.
കൂടുതല്‍ വിവരങ്ങള്‍ക്ക് : 050 574 08 08 (പി. വി. കബീര്‍ ബാബു)
- pma
അബുദാബി : ‘വെട്ടം’ കേരളത്തില്‍ പാലാരിവട്ടത്തു സംഘടിപ്പിച്ച സൌഹൃദ സംഗമത്തിന് ശേഷം യു. എ. ഇ. യിലെ വെട്ടം അംഗങ്ങളുടെ ഒത്തുചേരല്‍ ‘വെട്ടം ഒരുമിച്ചൊരു പകല്‍ ‘ ഇന്ന് അബുദാബിയില്‍ നടക്കും. സൌഹൃദ സംഗമത്തിന്റെ തല്‍സമയ സംപ്രേക്ഷണം ഓണ്‍ലൈന്‍ സ്ട്രീമിങ്ങിലൂടെ വെട്ടം ഗ്രൂപ്പില്‍ കാണുവാന്‍ സാധിക്കുന്നതാണ് എന്ന് ഭാരവാഹികള്‍ അറിയിച്ചു.
പേരു പോലെ ചിന്തയിലും പ്രവര്‍ത്തിയിലും നേരിന്റെ, നന്മയുടെ, സാഹോദര്യത്തിന്‍റെ ഒരു തരി വെട്ടം പകരാനായാല്‍ ധന്യമായ് ഈ ഇടം എന്ന സത്യസന്ധമായ ചിന്തയിലുടെ ഉണ്ടാക്കിയ ഒരു കൂട്ടായ്മയാണ് വെട്ടം എന്നും നമ്മെയും സമൂഹത്തേയും ബാധിക്കുന്ന ഏതു വിഷയവും സംയമനത്തോടെ ചര്‍ച്ച ചെയ്യപ്പെടണം എന്ന നല്ല വിചാരമാണ് വെട്ടത്തിനുള്ളത് എന്നും വെട്ടം ഭാരവാഹികള്‍ പറഞ്ഞു.
വാര്‍ത്ത അയച്ചത് : ആന്റണി വിന്‍സെന്റ്‌
- ജെ.എസ്.
ദുബായ് : ഇന്ത്യയിലേക്ക്‌ വിസ എടുക്കാന്‍ ഇനി ഇന്ത്യന്‍ കോണ്സുലേറ്റ്, എംബസി എന്നിവയിലെ നീണ്ട ക്യൂവില്‍ നില്‍ക്കേണ്ട ആവശ്യമില്ല. വിസയ്ക്കുള്ള അപേക്ഷ ഓണ്‍ലൈന്‍ ആയി പൂരിപ്പിച്ചു നല്‍കാന്‍ ഉള്ള സംവിധാനം നിലവില്‍ വന്നതായി ദുബായില്‍ നടന്ന പത്രസമ്മേളനത്തില്‍ യു.എ.ഇ. യിലെ ഇന്ത്യന്‍ അംബാസിഡര്‍ എം. കെ. ലോകേഷ് അറിയിച്ചു.
ഇന്ന് മുതല്‍ ഈ സൗകര്യം പ്രവര്‍ത്തനക്ഷമമാവും. എന്നാല്‍ തല്‍ക്കാലം പഴയ സംവിധാനവും സമാന്തരമായി പ്രവര്‍ത്തിക്കും. എന്നാല്‍ 2012 ജനുവരിയോടെ കോണ്‍സുലേറ്റുകളിലും എംബസികളിലും വിസാ അപേക്ഷകള്‍ സ്വീകരിക്കുന്നത് നിര്‍ത്തലാക്കും. പൂര്‍ണ്ണമായും ഓണ്‍ലൈന്‍ വഴി മാത്രമാവും പിന്നീട് വിസാ അപേക്ഷകള്‍ സ്വീകരിക്കുക.
ബി. എല്‍. എസ്. ഇന്റര്‍നാഷ്ണല്‍ സര്‍വീസസ്‌ ലിമിറ്റഡ്‌ എന്ന കമ്പനിയുമായി സഹകരിച്ചാണ് ഈ സേവനം ലഭ്യമാക്കിയത് എന്ന് അംബാസിഡര്‍ വിശദീകരിച്ചു. ഓണ്‍ലൈന്‍ ആയി അപേക്ഷകള്‍ സ്വയം പൂരിപ്പിക്കുവാന്‍ ബുദ്ധിമുട്ട് ഉള്ളവര്‍ക്ക് അപേക്ഷാ ഫോറം പൂരിപ്പിക്കാന്‍ ബി. എല്‍. എസ്. ഇന്റര്‍നാഷണല്‍ സര്‍വീസസിന്റെ സഹായം തേടാം. 25 ദിര്‍ഹം ഫീസ്‌ ഇതിനായി ഇവര്‍ ഈടാക്കും.
225 ദിര്‍ഹം ഫീസ്‌ നല്‍കിയാല്‍ ഇവിടെ നിന്നും കൂടുതല്‍ മെച്ചപ്പെട്ട സേവനം ലഭിക്കും എന്നും അംബാസിഡര്‍ അറിയിച്ചു.
ഓണ്‍ലൈന്‍ ആയി അപേക്ഷാ ഫോറം പൂരിപ്പിക്കാന്‍ ഇവിടെ ക്ലിക്ക്‌ ചെയ്യുക.
അപേക്ഷ പൂരിപ്പിച്ചു കഴിഞ്ഞാല്‍ കിട്ടുന്ന ഫയല്‍ നമ്പരോ അപേക്ഷ പ്രിന്റ്‌ ചെയ്തതോ മറ്റ് ആവശ്യമുള്ള രേഖകളുമായി യു.എ.ഇ. യിലുള്ള ഏതെങ്കിലും ബി. എല്‍. എസ്. ഇന്റര്‍നാഷ്ണല്‍ സര്‍വീസസ്‌ ഓഫീസുകളില്‍ ഏല്‍പ്പിക്കണം.
ഇത്തരത്തില്‍ വിസാ സേവനങ്ങള്‍ ഓണ്‍ലൈന്‍ ആക്കുന്നതോടെ ഇന്ത്യന്‍ എംബസിയിലും കോണ്‍സുലേറ്റുകളിലും തിരക്ക് കുറയും എന്നും മറ്റ് സേവനങ്ങള്‍ ലഭ്യമാക്കാനുള്ള കാലവിളംബം കുറയ്ക്കുവാനും ഇത് സഹായിക്കും എന്നുമാണ് പ്രതീക്ഷ എന്ന് അംബാസിഡര്‍ പറഞ്ഞു.
- ജെ.എസ്.
വായിക്കുക: ഇന്ത്യന്‍ കോണ്സുലേറ്റ്, പ്രവാസി, യു.എ.ഇ.
ദുബായ് : ലോകപ്രശസ്തമായ വാഴക്കുളം കൈതച്ചക്ക ഗള്‍ഫില്‍ വിപണനം ചെയ്യുന്നതിന്റെ സാദ്ധ്യതകള്‍ ആരായുന്നതിനായി വിദഗ്ദ്ധ സംഘം ദുബായില്‍ എത്തി. ഇന്‍ഫാം ദേശീയ ട്രസ്റ്റി എം. സി. ജോര്‍ജ്ജ്, പൈനാപ്പിള്‍ അവാര്‍ഡ്‌ ജേതാവായ ഇസ്മയില്‍ റാവുത്തര്‍ എന്നിവരുടെ നേതൃത്വത്തില്‍ എത്തിയ ഇന്‍ഫാം സംഘം എറണാകുളം പ്രവാസി വെല്‍ഫെയര്‍ അസോസിയേഷനുമായി സഹകരിച്ചു പ്രവര്‍ത്തിക്കും എന്ന് അറിയിച്ചു.
വാഴക്കുളം പൈനാപ്പിള്‍ മാര്‍ക്കറ്റ്‌
കീടനാശിനി പ്രയോഗിക്കാതെ ഉല്‍പ്പാദനം ചെയ്യുന്ന വാഴക്കുളം കൈതച്ചക്കയുടെ ഏറ്റവും വലിയ പ്രത്യേകത ഇതിന്റെ സ്വാദ്‌ തന്നെയാണ്. ഏറ്റവും രുചികരമായ വാഴക്കുളം കൈതച്ചക്കയ്ക്ക് ജ്യോഗ്രഫിക്കല്‍ ഇന്‍ഡിക്കേഷന്‍ പദവിയും ലഭിച്ചിട്ടുണ്ട് എന്ന് സംഘാംഗങ്ങള്‍ അറിയിച്ചു.
- ജെ.എസ്.
ദുബായ് : പ്രവാസി മലയാളികള്‍ക്ക് ക്ഷേമവും സഹായവും നല്‍കുന്നതിനും പ്രവാസി ക്ഷേമത്തിനായി സര്‍ക്കാര്‍ ശ്രദ്ധിക്കേണ്ട കാര്യങ്ങള്‍ നേരിട്ട് മനസ്സിലാക്കുന്നതിനും ഗള്‍ഫില്‍ വെച്ച് മരണമടയുന്ന മലയാളികളുടെ മൃതദേഹം നാട്ടിലെത്തിക്കുന്നതിനും, സാമ്പത്തിക സഹായം നല്‍കുന്ന കാരുണ്യ പദ്ധതി പ്രയോഗവത്കരിക്കുന്നതിനും ഡിസംബര്‍ 19, 20 തീയ്യതികളില്‍ പ്രവാസി സംഘടനകളുടെ യോഗം വിളിച്ച് ചേര്‍ക്കുവാനും, യോഗത്തിനു ശേഷം പ്രവാസി സംഘടനകളുമായി ചര്‍ച്ച നടത്തുന്നതിനും, മുഖ്യമന്ത്രിയും സംഘവും ഗള്‍ഫ് നാടുകളില്‍ പര്യടനം നടത്താനുമുള്ള തീരുമാനം സ്വാഗതാര്‍ഹമാണെന്ന് ദുബൈ കെ. എം. സി. സി. കാസര്‍കോട് മണ്ഡലം കമ്മിറ്റി യോഗം അഭിപ്രായപ്പെട്ടു.
കഴിഞ്ഞ അഞ്ചു വര്‍ഷക്കാലം കേരള മുഖ്യമന്ത്രി യായിരുന്ന അച്യുതാനന്ദന് പ്രവാസി വകുപ്പ് നേരിട്ട് കൈകാര്യം ചെയ്തിട്ടും പ്രവാസി ക്ഷേമകാര്യം നടപ്പാക്കുന്നതിന് പകരം ഇന്ത്യയുടെ സമ്പദ്ഘടന ശക്തിപ്പെടുത്തുന്നതില്‍ മുഖ്യ പങ്ക് വഹിക്കുന്ന പ്രവാസികളെ രണ്ടാം പൗരന്‍മാരായി കാണുന്ന സമീപനമാണ് സ്വീകരിച്ചതെന്ന് യോഗം അഭിപ്രായപ്പെട്ടു.
പ്രസിഡണ്ട് മഹ്മൂദ് കുളങ്ങര അധ്യക്ഷത വഹിച്ചു. കെ. എം. സി. സി. യു. എ. ഇ. നാഷണല്‍ കമ്മിറ്റി ആക്ടിംഗ് പ്രസിഡണ്ട് യഹ്യ തളങ്കര ഉദ്ഘാടനം ചെയ്തു. ദുബൈ കെ. എം. സി. സി. വൈസ് പ്രസിഡണ്ട് ഏരിയാല്‍ മുഹമ്മദ് കുഞ്ഞി, മുന്‍ വൈസ് പ്രസിഡണ്ട് ഹസൈനാര്‍ തോട്ടംഭാഗം, കാസര്‍കോട് ജില്ലാ കെ. എം. സി. സി. നേതാക്കളായ ഗഫൂര്‍ ഏരിയാല്‍, ഹനീഫ് ചെര്‍ക്കള, ഹനീഫ് കല്‍മട്ട, ഖലീല്‍ പതിക്കുന്ന്, അബൂബക്കര്‍ കൊല്ലമ്പാടി, മണ്ഡലം നേതാക്കളായ ഫൈസല്‍ പട്ടേല്‍, സുബൈര്‍ മൊഗ്രാല്‍ പുത്തൂര്‍, സലീം ചേരങ്കൈ, ഇ. ബി. അഹമ്മദ് ചെടയക്കാല്‍, റഹീം ചെങ്കള, കരിം മൊഗ്രാല്‍, മുനീര്‍ പൊടിപ്പള്ളം, തുടങ്ങിയവര്‍ സംസാരിച്ചു. ജനറല്‍ സെക്രട്ടറി സലാം കന്യപ്പാടി സ്വാഗതവും, സെക്രട്ടറി ഷരീഫ് പൈക്ക നന്ദിയും പറഞ്ഞു.
– അയച്ചു തന്നത് : സലാം കന്യപ്പാടി
- ജെ.എസ്.
വായിക്കുക: കെ.എം.സി.സി., കേരള രാഷ്ട്രീയ നേതാക്കള്‍, പ്രവാസി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
