അബുദാബി : നിർത്തിയിട്ട വാഹനങ്ങൾ മുന്നോട്ട് എടുക്കുമ്പോൾ മറ്റു വാഹനങ്ങളെ പരിഗണിക്കണം എന്ന് അബുദാബി പോലീസ് മുന്നറിയിപ്പ്. റോഡിലെ വാഹന ത്തിരക്ക് ശ്രദ്ധിക്കാതെയും മറ്റു വാഹനങ്ങളെ പരിഗണിക്കാതെയും പ്രധാന റോഡിലേക്ക് പെട്ടെന്ന് കയറിയ കാർ ഇടിച്ച് മറിയുന്ന ദൃശ്യങ്ങൾ സാമൂഹിക മാധ്യമങ്ങളിൽ പങ്കു വെച്ച് കൊണ്ടാണ് പോലീസ് മുന്നറിയിപ്പ് നൽകിയിരിക്കുന്നത്.
ഇത്തരത്തിൽ റോഡിൽ പ്രവേശിച്ച് അപകടങ്ങൾ ഉണ്ടാക്കുന്നവർക്ക് 800 ദിർഹവും ലൈസൻസിൽ 4 ട്രാഫിക് പോയിന്റുകളും പിഴ ചുമത്തും.
ഡ്രൈവിംഗിനിടെ ടെലിഫോൺ ഉപയോഗം അടക്കം മറ്റു കാര്യങ്ങളിലേക്ക് ശ്രദ്ധ തിരിക്കാതെ പൂർണമായും റോഡിൽ മാത്രം ശ്രദ്ധിക്കണം.
സുരക്ഷിതമായ ഡ്രൈവിംഗ് നമ്മുടെ ഉത്തരവാദിത്വം കൂടിയാണ്. നമ്മുടെ അശ്രദ്ധ മറ്റു വാഹനങ്ങളെയും കൂടെ അപകടത്തിലാക്കുന്നു.
- pma
അനുബന്ധ വാര്‍ത്തകള്‍
വായിക്കുക: social-media, traffic-fine, warning, അപകടം, ഗതാഗതം, പോലീസ്
