 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഇന്ത്യൻ റിപ്പബ്ലിക് ദിന ആഘോഷ ത്തിന്റെ ഭാഗമായി അബുദാബി സാംസ്കാരിക വേദി വിമുക്ത ഭടന്മാരെ ആദരിക്കുന്നു.
ഇന്ത്യൻ സൈന്യത്തിൽ സേവനം അനുഷ്ടിക്കുകയും ശേഷം പ്രവാസ ജീവിത ത്തിലേക്ക് എത്തിയവരുമായ മുന്‍ കാല സൈനികരെയാണ് 2022 ജനുവരി 30 ന് അഹല്യ ആശുപത്രി യിൽ നടക്കുന്ന ചടങ്ങില്‍ വെച്ച് ആദരിക്കുക. യു. എ. ഇ. യിലുള്ള വിമുക്ത ഭടന്മാർ ജനുവരി 29 ന് മുമ്പായി ബന്ധപ്പെടണം എന്ന് അബു ദാബി സാംസ്കാരിക വേദി ഭാരവാഹികൾ അറിയിച്ചു.
ഫോൺ : 055 705 9769, 055 466 0798
- pma
വായിക്കുക: ആഘോഷം, പൂര്‍വ വിദ്യാര്‍ത്ഥി, പ്രവാസി, ബഹുമതി, സംഘടന
അബുദാബി : അഭ്യൂഹങ്ങൾ പ്രചരിപ്പിക്കുകയും വ്യാജ വാർത്തകൾ പ്രസിദ്ധീകരി ക്കുകയും ചെയ്യുന്നവർക്ക് യു. എ. ഇ. ഫെഡറൽ നിയമം പ്രകാരം തടവു ശിക്ഷയും കനത്ത പിഴയും എന്ന് ഓര്‍മ്മി പ്പിച്ചു കൊണ്ട് പബ്ലിക് പ്രോസിക്യൂട്ടർ. 2021-ലെ ഫെഡറൽ നിയമം നമ്പർ 34 അനുസരിച്ച്, പ്രസ്തുത കുറ്റ കൃത്യങ്ങൾക്കുള്ള ശിക്ഷ വിവരിക്കുന്ന വീഡിയോ സോഷ്യല്‍ മീഡിയ വഴി പ്രസിദ്ധീകരിച്ചു.
നിയമത്തിലെ ആർട്ടിക്കിൾ 52 പ്രകാരം, ഔദ്യോഗിക സ്രോതസ്സുകൾ പ്രസിദ്ധീകരിക്കുന്ന വാർത്തകൾക്ക് വിരുദ്ധമായി തെറ്റായ വാർത്തകളും അഭ്യൂങ്ങളും കിംവദന്തികളും തെറ്റിദ്ധരിപ്പിക്കുന്ന വിവരങ്ങളും പ്രസിദ്ധീകരിക്കുവാനും പ്രചരിപ്പിക്കാനും വേണ്ടി സോഷ്യല്‍ മീഡിയ അടക്കമുള്ള ഇന്റർനെറ്റ് തലങ്ങള്‍ ഉപയോഗിക്കുന്നവര്‍ക്ക് ഒരു വർഷം തടവ് ശിക്ഷയും 100,000 ദിർഹം പിഴയും ലഭിക്കും എന്നും പബ്ലിക് പ്രോസിക്യൂഷൻ ചൂണ്ടിക്കാട്ടി.
സൈബർ കുറ്റകൃത്യങ്ങളെ കുറിച്ചുള്ള അവബോധവും നിയമങ്ങളെ കുറിച്ചുള്ള ഓര്‍മ്മ പ്പെടുത്തലും പൊതു ജനങ്ങളിലേക്ക് എത്തിക്കുക എന്ന ലക്ഷ്യത്തോടെ നടന്നു വരുന്ന ബോധ വൽക്കരണ കാമ്പയിന്റെ ഭാഗമായാണ് പബ്ലിക് പ്രോസിക്യൂഷൻ ഈ വിവരങ്ങൾ സാമൂഹിക മാധ്യമ ങ്ങളിലൂടെ പ്രസിദ്ധീകരിച്ചത്.
- pma
വായിക്കുക: public-prosecution, social-media, നിയമം, യു.എ.ഇ.
അബുദാബി : തലസ്ഥാന നഗരിയില്‍ 2022 ജനുവരി ഒന്നിനു പുലര്‍ച്ചെ ശക്തമായ മഴ പെയ്തു. കനത്ത ഇടി മിന്നലിന്‍റെയും ശക്തമായി വീശിയടിച്ച കാറ്റിന്‍റെയും അകമ്പടിയോടെ പെയ്ത മഴ നഗരത്തെ തണുപ്പിച്ചു. കഴിഞ്ഞ കുറെ ദിവസങ്ങളായി ആകെ മൂടിക്കെട്ടി നിന്ന അന്തരീക്ഷമായിരുന്നു. മഴ പെയ്തു മാനം തെളിഞ്ഞതോടെ പുതു വര്‍ഷം പിറന്ന പകലിനു നല്ല തെളിച്ചമായി.
പുതുവത്സര ദിനത്തില്‍ സ്വകാര്യ സ്ഥാപനങ്ങളിലെ ജീവനക്കാര്‍ക്ക് അവധി ആയതിനാല്‍ മാളുകളും കച്ചവട സ്ഥാപനങ്ങളും പാര്‍ക്കു കളും ആളുകളെ കൊണ്ട് നിറഞ്ഞു. കൊവിഡ് പ്രൊട്ടോക്കോള്‍ പാലിക്കുവാനുള്ള കര്‍ശ്ശന നിര്‍ദ്ദേശങ്ങളുമായി സെക്യൂരിറ്റി ജീവനക്കാര്‍ പൊതു സ്ഥലങ്ങളില്‍ ആളുകളെ നിയന്ത്രിക്കുന്നുണ്ടായിരുന്നു.
അബുദാബിയുടെ എല്ലാ ഭാഗങ്ങളിലും ഭേദപ്പെട്ട മഴ ലഭിച്ചു. പലയുടത്തും റോഡുകളിലെ വെള്ളക്കെട്ടു കാരണം ഗതാഗത തടസ്സങ്ങള്‍ നേരിട്ടു.
യു. എ. ഇ. യിൽ കനത്ത മഴ പെയ്യും എന്നു സാമൂഹ്യ മാധ്യമങ്ങളിലൂടെ ദേശീയ കാലാവസ്ഥാ കേന്ദ്രം മുന്നറിയിപ്പു നല്‍കിയിരുന്നു. ഡ്രൈവര്‍മാര്‍ക്ക് ജാഗ്രതാ നിര്‍ദ്ദേശവുമായി പോലീസ് രംഗത്തുണ്ട്.
ദുബായ്, ഷാർജ, അജ്മാന്‍, ഫുജൈറ, റാസല്‍ ഖൈമ, ഖോർഫുക്കാൻ, ഉമ്മുല്‍ ഖുവൈന്‍ തുടങ്ങി മറ്റു എമിറേറ്റുകളില്‍ ഇന്നലെ തന്നെ ശക്തമായ മഴ പെയ്തു. വിവിധ എമിറേറ്റുകളിൽ ഞായറാഴ്ച വരെ മഴ തുടരും.
طريق ناهل #العين حالياً #المركز_الوطني_للأرصاد #أمطار_الخير #أصدقاء_المركز_الوطني_للأرصاد #حالة_الطقس #حالة_جوية #هواة_الطقس #راشد_البلوشي. pic.twitter.com/BXOuDfRRSV
— المركز الوطني للأرصاد (@NCMS_media) January 1, 2022
വാഹനം ഓടിക്കുന്നവരും കടലില്‍ ഇറങ്ങുന്നവരും കൂടുതല്‍ ജാഗ്രത പാലിക്കണം എന്നും കാലാവസ്ഥാ വകുപ്പ് മുന്നറിയിപ്പു നല്‍കിയിട്ടുണ്ട്.
- pma
അജ്മാൻ : ഇന്ത്യൻ സോഷ്യൽ സെന്‍റർ അജ്മാന്‍ ഒരുക്കുന്ന നാടക മല്‍സരം 2022 ഫെബ്രുവരി 11, 12, 13 തീയ്യതികളിൽ അജ്മാന്‍ ഐ. എസ്. സി. യില്‍ വെച്ചു നടക്കും. അന്തരിച്ച അഭിനേതാവ് നെടുമുടി വേണു വിന്‍റെ സ്മരണാര്‍ത്ഥം എൻസെംബിൾ തിയ്യേറ്റർ ഫെസ്റ്റ് അജ്മാൻ (ഇ. ടി. എഫ്. എ.) എന്ന പേരില്‍ ഒരുക്കുന്ന നാടക മല്‍സര ത്തിലേക്ക് 30 മിനിട്ട് മുതല്‍ 45 മിനിട്ടു വരെ ദൈർഘ്യം ഉള്ള നാടകങ്ങളാണു പരിഗണിക്കുക.
മികച്ച അവതരണം, രണ്ടാമത്തെ അവതരണം, മികച്ച സംവിധായകൻ, നടൻ, നടി, രണ്ടാമത്തെ നടൻ, രണ്ടാമത്തെ നടി, ബാലതാരം, പ്രകാശ വിതാനം, പശ്ചാത്തല സംഗീതം, രംഗ സജ്ജീകരണം എന്നീ വിഭാഗ ങ്ങളിൽ അവാർഡുകൾ നല്‍കും. കേരളത്തിൽ നിന്നുള്ള പ്രമുഖ നാടക പ്രവർത്തകർ അംഗങ്ങളായ ജൂറി ആയിരിക്കും വിജയികളെ തെരഞ്ഞെടുക്കുക. ക്യാഷ്‌ അവാർഡും പ്രശസ്തി പത്രവും സമ്മാനിക്കും.
നാടക മത്സരത്തിൽ പങ്കെടുക്കാൻ ആഗ്രഹിക്കുന്ന സമിതികൾ 2022 ജനുവരി 15 നു മുൻപ്‌ രജിസ്ട്രേഷൻ നടപടികൾ പൂർത്തിയാക്കണം.
വിവരങ്ങൾക്ക്‌: 052 699 3225.
- pma
അബുദാബി : കേരളത്തിലെ രണ്ടു വിമാന ത്താവള ങ്ങളില്‍ നിന്നും മണിക്കൂറുകളുടെ വിത്യാസത്തില്‍ നടത്തിയ കൊവിഡ് പി. സി. ആര്‍. പരിശോധനയില്‍ രണ്ടു വ്യത്യസ്ത ഫലങ്ങള്‍ ലഭിച്ചതിന്റെ അനുഭവം വ്യക്തമാക്കി പ്രവാസി സമ്മാന്‍ പുരസ്കാര ജേതാവും സാമൂഹ്യ പ്രവര്‍ത്തകനുമായ അഷ്റഫ് താമരശ്ശേരി ഇട്ട ഫേയ്സ് ബുക്ക് പോസ്റ്റ് വൈറലായി.
നാട്ടിലെ കൊവിഡ് ആർ. ടി. പി. സി. ആര്‍. ടെസ്റ്റു കളിലെ ക്രമക്കേടുകളെ ക്കുറിച്ചുള്ള വിമർശനവും പരിശോധനാ സംവിധാന ങ്ങളിലെ അശാസ്ത്രീ യതയും സാങ്കേതിക തകരാറുകളും അതോടൊപ്പം ഉദ്യോസ്ഥരുടെ മാന്യത ഇല്ലാത്തതും ധാര്‍ഷ്ട്യം നിറഞ്ഞതുമായ പെരുമാറ്റ വും വ്യക്തമാക്കുന്നതാണ് ടെസ്റ്റ് റിസള്‍ട്ടുകളുടെ ചിത്രങ്ങള്‍ അടക്കം പങ്കു വെച്ചുള്ള ഫേയ്സ് ബുക്ക് പോസ്റ്റ്.
ഒരു സ്വകാര്യ ചടങ്ങില്‍ സംബന്ധിക്കുവാന്‍ നാട്ടിലേ ക്കുള്ള യാത്രക്കായി ഷാര്‍ജയില്‍ നിന്നും കൊവിഡ് ടെസ്റ്റ് നടത്തി നെഗറ്റീവ് സര്‍ട്ടിഫിക്കറ്റുമായി തിരുവനന്ത പുരത്ത് വിമാനം ഇറങ്ങിയ അഷ്രഫ് താമരശ്ശേരി, ഏതാനും മണിക്കൂറുകള്‍ക്കു ശേഷം തിരികെ ഷാർജയിലേക്കുളള വിമാനത്തിൽ യാത്ര ചെയ്യുവാനായി തിരുവനന്ത പുരം വിമാന ത്താവള ത്തില്‍ 2490 രൂപ നല്‍കി എടുത്ത റാപ്പിഡ് ടെസ്റ്റ് റിസള്‍ട്ടില്‍ കൊവിഡ് പോസിറ്റീവ് കാണിച്ചു.
24 മണിക്കൂര്‍ മുമ്പ് ഷാര്‍ജയിൽ നിന്ന് എടുത്ത RT- PCR നെഗറ്റീവ് ആയിരുന്നല്ലോ. അത് കൊണ്ട് ഒരിക്കല്‍ കൂടി ടെസ്റ്റ് ചെയ്യാമോ എന്ന് അപേക്ഷിച്ചപ്പോള്‍ “ഒരു രക്ഷയുമില്ല” എന്നതായിരുന്നു മറുപടി. മാത്രമല്ല ‘ഗൾഫിൽ പോയി കൊറോണ കൊണ്ട് വന്നിട്ട് ഇപ്പോൾ ഇവിടത്തെ മെഷീനാണോ കുഴപ്പം’ എന്നതായിരുന്നു ഉദ്യോഗസ്ഥരുടെ ചോദ്യം. ‘സമയം കളയാതെ ഇവിടെ നിന്ന് പൊയക്കോ’ എന്ന ധാര്‍ഷ്ട്യം കലർന്ന മറുപടിയും.
തുടര്‍ന്ന് നെടുമ്പാശ്ശേരിയില്‍ നിന്നും ഷാര്‍ജയിലേക്കുള്ള ടിക്കറ്റ് എടുത്ത് അദ്ദേഹം കൊച്ചിയില്‍ വരികയും നെടുമ്പാശ്ശേരി വിമാന ത്താവളത്തില്‍ ടെസ്റ്റ് നടത്തി നെഗറ്റീവ് റിസള്‍ട്ടുമായി ഷാര്‍ജ യിലേക്ക് യാത്ര ചെയ്തു. ഷാര്‍ജ വിമാനത്താവളത്തിലെ നടത്തിയ ടെസ്റ്റിലും ഫലം നെഗറ്റീവ് ആയിരുന്നു.
നാട്ടിലെ ഭരണാധികാരികളുടേയും ഉദ്യോഗസ്ഥരുടേയും വിമാനത്താവള അധികൃതരുടേയും കണ്ണു തുറപ്പി ക്കാന്‍ ഉതകുന്ന ഈ കുറിപ്പ് സോഷ്യല്‍ മീഡിയ ഏറ്റെടുത്തു കഴിഞ്ഞു.
വിമാനത്താവളങ്ങളിലെ ഉദ്യോഗസ്ഥരുടെ ധാര്‍ഷ്ട്യം വ്യക്തമാക്കി കൊണ്ടുള്ള ഈ കുറിപ്പി ന്ന് കമന്‍റ് ചെയ്തിരിക്കുന്ന പലരും അവരവരുടെ യാത്രാ വേള കളിലെ ദുരനുഭവങ്ങളും കൂടെ കുറിച്ചിട്ടുണ്ട്. ഫേയ്സ് ബുക്ക് പോസ്റ്റ് ഇവിടെ വായിക്കാം.
- pma
വായിക്കുക: social-media, viral-video, പ്രതിഷേധം, പ്രവാസി, വിമാനം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
