 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പൊതുജനങ്ങളുടെ സുരക്ഷക്കു വേണ്ടി സ്ഥാപിച്ചിട്ടുള്ള സൈൻ ബോർഡുകൾ, നിരീക്ഷണ ക്യാമറകള്‍, മറ്റ് ഉപകരണങ്ങളും മനഃപ്പൂർവ്വം നശിപ്പിക്കുക, തല്‍സ്ഥാനത്തു നിന്നും നീക്കം ചെയ്യുക എന്നിവ കടുത്ത ശിക്ഷ അര്‍ഹിക്കുന്ന ഗുരുതര കുറ്റ കൃത്യങ്ങള്‍ എന്ന് പബ്ലിക് പ്രോസിക്യൂഷൻ സോഷ്യല്‍ മീഡിയ പേജു കളിലൂടെ ഓര്‍മ്മിപ്പിച്ചു. ഒരു വർഷത്തിൽ കുറയാത്ത തടവു ശിക്ഷ യും 50,000 ദിർഹത്തിൽ കുറയാത്ത പിഴയും ഈ കുറ്റ കൃത്യത്തിനു ശിക്ഷ ചുമത്തും എന്നും പബ്ലിക് പ്രോസിക്യൂഷൻ അറിയിച്ചു.
* Public Prosecution Twitter
- pma
വായിക്കുക: public-prosecution, social-media, നിയമം, യു.എ.ഇ.
ദുബായ് : ഇന്ത്യന്‍ പ്രവാസികളുടെ പാസ്സ് പോര്‍ട്ടു കളുടെ കാലാവധി തീരുന്നതിനു ഒരു വര്‍ഷം മുമ്പ് തന്നെ പുതുക്കാം. അവസാന തിയ്യതി വരെ പുതുക്കുവാനായി കാത്തിരി ക്കരുത് എന്ന് ദുബായിലെ ഇന്ത്യൻ കോൺ സുലേറ്റ് ഓര്‍മ്മിപ്പിച്ചു.
പാസ്സ് പോര്‍ട്ടു പുതുക്കുന്നതിന് കാലാവധി തീരുന്നത് വരെ പലരും കാത്തിരിക്കുകയാണ്. അവസാന സമയ ത്തെ തിരക്ക് ഒഴിവാക്കാൻ മുൻകൂട്ടി പ്ലാൻ ചെയ്ത് പുതുക്കുന്നത് ഏറ്റവും ഗുണകരം എന്നും പാസ്സ് പോര്‍ട്ട് വിഭാഗം കോൺസുൽ രാം കുമാർ തങ്കരാജ് പറഞ്ഞു.
പാസ്സ് പോര്‍ട്ട് പുതുക്കുന്നതിനുള്ള പോലീസ് വെരിഫി ക്കേഷൻ പ്രക്രിയ, 2020 സെപ്റ്റംബര്‍ മുതൽ യു. എ. ഇ. ഇന്ത്യൻ കോൺസുലേറ്റ് പുന: സ്ഥാപിച്ചിരുന്നു. എന്നാല്‍ പോലീസ് വെരി ഫിക്കേഷൻ വേണ്ടാത്ത വർക്ക് അപേക്ഷ നൽകി രണ്ട് ദിവസം കൊണ്ട് പാസ്സ്പോര്‍ട്ട് പുതുക്കി കിട്ടും എന്നും അദ്ദേഹം വ്യക്തമാക്കി.
- pma
വായിക്കുക: ഇന്ത്യന്‍ കോണ്സുലേറ്റ്, ദുബായ്, നിയമം, പ്രവാസി
അബുദാബി : യു. എ. ഇ. യിൽ അഞ്ഞൂറില്‍ ഏറെ ഡോക്ടർമാർക്ക് ഗോൾഡൻ വിസ നല്‍കി. ആരോഗ്യ മേഖലക്ക് സർക്കാർ നൽകുന്ന പ്രാധാന്യത്തെയും ആരോഗ്യ മേഖല യിൽ കഴിവു തെളിയിച്ചവരെ രാജ്യത്ത് നില നിർത്തേണ്ട ആവശ്യകതയും പരിഗണിച്ചു കൊണ്ടാണ് ഇത്രയധികം പേർക്ക് ഗോൾഡന്‍ വിസ നല്‍കിയത്.
വിജയകരമായ അപേക്ഷകർക്ക് 10 വർഷം വരെ വിസ നൽകുന്നു, ഗോൾഡൻ ഉടമകൾക്ക് ഒരു സ്പോൺസറുടെ ആവശ്യം ഇല്ലാതെ എമിറേറ്റിൽ ജീവിക്കാനും ജോലി ചെയ്യു വാനും പഠിക്കുവാനും കഴിയും.
ആരോഗ്യ പരിപാലനം ഉൾപ്പെടെ എമിറേറ്റിന്റെ പ്രധാന മേഖലകളിൽ ജോലി ചെയ്യുന്നവര്‍ക്കും പഠിക്കുന്നവര്‍ക്കും മറ്റു വിവിധ മേഖലകളില്‍ മികവ് പുലർത്തുന്നവര്‍ക്കും എല്ലാ അപേക്ഷകർക്കും വിശാലമായ വിസ ഓപ്ഷനുകൾ ലഭ്യമാണ് എന്നും അധികൃതര്‍ പറഞ്ഞു. ആഗോള പ്രതിഭകൾക്കും നിക്ഷേപകർക്കും യു. എ. ഇ. യുടെ ഗോൾഡൻ വിസ അബുദാബിയിൽ ലഭ്യമാണ്.
ഡോക്ടർമാർക്കും അവരുടെ കുടുംബങ്ങൾക്കും 10 വർഷത്തെ ദീർഘകാല റസിഡൻസി പ്രയോജനപ്പെടു ത്തുന്നതിന് രാജ്യത്ത് താമസിക്കുന്ന ഡോക്ടർമാരോട് ഗോൾഡൻ വിസക്കു വേണ്ടി അപേക്ഷിക്കുവാൻ യു. എ. ഇ. സർക്കാർ ആവശ്യപ്പെട്ടു.
ഗോൾഡൻ വിസയിലൂടെ ഈ മേഖല യിലെ മികച്ച പ്രതിഭകളെ ആകർഷിക്കുവാനും രാജ്യത്തും ലോകത്തും ഉയർന്ന നിലവാരമുള്ള ആരോഗ്യ പരിരക്ഷാ സേവന ങ്ങൾ തുടർച്ചയായി എത്തിക്കുവാനും സാധിക്കും.
- pma
വായിക്കുക: expat, golden-visa, nri, visa-rules, ആരോഗ്യം, നിയമം, പ്രവാസി, ബഹുമതി, യു.എ.ഇ.
അബുദാബി : ഫെഡറൽ അഥോറിറ്റി ഫോർ ഐഡന്‍റിറ്റി & സിറ്റിസൺഷിപ്പ് പുനഃ സംഘടിപ്പിച്ചു കൊണ്ട് യു. എ. ഇ. പ്രസിഡണ്ട് ശൈഖ് ഖലീഫ ബിന്‍ സായിദ് അല്‍ നഹ്യാന്‍ ഉത്തരവ് ഇറക്കി. ഇതോടെ രാജ്യത്തെ അതിപ്രധാനമായ വിവിധ വകുപ്പുകള്‍ ഇനി ഒരു അഥോറിറ്റിക്കു കീഴില്‍ പ്രവര്‍ത്തിക്കും.
ദി ഫെഡറൽ കസ്റ്റംസ് അഥോറിറ്റി, ജനറൽ അഥോറിറ്റി ഓഫ് പോർട്ട്സ്, ബോർഡേഴ്‌സ് ആൻഡ് ഫ്രീ സോൺസ് സെക്യൂരിറ്റി എന്നിവയാണ് ലയിപ്പിച്ചിരിക്കുന്നത്.
President approves Decree establishing Federal Authority for Identity, Citizenship, Customs and Ports Security#WamNews https://t.co/kZbhcRlQuA
— WAM English (@WAMNEWS_ENG) October 6, 2021
യു. എ. ഇ. യിലെ പൗരത്വം, താമസ വിസ തുടങ്ങിയ കാര്യങ്ങളില്‍ തീരുമാനം എടുത്തു നടപ്പാക്കുന്ന അഥോറി റ്റിയാണ് ഫെഡറൽ അഥോറിറ്റി ഫോർ ഐഡന്‍റിറ്റി & സിറ്റിസൺഷിപ്പ്.
ഇതിലൂടെ കസ്റ്റംസ്, തുറമുഖ സുരക്ഷിതത്വ വകുപ്പുകള്‍ കൂടി ഒന്നിച്ചു ചേർത്തു കൊണ്ടാണ് ഇപ്പോള്‍ പുനഃ സംഘടിപ്പിച്ചത്.
യു. എ. ഇ. യിലെ പൗരത്വം, പാസ്സ് പോര്‍ട്ട്, താമസ രേഖ, തുറമുഖ വികസനം, രാജ്യത്തേക്കുള്ള പ്രവേശനം, അതിർത്തികൾ, ഫ്രീ സോൺ സുരക്ഷിതത്വം, ഫ്രീ സോൺ ലൈസൻസ്, നികുതി നിരക്കുകളുടെ ഏകീകരണം തുടങ്ങിയ ചുമതലകളും ഈ അഥോറിറ്റിക്ക് തന്നെ ആയിരിക്കും. നയ രൂപീകരണം തയ്യാറാക്കി നിയമങ്ങള്‍ നടപ്പാക്കുന്നതും ഈ പുതിയ അഥോറിറ്റിയുടെ കീഴില്‍ ആയിരിക്കും.
* W A M NEWS
- pma
ദുബായ് : യു. എ. ഇ. മന്ത്രിസഭ നവീകരിച്ചു. ശൈഖ് മഖ്തൂം ബിൻ മുഹമ്മദ് ബിൻ റാഷിദ് അൽ മഖ്തൂമിനെ ഉപ പ്രധാനമന്ത്രിയും ധനമന്ത്രിയുമായി നിയമിച്ചു. യു. എ. ഇ. വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധികാരി യുമായ ശൈഖ് മുഹമ്മദ് ബിൻ റാഷിദ് അൽ മഖ്തൂം അറിയിച്ചതാണ് ഇക്കാര്യം.
#MohammedbinRashid: We announce a new #UAE Cabinet formation. Sheikh Maktoum bin Mohammed bin Rashid Al Maktoum has been appointed Deputy Prime Minister and Minister of Finance.#WamNews pic.twitter.com/5axSKoZ0Yu
— WAM English (@WAMNEWS_ENG) September 25, 2021
ഫെഡറൽ സുപ്രീം കൗൺസിൽ കാര്യവകുപ്പ് മന്ത്രി യായി അബ്ദുല്ല ബിൻ മുഹൈർ അൽ കെത്ബി, ധനകാര്യ വകുപ്പ് സഹ മന്ത്രിയായി മുഹമ്മദ് ബിൻ ഹാദി അൽ ഹുസൈനി, മനുഷ്യ വിഭവ – സ്വദേശി വത്കരണ വകുപ്പു മന്ത്രിയായി ഡോ. അബ്ദുൽ റഹ്മാൻ അല്‍ അവാര്‍, നീതി ന്യായ വകുപ്പ് മന്ത്രിയായി അബ്ദുല്ലാ ബിൻ സുൽത്താൻ ബിൻ അവാദ് അൽ നുഐമി, കാലാവസ്ഥാ വ്യതിയാന- പരിസ്ഥിതി വകുപ്പു മന്ത്രി യായി മർയം അൽ മുഹൈരി തുടങ്ങിയവരെ നിയമിച്ചു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
