അബുദാബി : കൊച്ചി യില്‍ നിന്നും അബുദാബി വഴി കുവൈറ്റി ലേക്ക് ജെറ്റ്‌ എയര്‍ വേയ്സ്‌ വിമാന സര്‍വീസ്‌ ആരംഭിച്ചു.
കൊച്ചി – അബുദാബി- കുവൈറ്റ്‌ റൂട്ടില്‍ ബോയിംഗ് 737 – 800 വിഭാഗ ത്തിലെ ‘9 ഡബ്ല്യു. 576’ നമ്പര്‍ വിമാന മാണ് പ്രതിദിന സര്‍വ്വീസ്‌ നടത്തുക എന്ന് അബുദാബി ഓഫീസേഴ്സ്‌ ക്ലബ്ബില്‍ വിളിച്ചു ചേര്‍ത്ത വാര്‍ത്താ സമ്മേളന ത്തില്‍ ജെറ്റ്‌ എയര്‍ വെയ്സിന്റെ എക്സിക്യൂട്ടീവ്‌ വൈസ്‌ പ്രസിഡന്റ് ബ്രാം സ്റ്റെല്ലര്‍,ജനറല്‍ മാനേജര്‍ ജലീല്‍ ഖാലിദ്‌ എന്നിവര്‍ അറിയിച്ചു.
ദിവസേന കൊച്ചി യില്‍ നിന്നും വൈകുന്നേരം 5.55നു പുറപ്പെടുന്ന വിമാനം രാത്രി 8.30 നു അബുദാബിയില്‍ എത്തുകയും, 9.20 നു ഇവിടെ നിന്നും പുറപ്പെട്ടു 10.05 നു കുവൈറ്റില്‍ എത്തിച്ചേരുകയും ചെയ്യും. എക്കോണമി ക്ലാസ്സില്‍ 670 ദിര്‍ഹം മുതലും ബിസിനസ് ക്ലാസ്സില്‍ 1240 ദിര്‍ഹം മുതലും ടിക്കറ്റ് നിരക്കുകള്‍. യാത്രക്കാര്‍ക്ക് 7 കിലോ ഹാന്‍ഡ്‌ ബാഗും, എക്കോണമി ക്ലാസ്സില്‍ 40 കിലോ ലഗ്ഗെജും ബിസിനസ് ക്ലാസ്സില്‍ 50 കിലോ ലഗ്ഗെജും അനുവദിക്കും എന്നും അധികൃതര്‍ അറിയിച്ചു.
തുടര്‍ന്ന് നടന്ന ലോഞ്ചിംഗ് സെറിമണി യില്‍ ഇന്ത്യന്‍ സ്ഥാനപതി എം. കെ. ലോകേഷ്, ഡോ. ബി. ആര്‍. ഷെട്ടി, അഷ്‌റഫ്‌ അലി തുടങ്ങിയവര്‍ പങ്കെടുത്തു.
- pma
