ദോഹ :ഖത്തര്‍ ബ്ലോഗ് മീറ്റ് ‘വിന്റര്‍ 2012’ ഭാഗമായി ചിത്രകലാ പ്രദര്‍ശനവും വര്‍ക്ക്‌ ഷോപ്പും സംഘടിപ്പിക്കുന്നു. ഫെബ്രുവരി 10 വെള്ളിയാഴ്ച രാവിലെ 9 മണി മുതല്‍ 11.30 വരെ നടക്കുന്ന പ്രദര്‍ശന ത്തില്‍ ഖത്തറിലെ വിവിധ ഫോട്ടോ ഗ്രാഫര്‍ മാരുടെ ചിത്രങ്ങള്‍ പ്രദര്‍ശിപ്പിക്കും.
തുടര്‍ന്ന് ഫോട്ടോ ഗ്രാഫര്‍മാരായ ദിലീപ് അന്തിക്കാട്, ഷഹീന്‍ ഒളകര, ബിജു രാജ് എന്നിവര്‍ നയിക്കുന്ന വിവിധ സെഷനു കളിലായി വര്‍ക്ക്‌ ഷോപ്പു കളും ഒരുക്കിയിട്ടുണ്ട്. പ്രവേശനം മുന്‍കൂട്ടി റജിസ്റ്റര്‍ ചെയ്തവര്‍ക്ക് മാത്ര മായിരിക്കും. ഉച്ചക്ക് രണ്ട് മണി മുതല്‍ ബ്ലോഗര്‍മാരുടെ കുട്ടികള്‍ക്കായി പെയിന്റിംഗ് കാര്‍ണിവല്‍ , പരിചയപ്പെടല്‍ , അവലോകനങ്ങള്‍ , ബ്ലോഗുകളുടെ സമകാലിക പ്രസക്തി എന്ന വിഷയ ത്തിലുള്ള ചര്‍ച്ചയും ഉണ്ടായിരിക്കും. റജിസ്റ്റര്‍ ചെയ്ത 150ഓളം ബ്ലോഗര്‍മാരും കുടുംബങ്ങളും മീറ്റില്‍ പങ്കെടുക്കും.
- pma
