അബുദാബി : മലയാളീ സമാജം സമ്മർ ക്യാമ്പ് ‘ഉല്ലാസ പ്പറവകൾ’ വർണ്ണാഭമായ പരിപാടികളോടെ സമാപിച്ചു. പാട്ടും കഥ പറച്ചിലും പഠനവും കളികളുമായി പതിനാറു ദിവസ ങ്ങളിലായി മുസഫ യിലെ സമാജം അങ്കണ ത്തിൽ നടന്ന സമ്മർ ക്യാമ്പിൽ കുട്ടികൾ പരിശീലിച്ച കലാ പരിപാടി കൾ സമാപന വേദിയിൽ അവതരിപ്പിച്ചു.
നാല് ഗ്രൂപ്പു കളിലായി നടന്ന മത്സര ങ്ങളിൽ പെരിയാർ, പമ്പ എന്നീ ഗ്രൂപ്പു കൾ ഓന്നാം സ്ഥാനവും നിള, തേജസ്വിനി എന്നീ ഗ്രൂപ്പു കൾ രണ്ടാം സ്ഥാനവും കരസ്ഥ മാക്കി. ക്യാമ്പ് ഡയരക്ടർ ഡോ. ആര്‍. സി. കരിപ്പത്ത് സമാപന സമ്മേളനം ഉല്‍ഘാടനം ചെയ്തു. വി. എസ്. തമ്പി, യേശുശീലന്‍, അഷ്‌റഫ് പട്ടാമ്പി, ഡോ. രേഖ പ്രസാദ്, ടി. പി. ഗംഗാധരന്‍ എന്നിവര്‍ പ്രസംഗിച്ചു.
സമാജം പ്രസിഡന്റ് ഷിബു വർഗ്ഗീസ് അദ്ധ്യക്ഷത വഹിച്ചു. ജനറൽ സെക്രട്ടറി സുരേഷ് പയ്യന്നൂർ സ്വാഗതവും സതീഷ് കുമാര്‍ നന്ദിയും പറഞ്ഞു. രക്ഷിതാക്കളും കുട്ടികളും സാംസ്കാരിക രംഗത്തെ പ്രമുഖരും ചടങ്ങിൽ സംബന്ധിച്ചു.
- pma
അനുബന്ധ വാര്‍ത്തകള്‍
വായിക്കുക: ആഘോഷം, കുട്ടികള്‍, മലയാളി സമാജം, വിദ്യാഭ്യാസം
