അബുദാബി : സ്വാതന്ത്ര്യത്തിന്‍റെ എഴുപത്തി അഞ്ചാം വാർഷികത്തോട് അനുബന്ധിച്ച് അബുദാബി ഇന്ത്യൻ ഇസ്ലാമിക് സെന്‍റർ ഐ. ടി. ആന്‍റ് മീഡിയ വിഭാഗവും സാഹിത്യ വിഭാഗവും സംയുക്തമായി വിവിധ രചനാ മത്സരങ്ങൾ സംഘടിപ്പിക്കുന്നു. ‘ഇന്ത്യൻ സ്വാതന്ത്ര്യ സമരം ; ചരിത്ര നാൾ വഴികളിലൂടെ’ എന്ന വിഷയ ത്തിൽ ജനറൽ വിഭാഗത്തില്‍ വീഡിയോ ഗ്രാഫി മത്സരം, ഇന്ത്യൻ സ്വാതന്ത്ര്യ സമരം ആസ്പദമാക്കി ജനറൽ വിഭാഗത്തില്‍ പോസ്റ്റർ ഡിസൈനിംഗ്, 18 വയസ്സിന് താഴെ ഉള്ളവർക്കായി ഇംഗ്ലീഷ് പ്രസംഗം, ഇംഗ്ലീഷ് പ്രബന്ധ രചനാ മത്സരം, 18 വയസ്സിന് മുകളില്‍ ഉള്ളവർക്കായി മലയാള പ്രസംഗം, മലയാള പ്രബന്ധ രചന എന്നീ മത്സരങ്ങളാണ് നടക്കുക.

രചനകൾ ആഗസ്റ്റ് 14 ന് രാത്രി 10 മണിക്ക് മുമ്പായി +971 56 990 4589 എന്ന വാട്സ്ആപ് നമ്പറിൽ അയക്കണം എന്ന് സംഘാടകർ അറിയിച്ചു. പ്രസംഗ മത്സരങ്ങൾ ആഗസ്റ്റ് 14 ന് വൈകുന്നേരം 7 മണി മുതൽ അബുദാബി ഇന്ത്യൻ ഇസ്ലാമിക് സെന്‍ററിൽ വെച്ച് നടക്കും. മുൻകൂട്ടി പേര് രജിസ്റ്റർ ചെയ്യുന്നവർക്ക് മാത്രമേ മത്സരങ്ങളില്‍ പങ്കെടുക്കാൻ സാധിക്കുകയുള്ളൂ.

ഇന്ത്യൻ ഇസ്ലാമിക് സെന്‍ററില്‍ നടക്കുന്ന സ്വാതന്ത്ര്യ ദിന ആഘോഷ പരിപാടിയിൽ വിജയികൾക്ക് സമ്മാനങ്ങൾ നൽകും.

വിശദ വിവരങ്ങൾക്ക് 050 8048 505 (സിദ്ധിഖ് എളേറ്റിൽ) എന്ന നമ്പറിൽ ബന്ധപ്പെടുക.