 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഇന്ത്യൻ ഇസ്ലാമിക് സെന്റര് സ്വാതന്ത്ര്യ ദിനം ആഘോഷിച്ചു. സെന്റര് ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി പതാക ഉയർത്തി ക്കൊണ്ട് സ്വാതന്ത്ര്യ ദിന സന്ദേശം നൽകി.
സെന്റര് എജുക്കേഷന് സെക്രട്ടറി ഹൈദർ ബിൻ മൊയ്ദു, അബുദാബി കെ. എം. സി. സി. വൈസ് പ്രസിഡണ്ട് റഷീദ് പട്ടാമ്പി, ഭാരവാഹികളായ അഹ്മദ് കുട്ടി കുമരനെല്ലൂർ, നൗഷാദ് തൃപ്രങ്ങോട്, മറ്റു സെന്റര് പ്രവര്ത്തകരും സ്വാതന്ത്ര്യ ദിന ആഘോഷ ചടങ്ങില് സംബന്ധിച്ചു.
- pma
വായിക്കുക: islamic-center-, ആഘോഷം, കെ.എം.സി.സി., പ്രവാസി, സംഘടന
ദുബായ് : ഗൾഫ് മേഖലയിലെ കർണാടക ഇതിഹാസ ങ്ങളുടെ പൈതൃകം, സംസ്കാരം, സംഭാവനകൾ എന്നിവ വ്യക്തമാക്കുന്ന ‘ഗൾഫ് കർണാടകോത്സവം’ 2023 സെപ്റ്റംബർ 10 ന് ദുബായ് ഗ്രാൻഡ് ഹയാത്തിൽ വെച്ച് നടക്കും.
കർണാടക ഉപ മുഖ്യമന്ത്രി ഡി. കെ. ശിവ കുമാർ, നിയമ സഭാ സ്പീക്കർ യു. ടി. ഖാദർ എന്നിവർ ചടങ്ങിൽ മുഖ്യാതിഥികളായി പങ്കെടുക്കും. കർണാടകയുടെ പൈതൃകത്തിൽ ശ്രദ്ധേയമായ സംഭാവനകൾ നൽകിയ വിശിഷ്ട വ്യക്തികളെ ‘ഗൾഫ് കർണാടക രത്ന അവാർഡ് 2023’ നൽകി ആദരിക്കും.
യു. എ. ഇ. യിൽ ആദ്യമായി ആതിഥേയത്വം വഹിക്കുന്ന ഈ സംഗമം ലോകമെമ്പാടുമുള്ള പ്രമുഖരെയും കലാ കാരന്മാരെയും ഒരുമിച്ച് കൊണ്ടു വരുന്ന ആഘോഷ സായാഹ്നമാകും.
കർണാടകയുടെ സമ്പന്നമായ സാംസ്കാരിക മേള യെക്കുറിച്ച് അവബോധം നൽകുന്ന ‘ഗൾഫ് കർണാടകോത്സവം’ പ്രോഗ്രാമിൽ ആയിരത്തിൽ അധികം അതിഥികൾ പങ്കെടുക്കും. പ്രമുഖ കലാകാരൻമാർ കലാ സാംസ്കാരിക സംഗീത പരിപാടികൾ അവതരിപ്പിക്കും.
കർണാടക ജനതയുടെ സംസ്കാരം, പൈതൃകം, സംഭാവനകൾ എന്നിവ ആഗോള തലത്തിൽ ആഘോഷിക്കുന്ന വാർഷിക ഉത്സവമാണ് ‘ഗൾഫ് കർണാടകോത്സവം’ എന്നു സംഘാടകര് അറിയിച്ചു.
- pma
വായിക്കുക: ആഘോഷം, ഇന്ത്യന് കോണ്സുലേറ്റ്, ദുബായ്, പൂര്വ വിദ്യാര്ത്ഥി, പ്രവാസി, യു.എ.ഇ., സംഘടന, സാംസ്കാരികം
അബുദാബി : എല്. എല്. എച്ച്. ആശുപത്രിയുടെ സഹകരണത്തോടെ തൃപ്രങ്ങോട് പഞ്ചായത്ത് കെ. എം. സി. സി. കമ്മിറ്റി സൗജന്യ മെഡിക്കൽ ക്യാമ്പ് സംഘടിപ്പിച്ചു. വിവിധ വിഭാഗങ്ങളിലെ ഡോക്ടർമാർ പങ്കെടുത്ത ക്യാമ്പില് നൂറില് അധികം കെ. എം. സി. സി. പ്രവര്ത്തകര് സംബന്ധിച്ചു.
ക്യാമ്പിന്റെ ഉല്ഘാടന യോഗത്തില് ആരിഫ് ആലത്തിയൂർ അദ്ധ്യക്ഷത വഹിച്ചു. അസീസ് കാളിയാടൻ ഉദ്ഘാടനം ചെയ്തു. ഡോക്ടര്. കൃഷ്ണ പ്രസാദ് ബോധ വല്ക്കരണ ക്ലാസ് നടത്തി.
കെ. എം. സി. സി. അംഗങ്ങള്ക്കുള്ള ‘ജീവൻ രക്ഷ’ പ്രിവിലേജ് കാർഡ് വിതരണം എല്. എല്. എച്ച്. ആശുപത്രി റിലേഷൻ ഷിപ്പ് ഓഫീസർ സലീം നാട്ടിക തവനൂർ മണ്ഡലം പ്രസിഡണ്ട് ടി. കെ. നാസറിന് കൈമാറി. റഷീദ് പട്ടാമ്പി, അഷ്റഫ് അലി, നൗഷാദ് തൃപ്രങ്ങോട്, ഷാഹിദ് ചെമ്മുക്കൻ, സിറാജ് ആതവനാട്, നൗഫൽ ചമ്രവട്ടം എന്നിവർ സംസാരിച്ചു.
നൗഫൽ ആലുങ്ങൾ, കാദർ ചമ്രവട്ടം, ഷമീർ പെരുന്തല്ലൂർ, മുഹമ്മദ്കുട്ടി എന്നിവർ ക്യാമ്പിന് നേതൃത്വം നൽകി. താജുദ്ധീൻ ചമ്രവട്ടം സ്വാഗതവും ട്രഷറർ അയ്യൂബ് കൈനിക്കര നന്ദിയും പറഞ്ഞു.
- pma
വായിക്കുക: ആരോഗ്യം, കെ.എം.സി.സി., ജീവകാരുണ്യം, പ്രവാസി, സാമൂഹ്യ സേവനം
ചടുല സംഗീതത്തിൽ നൃത്തത്തിന് പ്രാധാന്യം നൽകി ഒരുക്കിയ ‘റിച്ച് മാൻ’ എന്ന സംഗീത ദൃശ്യാവിഷ്കാരം റിലീസ് ചെയ്തു. യു. എ. ഇ. യിൽ ചിത്രീകരിച്ച ഈ ആൽബത്തിൽ ടിക് ടോക് താരം ഫുക്രൂ പ്രധാന വേഷത്തിൽ എത്തുന്നു.
ഗള്ഫില് ജോലി തേടി എത്തിയ ഒരു ശരാശരി മലയാളി ചെറുപ്പക്കാരന്റെ ജീവിതം ചിത്രീകരിക്കുന്ന ഈ ഗാന ശില്പ ത്തിന്റെ രചന നിർവ്വഹിച്ച് സംവിധാനം ചെയ്തത് ഷഫീഖ് നാറാണത്ത്.
സംഗീതവും ആലാപനവും റാഷിദ് ഈസ.
റിച്ച് മാന് മ്യൂസിക് ആല്ബം പോസ്റ്റര്
സ്ക്രിപ്റ്റ്: ഫാബിത്ത് രാമപുരം. നൃത്തത്തിനും ഏറെ പ്രാധാന്യം നല്കി ഒരുക്കിയ ആല്ബത്തിന്റെ കൊറിയോഗ്രഫി രാഹുൽ രാമചന്ദ്രൻ.
ക്യാമറ : അനസ് ഹംസ. എഡിറ്റിങ് : അമീൻ പാലക്കൽ. റെക്കോർഡിംഗ് : ആൻസർ വെഞ്ഞാറമൂട്, മ്യൂസിക് പ്രോഗ്രാമിംഗ് : അനു അംബി. കോഡിനേഷൻ : ബാബു ഗുജറാത്ത്, പി. എം. എ. റഹിമാൻ. ജുനൈദ് മച്ചിങ്ങൽ, പോസ്റ്റര് ഡിസൈന് : ഷമീര്.
എസ്. ബി. ആർ. പ്രൊഡക്ഷൻ ബാനറില് നിര്മ്മിച്ച് സർബത്ത് മീഡിയ യൂട്യൂബ് ചാനലിൽ റിലീസ് ചെയ്ത ‘റിച്ച് മാൻ’ എല്ലാ തരം പ്രേക്ഷകർക്കും ഇഷ്ടപ്പെടും വിധമാണ് ഒരുക്കിയിരിക്കുന്നത്.
ഫുക്രുവിനോടൊപ്പം ഹനീഫ് കുമരനെല്ലൂർ, സമീർ കല്ലറ, തള്ളല്ല കേട്ടോളിൻ അബ്ദു റഹിമാൻ, ബെൻസർ, സുധീർ, വിഷ്ണു നാട്ടായിക്കല്, ശ്രീലക്ഷ്മി, പി. എം. അബ്ദുൽ റഹിമാൻ, റസാഖ് വളാഞ്ചേരി തുടങ്ങി നിരവധി കലാകാരന്മാര് ഭാഗമാവുന്നു.
സര്ബത്ത് മീഡിയയുടെ യാ സലാം ഇമാറാത്ത്, പ്രണയം പൂക്കും താഴ്വാരം എന്നീ സാംഗീത ശില്പങ്ങള്ക്കു ശേഷം ഒരുക്കിയ റിച്ച് മാന് എല്ലാതരം സംഗീത പ്രേമികള്ക്കും ഇഷ്ടപ്പെടും വിധമാണ് റാഷിദ് ഈസ, ഷഫീഖ് നാറാണത്ത് ടീം ഒരുക്കിയിരിക്കുന്നത്.
- pma
വായിക്കുക: social-media, നൃത്തം, പൂര്വ വിദ്യാര്ത്ഥി, പ്രവാസി, മാധ്യമങ്ങള്, യു.എ.ഇ., സംഗീതം
അബുദാബി : അഡ്നോക് ഉടമസ്ഥതയിലുള്ള അല് ദഫ്ര മേഖലയിലെ ഏറ്റവും വലിയ ആശുപത്രിയുടെ പ്രവര്ത്തന ത്തിനും നടത്തിപ്പിനും ഉളള ചുമതല മിഡില് ഈസ്റ്റിലെ ഏറ്റവും വലിയ ആരോഗ്യ സേവന ദാതാക്കളില് ഒന്നായ ബുര്ജീല് ഹോള്ഡിംഗ്സ് കരസ്ഥമാക്കി. ആരോഗ്യ സ്ഥാപനങ്ങളുടെ ഓപ്പറേഷന് & മാനേജ്മെന്റ് രംഗത്തെ മികവിനുള്ള അംഗീകാരം ആയിട്ടാണ് പടിഞ്ഞാറന് മേഖലയിലെ സുപ്രധാന ആശു പത്രി യുടെ പൂര്ണ്ണ ചുമതല ബുര്ജീല് ഗ്രൂപ്പിന് കൈ വരുന്നത്.
അഡ്നോക് ജീവനക്കാർക്കും കുടുംബങ്ങൾക്കും അൽ ദഫ്ര മേഖലയിലെ ജനങ്ങൾക്കും മികച്ച ആരോഗ്യ സേവനങ്ങൾ പ്രദാനം ചെയ്യുക എന്ന ലക്ഷ്യത്തോടെ യാണ് ആശുപത്രിയുടെ ചുമതല ബുർജീൽ ഹോൾഡിംഗ്സിനു നൽകിയത്.
ഡോ. ഷംഷീർ വയലിൽ ചെയർമാനായ ബുർജീൽ ഹോള്ഡിംഗ്സ് വിവിധ രാജ്യങ്ങളിൽ പ്രവർത്തന വിപുലീകരണ പദ്ധതികളുമായി മുന്നോട്ടു പോകുന്നതിനിടെയാണ് അഡ്നോക് നിർണ്ണായക ചുമതല ബുര്ജീല് ഗ്രൂപ്പിനെ ഏൽപ്പിക്കുന്നത്. സംയോജിത ക്ലിനിക്കൽ പ്രവർത്തനങ്ങൾ, ഏകോപിത നടപടികൾ, രോഗീ കേന്ദ്രീ കൃതമായ പരിചരണം എന്നിവയിലൂടെ ആഗോള നിലവാരത്തില് ഉള്ള സേവനങ്ങൾ മേഖല യിൽ ലഭ്യമാക്കുവാൻ ഈ നിയമനം ഗ്രൂപ്പിനെ പ്രാപ്തമാക്കും.
We are proud to expand our partnership with @ADNOCGroup to operate and manage its Al Dannah Hospital, one of the largest multi-specialty hospitals in the Al Dhafra region. This collaboration will enable us to bring state-of-the-art healthcare services to ADNOC employees, their… pic.twitter.com/8hhonHw7Sz
— Burjeel Holdings (@BurjeelHoldings) July 24, 2023
ആരോഗ്യ സേവന രംഗത്തെ അനുഭവ സമ്പത്ത് മുതൽക്കൂട്ടാക്കി ക്കൊണ്ട് അൽ ദന്ന ആശു പത്രി യിൽ കൂടുതല് മികച്ച സേവന ങ്ങൾ ലഭ്യമാക്കും എന്ന് ബുർജീൽ ഹോൾഡിംഗ്സ് സി. ഇ. ഒ. ജോൺ സുനിൽ അറിയിച്ചു.
വിദഗ്ദ്ധരും പരിചയ സമ്പന്നരുമായ മെഡിക്കൽ സംഘത്തെ ആശുപത്രിയുടെ കാര്യക്ഷമത ഉറപ്പാക്കുവാനായി വിന്യസിക്കും. മികച്ച രോഗീ പരിചരണം നൽകുന്നതിനുള്ള വിപുലമായ സാങ്കേതിക സംവിധാനങ്ങൾ ഗ്രൂപ്പിനുണ്ട്. ട്രോമ, സ്ത്രീകളുടെ പരിചരണം, പീഡിയാട്രിക്സ്, ഓർത്തോ പീഡിക്സ്, നട്ടെല്ല്, ന്യൂറോ കെയർ, അവയവം മാറ്റി വെക്കൽ എന്നിവ ഉൾപ്പെടെ സങ്കീർണ്ണ ചികിത്സ പ്രദാനം ചെയ്യുന്നതിലെ വൈദഗ്ദ്യമാണ് ബുർജീൽ ഹോൾഡിംഗ്സിന്റെ മറ്റൊരു സവിശേഷത.
ഒക്യുപേഷണൽ മെഡിസിൻ, ഓർത്തോ പീഡിക്സ്, പീഡിയാട്രിക്സ്, അത്യാഹിത വിഭാഗം എന്നിവ യടക്കമുള്ള മൾട്ടി-സ്പെഷ്യാലിറ്റി സേവനങ്ങളാണ് ജോയിന്റ് കമ്മീഷൻ ഇന്റർ നാഷണലിന്റെ (ജെ. സി.ഐ.) അംഗീകാരം ഉള്ള അൽ ദന്ന ഹോസ്പിറ്റൽ പ്രദാനം ചെയ്യുന്നത്.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
