അണ്ണാ ഹസാരേയ്ക്ക് പിന്തുണയുമായി യു.എ.ഇ. യിലെ ഇന്ത്യാക്കാര്‍

April 9th, 2011

anna-hazare-solidarity-dubai-epathram

ദുബായ്‌ : മാതൃരാജ്യത്തെ അഴിമതിയുടെ കഥകള്‍ വാര്‍ത്തകളിലൂടെ കേട്ട് മനം മടുത്ത പ്രവാസി ഇന്ത്യാക്കാര്‍  അഴിമതിയ്ക്കെതിരെ കര്‍ശന നിയമ നിര്‍മ്മാണം ആവശ്യപ്പെട്ട് മരണം വരെ നിരാഹാര സമരം നടത്തുന്ന സാമൂഹ്യ പ്രവര്‍ത്തകനും ഗാന്ധിയനുമായ അണ്ണാ ഹസാരേയ്ക്ക് ഇന്നലെ ദുബായില്‍ മെഴുകു തിരികള്‍ തെളിയിച്ചു ഐക്യദാര്‍ഡ്യം പ്രഖ്യാപിച്ചു.

ഇതിനു മുന്‍പ്‌ ഒരിക്കലും യു.എ.ഇ. കണ്ടിട്ടില്ലാത്ത വിധം രാജ്യസ്നേഹ ത്തിന്റെയും  കൂട്ടായ്മയുടെയും രംഗങ്ങള്‍ക്കാണ് ഇന്നലെ വൈകീട്ട് 6 മണി മുതല്‍ 8 മണി വരെ ജുമൈറ കടല്‍ തീരം സാക്ഷിയായത്.

ഫേസ്ബുക്ക് വഴിയും ട്വിറ്റര്‍ വഴിയും ബ്ലാക്ക്‌ബെറി മെസഞ്ചര്‍ വഴിയും പെട്ടെന്ന് പടര്‍ന്ന ആശയമാണ് മെഴുകുതിരി കത്തിച്ച് ഹസാരേയ്ക്ക് പിന്തുണ പ്രഖ്യാപിക്കാം എന്നത്. യു. എ. ഇ. യിലെ ഇന്ത്യന്‍ സമൂഹത്തിന്റെ ഒരു സമ്പൂര്‍ണ്ണ പരിച്ഛേദം തന്നെ വൈകീട്ട് 6 മണിയോടെ ജുമൈറ യില്‍ എത്തിച്ചേര്‍ന്നു. വിവിധ ഭാഷക്കാര്‍ ഒറ്റ മനസോടെ ഒറ്റ ലക്ഷ്യത്തോടെ രാജ്യ സ്നേഹം എന്ന ഒറ്റ ആദര്‍ശത്തോടെ ഒത്തു ചേര്‍ന്നത് അഭൂതപൂര്‍വ്വമായ ഒരു അനുഭവമായിരുന്നു.

കടല്‍ തീരത്ത് വൃത്താകൃതിയില്‍ മണലില്‍ ഇരുന്ന്, ഇന്ത്യാക്കാര്‍ക്ക്‌ മുഴുവനും വേണ്ടി ഉപവാസം അനുഷ്ഠിക്കുന്ന അണ്ണാ ഹസാരെയുടെ ആരോഗ്യത്തിനായി ഒരു നിമിഷം മൌനം ആചരിച്ചു കൊണ്ടാണ് കൂട്ടായ്മ ആരംഭിച്ചത്‌.

തുടര്‍ന്ന് എല്ലാവരും മെഴുകുതിരികള്‍ കൊളുത്തി മൌനമായി നിന്നു. മുന്‍പൊന്നും ഇത്തരമൊരു കൂട്ടായ്മ കണ്ടിട്ടില്ലാത്ത കൌതുകത്തില്‍ നിയമപാലകര്‍ അടക്കം ഒട്ടേറെ കാണികള്‍ കാഴ്ച കാണാന്‍ എത്തി. നിയമ പാലകരുടെ സാന്നിദ്ധ്യം തുടക്കത്തില്‍ ആശങ്കയ്ക്ക് കാരണം ആയെങ്കിലും സമാധാന പരമായി ഇത്തരമൊരു കാര്യത്തിനായി നടത്തുന്ന കൂട്ടായ്മയ്ക്ക് തങ്ങള്‍ എതിരല്ല എന്ന് നിയമപാലകര്‍ അറിയിച്ചത്‌ ഏറെ സ്വാഗതാര്‍ഹമായി.

indian-girl-patriotic-tatoo-epathram

അശോക ചക്രം പച്ച കുത്തിയ ഒരു പെണ്‍കുട്ടി

ലോകത്തെ ഏറ്റവും സുരക്ഷിതമായ രാജ്യമായി അറിയപ്പെടുന്ന യു.എ.ഇ. യിലെ നിയമ വ്യവസ്ഥയോടും ഭരണ നേതൃത്വത്തോടും നന്ദി പ്രകാശിപ്പിച്ച കൂട്ടായ്മ അഴിമതി ഇല്ലാതെ കാര്യങ്ങള്‍ സുഗമമായി മുന്നോട്ട് പോവുന്ന ഈ രാജ്യത്തെ വ്യവസ്ഥയില്‍ നിന്നും എത്ര വ്യത്യസ്തവും പിന്നോക്കവുമാണ് തങ്ങളുടെ മാതൃ രാജ്യത്തെ സ്ഥിതിഗതികള്‍ എന്ന് പങ്കെടുത്തവര്‍ ചര്‍ച്ച ചെയ്തു. പാസ്പോര്‍ട്ട് വെരിഫിക്കേഷന്‍ മുതല്‍ സര്‍വകലാശാലയില്‍ നിന്നും മാര്‍ക്ക്‌ലിസ്റ്റ്‌ ലഭിക്കാന്‍ വരെ കൈക്കൂലി കൊടുക്കേണ്ടി വന്ന അനുഭവങ്ങള്‍ ഓരോരുത്തരായി വിശദീകരിച്ചു. ഇന്ത്യയുടെ പ്രതിനിധിയായി വര്‍ത്തിക്കുന്ന നയതന്ത്ര കാര്യാലയങ്ങളിലും, ഇന്ത്യന്‍ സമൂഹത്തിന്റെ ക്ഷേമത്തിനായി ഇന്ത്യന്‍ സംഘടനകളുടെ ആഭിമുഖ്യത്തില്‍ ഇന്ത്യന്‍ കൊണ്സുലേറ്റിന്റെ നേതൃത്വത്തിലുള്ള ഐ. സി. ഡബ്ല്യു.സി. (ICWC – Indian Comminity Welfare Committee) പോലുള്ള സംഘടനകളില്‍ പോലും നിലനില്‍ക്കുന്ന അവസ്ഥയെ പറ്റിയും തങ്ങളുടെ അനുഭവങ്ങള്‍ അനുഭവസ്ഥര്‍ പങ്കു വെച്ചു. പലപ്പോഴും ഉപരി വര്‍ഗ്ഗത്തിന് മാത്രമാണ് ഇത്തരം സേവനങ്ങള്‍ ലഭ്യമാകുന്നത് എന്ന് കൂട്ടായ്മ നിരീക്ഷിച്ചു. അഴിമതിക്കാര്‍ക്ക്‌ കര്‍ശനമായ ശിക്ഷാ വ്യവസ്ഥകള്‍ ബാധകമാക്കുന്ന ജന ലോക്പാല്‍ ബില്‍ പ്രാബല്യത്തില്‍ വരുന്നതോടെ ഈ അവസ്ഥയ്ക്ക് മാറ്റമുണ്ടാവും എന്ന് പ്രവാസി കൂട്ടായ്മ പ്രത്യാശ പ്രകടിപ്പിച്ചു.

രാജ്യത്തെ ഗ്രസിച്ചിരിക്കുന്ന അഴിമതി എന്ന അര്‍ബുദത്തെ സമാധാനപരമായ മാര്‍ഗ്ഗങ്ങളിലൂടെ പ്രതിരോധിക്കാന്‍ കഴിയും എന്ന പ്രതീക്ഷയാണ് അണ്ണാ ഹസാരെ നടത്തുന്ന സമരം ഇന്ത്യാക്കാര്‍ക്ക്‌ മുന്‍പില്‍ വെയ്ക്കുന്നത് എന്ന് ത്രിവര്‍ണ്ണ പതാകയെ അനുസ്മരിപ്പിക്കുന്ന വേഷവിധാനത്തില്‍ എത്തിച്ചേര്‍ന്ന സ്വാതി രണ്‍ ദേവ് വര്‍മ്മ e പത്രത്തോട് പറഞ്ഞു.

anna-hazare-solidarity-dubai-epathram
കൂടുതല്‍ ചിത്രങ്ങള്‍ക്ക് മുകളില്‍ ക്ലിക്ക് ചെയ്യുക

പതിനേഴ് വര്‍ഷമായി ദുബായില്‍ താമസിക്കുന്ന താന്‍ ഇത്തരമൊരു ആവേശ ജനകമായ കൂട്ടായ്മ ആദ്യമായാണ്‌ കാണുന്നത് എന്ന് കാനഡ സ്വദേശി ജോണ്‍ മാക്‌ നിക്കോളായ് e പത്രത്തോട്‌ പറഞ്ഞു. ഇന്ത്യാക്കാരിയായ  ജോണിന്റെ പത്നി മോണ തലേന്ന് രാവിലെ തന്നെ അണ്ണാ ഹസാരേയ്ക്ക് പിന്തുണ നല്‍കാന്‍ ജന്തര്‍ മന്തറിലേക്ക് പോയിരുന്നു. മോണയുടെ പ്രതിനിധിയായാണ് ജോണും മകനും ഇന്നലെ കൂട്ടായ്മയില്‍ പങ്കെടുക്കാന്‍ എത്തിയത്. മോണയാണ് ഫേസ്ബുക്കില്‍ India Against Corruption – Dubai Solidarity Forum എന്ന പേജ് ആരംഭിച്ചത്‌.

- ജെ.എസ്.

വായിക്കുക: , ,

അഭിപ്രായം എഴുതുക »

അഴിമതിയ്ക്കെതിരെ ജനകീയ പ്രക്ഷോഭം ഉയരണം : ദല

February 17th, 2011

corruption-in-india-epathram
ദുബായ്‌ : ലോക ജനതയ്ക്ക്‌ മുന്‍പാകെ ഇന്ത്യയ്ക്ക്‌ അപമാനമായി രാജ്യത്ത് ഉയര്‍ന്നു വരുന്ന അഴിമതിയുടെ വാര്‍ത്തകളില്‍ ദുബായ്‌ ആര്‍ട്ട് ലവേഴ്സ് അസോസിയേഷന്‍ (ദല) ആശങ്ക രേഖപ്പെടുത്തി. ഭൂമി കുംഭകോണം, കോമണ്‍ വെല്‍ത്ത്, ആദര്‍ശ്‌ ഫ്ലാറ്റ്‌, 2ജി സ്പെക്ട്രം തുടങ്ങി ന്യായാധിപന്മാര്‍ സ്വാധീനിക്കപ്പെടുന്നതിന്റെയും കുത്തകകളുടെ ഇടനിലക്കാര്‍ മന്ത്രി നിയമനങ്ങളില്‍ വരെ സ്വാധീനം ചെലുത്തുന്നതിന്റെയും വാര്‍ത്തകള്‍ നിയമ നിര്‍മ്മാണ സഭയും, എക്സിക്യൂട്ടിവും, ജുഡീഷ്യറിയും മാത്രമല്ല, രാഷ്ട്രീയ നേതൃത്വവും മാധ്യമ രംഗം പോലും അഴിമതി വിമുക്തമല്ല എന്നാണ് വെളിവാക്കുന്നത് എന്ന് ദല ജനറല്‍ ബോഡി യോഗം പാസാക്കിയ പ്രമേയം ചൂണ്ടിക്കാട്ടി.

നാരായണന്‍ വെളിയംകോടാണ് പ്രമേയം അവതരിപ്പിച്ചത്‌. ജനാധിപത്യത്തിന്റെ നെടുംതൂണുകളെ ബാധിച്ചിരിക്കുന്ന ഈ മഹാ രോഗത്തിനെതിരെ ജനകീയ പ്രക്ഷോഭം ഉയര്‍ന്നു വരണമെന്ന് പ്രമേയം ആവശ്യപ്പെട്ടു.

യോഗത്തില്‍ പ്രസിഡണ്ട് എ. അബ്ദുള്ളകുട്ടി അദ്ധ്യക്ഷത വഹിച്ചു. ജനറല്‍ സെക്രട്ടറി കെ. വി. സജീവന്‍ പ്രവര്‍ത്തന റിപ്പോര്‍ട്ടും, ആക്ടിംഗ് ട്രഷറര്‍ കെ. അബ്ദുല്‍ റഷീദ്‌ വരവ് ചെലവ്‌ കണക്കുകളും അവതരിപ്പിച്ചു. കെ. വി. സുനില്‍ കുമാര്‍ സ്വാഗതം പറഞ്ഞു.

- ജെ.എസ്.

വായിക്കുക: , , , ,

3 അഭിപ്രായങ്ങള്‍ »

മന്‍മോഹന്‍ സിംഗ് യു.എ.ഇ. സന്ദര്‍ശിക്കുന്നു

June 19th, 2010

manmohan-singhഅബുദാബി : യു. എ. ഇ. ഭരണാധികാരി കളുടെ പ്രത്യേക ക്ഷണ പ്രകാരം ഇന്ത്യന്‍ പ്രധാനമന്ത്രി മന്‍മോഹന്‍ സിംഗ് ഈ വര്‍ഷം യു. എ. ഇ. സന്ദര്‍ശിക്കും. ഇരു രാജ്യങ്ങളുടെയും ഓഫീസുകള്‍ നടപടികള്‍ തുടങ്ങിയിട്ടുണ്ട്. 1984 – ല്‍ മുന്‍ പ്രധാന മന്ത്രി ഇന്ദിരാ ഗാന്ധി യാണ് ഏറ്റവും ഒടുവിലായി യു. എ. ഇ. സന്ദര്‍ശിച്ചത്. 26 വര്‍ഷ ങ്ങള്‍ക്കു ശേഷം ഇന്ത്യന്‍ പ്രധാന മന്ത്രിയുടെ യു. എ. ഇ. സന്ദര്‍ശനം ചരിത്ര സംഭവമാകും. മാത്രമല്ല ഇരു രാജ്യങ്ങളും തമ്മിലുള്ള ബന്ധങ്ങളും കൂടുതല്‍ ശക്തമാവും.

ഇരു രാജ്യങ്ങളും തമ്മില്‍ വാണിജ്യ വ്യവസായ രംഗത്ത് ഇടപാടുകള്‍ ഇപ്പോള്‍ നടന്നു വരികയാണ്. യു. എ. ഇ. യിലെ പല കമ്പനികളും ഇന്ത്യയില്‍ വിവിധ വ്യവസായ മേഖലകളില്‍ നിക്ഷേപം നടത്തുന്നുണ്ട്. ടെലി കമ്യൂണിക്കേഷന്‍, റോഡ്, പവര്‍ പ്രോജക്ടുകള്‍ തുടങ്ങിയ മേഖലകള്‍ ഇതില്‍പ്പെടും. അതു പോലെ ഇന്ത്യന്‍ വ്യവസായികള്‍ ഇവിടെയും വലിയ നിക്ഷേപങ്ങള്‍ നടത്തുന്നുണ്ട്. ഇന്ത്യന്‍ പ്രധാനമന്ത്രിയുടെ സന്ദര്‍ശനത്തോടെ വാണിജ്യ വ്യവസായ മേഖലകളില്‍ കൂടുതല്‍ സഹകരണങ്ങള്‍ ഉണ്ടാവും.

- pma

വായിക്കുക: ,

അഭിപ്രായം എഴുതുക »

5 of 5345

« Previous Page « ദുബായില്‍ ഇന്ത്യന്‍ വെല്‍ഫെയര്‍ റിസോഴ്സ് സെന്റര്‍
Next » കുവൈറ്റ് രാജകുമാരന്‍ വെടിയേറ്റു മരിച്ചു »



  • കടുത്ത നിയന്ത്രണ ങ്ങളോടെ സൗദി യിലെ പള്ളികൾ തുറക്കും
  • നാടക ഗാന മത്സരം ‘മധുരിക്കും ഓര്‍മ്മകളെ’
  • കെ. എം. സി. സി. അഭിനന്ദിച്ചു
  • സ്റ്റെം സെല്‍ ചികിത്സ : കൊവിഡ്-19 ന് എതിരെ യു. എ. ഇ. യുടെ മുന്നേറ്റം
  • പ്രവാസികളെ തിരിച്ചു കൊണ്ടു പോകുവാന്‍ ഇന്ത്യന്‍ അധികൃതര്‍ രജിസ്‌ട്രേഷന്‍ ആരംഭിച്ചു
  • വിസകളുടെ കാലാവധി ഡിസംബര്‍ വരെ നീട്ടി
  • തിരിച്ചു പോകുവാന്‍ ആഗ്രഹിക്കുന്ന വരെ കൊണ്ടു പോകാത്ത രാജ്യ ങ്ങൾക്ക് എതിരെ കര്‍ശ്ശന നടപടി
  • ക്വാറന്റൈന്‍ ലംഘനം : യു. എ. ഇ. യില്‍ 129 പേർക്ക് എതിരെ നിയമ നടപടി
  • ഉപയോഗിച്ച മാസ്കും ഗ്ലൗസ്സും റോഡിലേക്ക് ഇട്ടാല്‍ പിഴ
  • റെസിഡന്‍സ് വിസ ക്കാര്‍ക്ക് പ്രവേശന കലാവധി രണ്ടാഴ്ച കൂടി ദീര്‍ഘിപ്പിച്ചു
  • വിസാ കാലാവധി കഴിഞ്ഞാലും മൂന്ന് മാസത്തേക്ക് പിഴ ഇല്ല
  • കൊവിഡ്-19 : സുരക്ഷ ശക്തമാക്കുന്നു – രാത്രിയിൽ പുറത്ത് പോകാൻ പാടില്ല
  • അണു നശീകരണ യജ്ഞം ഏപ്രിൽ അഞ്ചു വരെ
  • കൊറോണ : മുന്‍ കരുതല്‍ നടപടി കള്‍ ലംഘിച്ചാല്‍ വന്‍ തുക പിഴ
  • ഷോപ്പിംഗ് മാളു കള്‍ രണ്ടാഴ്ചത്തേക്ക് അടക്കുന്നു
  • കേരള സോഷ്യല്‍ സെന്റര്‍ പുതിയ നേതൃത്വ ത്തില്‍
  • കൊറോണ : പ്രതിരോധ പ്രവര്‍ത്തന ങ്ങള്‍ ക്കായി വിദ്യാഭ്യാസ സ്ഥാപന ങ്ങള്‍ക്ക് അവധി
  • ഗ്രീൻ വോയ്സ് ‘സ്നേഹപുരം 2020’ പുരസ്കാര ങ്ങൾ വ്യാഴാഴ്ച സമ്മാനിക്കും
  • കോവിഡ് -19 : വ്യാജ വാർത്ത കൾ പ്രചരി പ്പിക്കരുത് : ആരോഗ്യ വകുപ്പ്.
  • ലുലു ടാലന്റോളജി-2020 : വിജയി കളെ പ്രഖ്യാപിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine