 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ആരോഗ്യ സേവന മേഖല യിലെ മികച്ച സംഭാവനകള്‍ പരി ഗണിച്ച് ഡോ. ബി ആര്‍ ഷെട്ടിക്ക് ഹെല്ത്ത് കെയര്‍ സി ഇ ഓ ഓഫ് ദ ഇയര്‍ പുരസ്കാരം സമ്മാനിച്ചു. അറേബ്യന്‍ ബിസിനസ്സ് ഗ്രൂപ്പ് സഹോദര സ്ഥാപന മായ സി. ഇ. ഓ. മിഡില്‍ ഈസ്റ്റ്‌ മാഗസിന്‍ ആണ് ദുബായ് ബുര്‍ജ്‌ ഖലീഫ യില്‍ ചടങ്ങ് സംഘടിപ്പിച്ചത്
- pma
വായിക്കുക: nri, personalities, ആരോഗ്യം, ബഹുമതി
ഷാര്‍ജ : പ്രവാസി സംഘടന യായ ഏകത യുടെ ആഭിമുഖ്യ ത്തില്‍ ഡോ.സണ്ണി ഹെല്ത്ത് കെയര്‍ ഗ്രൂപ്പിന്റെ സഹകരണ ത്തോടെ സംഘടിപ്പിക്ക പ്പെട്ട ആരോഗ്യ ബോധവത്കരണ സെമിനാര്‍ ഷാര്‍ജ ഇന്ത്യന്‍ അസോസിയേഷന്‍ കോണ്‍ഫറന്‍സ് ഹാളില്‍ നടന്നു.
ഏകത പ്രസിഡന്റ് രാജീവ് സി. പി. ഡോക്ടര്‍ മാരോടൊപ്പം ഭദ്രദീപം കൊളുത്തി സെമിനാര്‍ ഉദ്ഘാടനം ചെയ്തു. പ്രവാസി കളെ അലട്ടുന്ന നിരവധി ആരോഗ്യ പ്രശ്‌നങ്ങളെ ക്കുറിച്ചും ആധുനിക ചികിത്സാ സൗകര്യങ്ങളെ ക്കുറിച്ചും വൈദ്യ ശാസ്ത്ര ത്തിലെ പ്രധാനപ്പെട്ട ശാഖ കളിലെ പ്രഗല്ഭരായ ഡോക്ടര്‍മാര്‍ നടത്തിയ ബോധവത്കരണ – സംശയ നിവാരണ ക്ലാസുകള്‍ വളരെ വിജ്ഞാനപ്രദ മായിരുന്നു.
ക്യാമ്പിനു ശേഷം നടന്ന ചടങ്ങില്‍ ഏകത ഭാരവാഹികള്‍ സെമിനാറില്‍ പങ്കെടുത്ത ഡോക്ടര്‍മാരെ അനുമോദിച്ചു. ഏകത ഭാവിയില്‍ നടത്താന്‍ ഉദ്ദേശി ക്കുന്ന പരിപാടി കളില്‍ എല്ലാവിധ സഹായ സഹകരണ ങ്ങളും സണ്ണി ഗ്രൂപ്പ് വാഗ്ദാനം ചെയ്തു. ഇത്തരം പരിപാടി കളില്‍ പങ്കു ചേരാന്‍ ആഗ്രഹിക്കുന്ന വര്‍ക്ക് ekata.sharjah at gmail dot com എന്ന ഇ – മെയില്‍ വിലാസ ത്തില്‍ ബന്ധപ്പെടാ വുന്നതാണ്.
- pma
വായിക്കുക: ആരോഗ്യം, സാമൂഹ്യ സേവനം
അബുദാബി : പ്രവാസി പുനരധിവാസ പദ്ധതികള്‍ ആസൂത്രണം ചെയ്തു കൊണ്ട് ‘അല്‍സലാമ കണ്ണാശുപത്രി’ യുടെ ഷോണ്‍ ഒപ്റ്റിക്കല്‍ & വിഷന്‍ സെന്ററുകള്‍ കേരള ത്തില്‍ 30 സുപ്രധാന നഗരങ്ങളില്‍ പ്രവര്‍ത്തനം ആരംഭിക്കുന്നു. ഇതിന്റെ ആദ്യ പടിയായി മഞ്ചേരി, മലപ്പുറം, കൊണ്ടോട്ടി, പട്ടാമ്പി, വേങ്ങര, കോട്ടയ്ക്കല്‍ ,തിരൂര്‍ എന്നിവിടങ്ങളില്‍ വിഷന്‍ സെന്ററുകള്‍ വിജയകരമായി മുന്നേറുന്നു.
അബുദാബി യില്‍ എത്തിയ ‘അല്‍സലാമ ഗ്രൂപ്പി’ന്റെ പ്രതിനിധി സംഘം വാര്‍ത്താ സമ്മേളന ത്തില്‍ പറഞ്ഞതാണ് ഇക്കാര്യം. നേത്ര ചികിത്സാ രംഗത്ത് ചുരുങ്ങിയ കാലം കൊണ്ട് കേരള ത്തില്‍ ശ്രദ്ധേയരായ ‘അല്‍സലാമ’ പ്രവാസി കളുടെ പങ്കാളിത്ത ത്തോടെ വിപുലീകരി ക്കാനുള്ള പദ്ധതികള്‍ ആവിഷ്‌കരിക്കുന്നു എന്നും പ്രതിനിധി സംഘം പറഞ്ഞു. ഈ വിഷന്‍ സെന്ററുകളില്‍ നിശ്ചിത തുക നിക്ഷേപിക്കുന്ന പ്രവാസി മലയാളികള്‍ക്ക്‌ ഇവിടെ ഡയറക്ടര്‍ സ്ഥാനം കൂടാതെ ശമ്പളവും നിക്ഷേപിച്ച തുക യുടെ ലാഭ വിഹിതവും നല്‍കും.
നേത്ര പരിശോധനാ രംഗത്ത് ഇന്ത്യയിലും വിദേശത്തും ലക്ഷ ക്കണക്കിന് ഒപ്‌ട്രോമെട്രിസ്റ്റുകളെ ആവശ്യ മുള്ളപ്പോള്‍ വളരെ കുറച്ച് സ്ഥാപന ങ്ങള്‍ മാത്രമാണ് ഈ മേഖല യില്‍ പരിശീലനം നല്കുന്നത്. കേരളത്തില്‍ ഈ രംഗത്ത് പ്രവര്‍ത്തിക്കുന്നത് ഏതാനും സ്ഥാപനങ്ങള്‍ മാത്ര മാണ്.കേരള ത്തില്‍ ബി. എസ്സ്. സി. ഒപ്‌റ്റോ മെട്രിക്കിന് കേരള മെഡിക്കല്‍ യൂണിവേഴ്‌സിറ്റി യുടെ അംഗീകാരം ലഭിച്ച ഏക സ്ഥാപനമാണ് അല്‍സലാമ ആശുപത്രി. ഈ കോഴ്സിനു പുറമെ എം. ബി. എ. കോഴ്‌സും അല്‍ സലാമ നടത്തുന്നുണ്ട്.
കേരളത്തില്‍ ആദ്യമായി സഞ്ചരിക്കുന്ന ഐ ടെസ്റ്റിംഗ് യൂണിറ്റ് അല്‍ സലാമ പുറത്തിറക്കിക്കഴിഞ്ഞു. ഗ്ലൂക്കോമ, ഡയബറ്റിക് റെറ്റിനോപ്പതി, കോങ്കണ്ണ് തുടങ്ങിയ നേത്ര സംബന്ധമായ എല്ലാ അസുഖ ങ്ങളുടെയും പ്രാഥമിക പരിശോധനാ സൗകര്യങ്ങള്‍ തികച്ചും സൗജന്യ മായി ഇതില്‍ ഒരുക്കിയിട്ടുണ്ട്.
വാര്‍ത്താ സമ്മേളന ത്തില്‍ അല്‍ സലാമ ആശുപത്രി ചെയര്‍മാന്‍ മുഹമ്മദ്കുട്ടി, മാനേജിംഗ് ഡയറക്ടര്‍ അഡ്വ. എം. ഷംസുദ്ദീന്‍ ,മെഡിക്കല്‍ ഡയറക്ടര്‍ ഡോ. മുഹമ്മദ് സാദിഖ്, വൈസ് ചെയര്‍മാന്‍ അഷറഫ് കിഴിശ്ശേരി, എക്‌സിക്യൂട്ടീവ് ഡയറക്ടര്‍ അലവി ഹാജി പാട്ടശ്ശേരി എന്നിവര്‍ പങ്കെടുത്തു.
കൂടുതല്‍ വിവര ങ്ങള്‍ക്ക് അല്‍സലാമ വെബ്‌സൈറ്റ് സന്ദര്‍ശിക്കുകയോ 056 121 82 84 ( മുഹമ്മദ്കുട്ടി ) , 055 11 34 025 (അഷറഫ് കിഴിശ്ശേരി) എന്നീ നമ്പറുകളില്‍ ബന്ധപ്പെടുകയോ ചെയ്യാം.
- pma
മനാമ:തണുപ്പകറ്റാന്‍ കത്തിച്ച നെരിപ്പോടില്‍ നിന്നുള്ള പുക ശ്വസിച്ച് നാല് മലയാളികള്‍ മരിച്ചു. ബഹ്റൈനിലെ ഹമദ് ടൌണിലാണ് സംഭവം. ഒരാള്‍ ഗുരുതരാവസ്ഥയില്‍ ആശുപത്രിയിലാണ് . കൊല്ലം സ്വദേശി ലാലു, കോഴിക്കോട് വടകര സ്വദേശികളായ ബാബു, നകുലന്‍, പ്രിയേഷ് എന്നിവരാണ് മരിച്ചത്. തൃശൂര്‍ സ്വദേശി സുനിലിനെയാണ് പുക ശ്വസിച്ച് അവശനിലയില്‍ ആശുപത്രിയില്‍ പ്രവേശിപ്പിച്ചിരിക്കുന്നത്. താമസ മുറിയില്‍ കിടന്നുറങ്ങുകയായിരുന്നു ഇവര്‍ തണുപ്പകറ്റാനായി കത്തിച്ച നെരിപ്പോടില്‍ നിന്നുള്ള പുക ശ്വസിച്ചാണ് മരണമെന്നാണ് പ്രാഥമിക നിഗമനം. രാവിലെ ഇവരുടെ മുറിയിലെത്തിയ ഒരു സുഹൃത്താണ് അഞ്ച് പേരെയും അബോധാവസ്ഥയില്‍ കണ്ടെത്തുകയായിരുന്നു. തുടര്‍ന്ന് ആശുപത്രിയിലേക്ക് എത്തിച്ചു എങ്കിലും നാലും പേരും സംഭവ സ്ഥലത്ത് വെച്ച് തന്നെ മരിച്ചിരുന്നതായിട്ടാണ് വിവരം.
- ന്യൂസ് ഡെസ്ക്
കുവൈത്ത്: അതി ശൈത്യത്തിന്റെ പിടിയിലായ കുവൈത്തില്‍ ജാഗ്രതാ നിര്‍ദേശം നല്‍കി. രാജ്യം സമീപകാലത്തെങ്ങും അനുഭവിക്കാത്തത്ര അതി ശൈത്യത്തിന്റെ പിടിയിലായതോടെ ജന ജീവിതം ദുസ്സഹമാക്കി യിരിക്കുകയാണ്. അതിര്‍ത്തി പ്രദേശങ്ങളായ സാന്‍മിയില്‍ മൈനസ് 3 ഡിഗ്രിയും അബ്ദലയില്‍ മൈനസ് 2 ഡിഗ്രിയും വിമാനത്താവളത്തിലും മറ്റ് പ്രദേശങ്ങളിലും പൂജ്യം ഡിഗ്രി രേഖപ്പെടുത്തിയതായി കാലാവസ്ഥാ നിരീക്ഷണ കേന്ദ്രം അറിയിച്ചു. വെള്ളിയാഴ്ച അനുഭവപ്പെട്ട ശക്തമായ ശീതക്കാറ്റും ശനിയാഴ്ച പുലര്‍ച്ചെയുണ്ടായ ശക്തമായ ശീതക്കാറ്റ് അതോടൊപ്പം ഉണ്ടായ പൊടിക്കാറ്റും ജനജീവിതത്തെ തടസ്സപ്പെടുത്തി. കടുത്ത തണുപ്പ് വരും ദിവസങ്ങളില്‍ തുടരുമെന്നതിനാല്‍ പൊതുജനങ്ങള്‍ പ്രത്യേകിച്ചും കുട്ടികളുമായി പുറത്ത് പോകുന്ന കുടുംബങ്ങള്‍ അതിജാഗ്രത പുലര്‍ത്തണമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. സൈബീരിയന്‍ കാറ്റ് അതിശക്തമായി ആഞ്ഞടിക്കുന്നതിന്റെ ഫലമായിട്ടാണ് ഗള്‍ഫ് മേഖലയിലുടനീളം കടുത്ത ശൈത്യം അനുഭവപ്പെടുന്നതെന്ന് കാലാവസ്ഥാ നിരീക്ഷണ കേന്ദ്രം പറഞ്ഞു.
- ന്യൂസ് ഡെസ്ക്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്‍) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
