ലേ : കനത്ത മഴയും ഉരുള് പൊട്ടലും കാരണം രക്ഷാ പ്രവര്ത്തനങ്ങള് കുറച്ചു നേരത്തേയ്ക്ക് നിര്ത്തി വെക്കേണ്ടി വന്ന ലേ യില് മരണ സംഖ്യ 130 ആയി. 500 ലധികം പേരെ കാണാതായിട്ടുണ്ട്. ആയിര കണക്കിന് സൈനികര് രക്ഷാ പ്രവര്ത്തനങ്ങള്ക്കായി രംഗത്തെത്തിയിട്ടുണ്ട്. ബുള് ഡോസറുകളും മറ്റു മണ്ണു മാന്തി യന്ത്രങ്ങളും ഉപയോഗിച്ച് ഊര്ജ്ജിതമായി രക്ഷാ പ്രവര്ത്തനങ്ങള് മുന്നേറുന്നുണ്ട്. ലേ യിലെ ഷോഗ്ലാംസാര് പട്ടണത്തിലാണ് വെള്ളപ്പൊക്കം ഏറ്റവും അധികം ദുരിതം വിതച്ചത്. ഉറങ്ങി കിടക്കുകയായിരുന്ന അനേകം പേര് ഇവിടെ ഭൂമിക്കടിയിലായി മരിച്ചതായി സംശയിക്കപ്പെടുന്നുണ്ട്.
ന്യൂഡല്ഹി : കോമണ്വെല്ത്ത് ഗെയിംസുമായി ബന്ധപ്പെട്ടു ഉയര്ന്നു വന്ന അഴിമതി ആരോപണങ്ങളുടെ പേരില് ഗെയിംസിന്റെ സംഘാടക സമിതി ചെയര്മാന് സുരേഷ് കല്മാഡിക്കെതിരെ സര്ക്കാര് നടപടി എടുക്കാന് നിര്ബന്ധിതമാകും എന്ന് സൂചന. എന്നാല് ഗെയിംസുമായി ബന്ധപ്പെട്ടു അഴിമതി ആരോപണം പരസ്യമായാല് ഉണ്ടാവുന്ന നാണക്കേട് ഒഴിവാക്കാന് ഗെയിംസ് തീരും വരെ കോണ്ഗ്രസ് നേതൃത്വം കാത്തിരിക്കാനാണ് സാധ്യത.
