ലഹരിക്ക് എതിരെയുള്ള പോരാട്ടം കുടുംബങ്ങളിൽ നിന്ന് തുടങ്ങണം

December 4th, 2022

abudhabi-police-major-yousuf-al-hammadi-wisdom-programme-ePathram
അബുദാബി : ലഹരിക്ക് എതിരെയുള്ള പോരാട്ടം കുടുംബങ്ങളിൽ നിന്നും തുടങ്ങണം എന്നും ലഹരി ഉപയോഗം തടയുന്നതിൽ രക്ഷിതാക്കൾക്ക് മുഖ്യ പങ്കുണ്ട് എന്നും അബുദാബി പൊലീസിലെ ലഹരി നിർമ്മാർജ്ജന വിഭാഗം മേധാവി മേജർ യൂസഫ് അൽ ഹമ്മാദി. വിസ്ഡം ഇസ്ലാമിക് ഓർഗനൈസേഷൻ അബുദാബിയിൽ സംഘടിപ്പിച്ച ലഹരി വിരുദ്ധ ബോധ വൽക്കര സമ്മേളനം ഉല്‍ഘാടനം ചെയ്തു സംസാരിക്കുകയായിരുന്നു അദ്ദേഹം.

പുതുതലമുറയിൽ കാണുന്ന ലഹരിയുടെ അമിതോപയോഗം അത്യന്തം ആശങ്കാജനകം തന്നെയാണ്. അതി ശക്തമായ ബോധ വത്കരണവും ഇടപെടലുകളും നടത്തിയിട്ടില്ല എങ്കിൽ നശിക്കുന്നത് നാടിന്‍റെ ഭാവിയാണ്.

ലഹരിക്ക് എതിരെ വിട്ടുവീഴ്ച ഇല്ലാത്ത നിലപാടുകളാണ് യു. എ. ഇ. സ്വീകരിച്ചിട്ടുള്ളത്. കുട്ടികളെ ദോഷകരമായി ബാധിക്കുന്നത് ഒന്നും വെച്ചു പൊറുപ്പിക്കുകയില്ല എന്നും അദ്ദേഹം കൂട്ടിച്ചേര്‍ത്തു.

സോഷ്യൽ മീഡിയകളിലെ കെണികളെ കുറിച്ച് ബോദ്ധ്യപ്പടുത്താനും പൊതു ജനങ്ങൾക്ക് അധികാരി കളുമായി ബന്ധപ്പെടുവാനും ‘അമാൻ’ എന്ന സംവിധാനവും 8002626 എന്ന ടോൾ ഫ്രീ നമ്പറും ഏർപ്പെടുത്തിയിട്ടുണ്ട്.

പൊതു ജനങ്ങളെ ബോധ വത്കരിക്കുന്ന ഇത്തരം പരിപാടികൾക്ക് അബുദാബി പോലീസിന്‍റെ എല്ലാ പിന്തുണയും ഉണ്ടാകും എന്നും അദ്ദേഹം പറഞ്ഞു.

കുടുംബാംഗങ്ങൾ തമ്മിലുള്ള പരസ്പര ബന്ധത്തിലുള്ള വിള്ളൽ ഇത്തരം അപകടങ്ങളിലേക്ക് നമ്മുടെ മക്കളെ കൊണ്ട് ചെന്നെത്തിക്കും. കുടുംബത്തിൽ സമാധാന അന്തരീക്ഷം സൃഷ്ടിക്കാൻ ബോധ പൂർവ്വമായ ഇടപെടൽ അനിവാര്യം ആണെന്നും രക്ഷിതാക്കൾക്ക് അക്കാര്യത്തിൽ വലിയൊരു ഉത്തരവാദിത്വം ഉണ്ട് എന്നും പ്രമുഖ ഫാമിലി കൗൺസിലറായ ഡോ. ജൗഹർ മുനവ്വിർ അഭിപ്രായപ്പെട്ടു.

ജീവിതം കേവലം അടിച്ചു പൊളിക്കാൻ ഉള്ളതല്ല എന്നും അതിനപ്പുറം മഹത്തായ ജീവിത ലക്ഷ്യം ഉണ്ട് എന്നും മക്കളെ ബോധ്യ പ്പെടുത്താൻ നമുക്ക് സാധിക്കണം. പണം ഉണ്ടാക്കാൻ എളുപ്പ വഴി തേടുന്ന കുട്ടികൾ എത്തിപ്പെടുന്നത് ലഹരി മാഫിയയുടെ കൈകളിലാണ്.

കുടുംബത്തിനകത്ത് മനസ്സമാധാനം ലഭിക്കാത്തവർ ഇത്തരം ലഹരികൾക്ക് അടിമകൾ ആവാനുള്ള സാധ്യത വളരെ കൂടുതലാണ്. നമ്മുടെ സംസ്കാര ത്തിന്‍റെ ഭാഗമായ സുഭദ്രമായ കുടുംബ സംവിധാനം തകർക്കാനുള്ള ലിബറലിസ ത്തിന്‍റെ ശ്രമം ലഹരി മാഫിയയെ സഹായിക്കാനാണ് എന്നും അദ്ദേഹം കുട്ടിച്ചേർത്തു.

കൃത്യമായ ധാർമ്മികതയുടെ അടിസ്ഥാനത്തിൽ ജീവിതം നയിക്കുന്നവർക്ക് മാത്രമാണ് ഇത്തരം തിന്മകളിൽ നിന്ന് മാറി നിൽക്കാനാവുക എന്നും ബോധ വത്കരണങ്ങൾക്ക് ഒപ്പം തന്നെ അടിസ്ഥാന വിഷയങ്ങളും പരിഹാരങ്ങളും ചർച്ചയാകേണ്ടതുണ്ട് എന്നും പ്രമുഖ പണ്ഡിതനും യു. എ. ഇ. വിസ്ഡം പ്രസിഡണ്ടുമായ ഹുസൈൻ സലഫി പറഞ്ഞു.

സൃഷ്ടാവിന്‍റെ നിർദ്ദേശങ്ങൾ അനുസരിച്ച് ജീവിതം ക്രമപ്പെടുത്തിയവർക്ക് ഇരു ലോകത്തും സമാധാനം ലഭിക്കും എന്നും അത് കൊണ്ടു തന്നെയാണ് കുടുംബ ബന്ധം ശക്തമാക്കുന്ന കാര്യത്തിൽ ശക്തമായ നിർദ്ദേശങ്ങൾ ഇസ്ലാം നൽകിയത് എന്നും അദ്ദേഹം ചൂണ്ടി ക്കാണിച്ചു.

51 ആമത് യു. എ. ഇ. ദേശീയ ദിന ആഘോഷങ്ങളുടെ ഭാഗമായി വിസ്ഡം ഇസ്ലാമിക് ഓർഗനൈസേഷൻ അബുദാബി ഇന്ത്യന്‍ ഇസ്ലാമിക് സെന്‍ററില്‍ സംഘടിപ്പിച്ച ലഹരി വിരുദ്ധ ബോധവത്ക്കരണ പരിപാടിയില്‍ ആയിരത്തോളം രക്ഷിതാക്കൾ സംബന്ധിച്ചു.

വിസ്‌ഡം യു. എ. ഇ. ജനറൽ സെക്രട്ടറി ശംസുദ്ദീൻ അജ്മാൻ അദ്ധ്യക്ഷത വഹിച്ചു. ഡോ. ബഷീർ, സഈദ് ചാലിശ്ശേരി, ഇന്ത്യൻ ഇസ്ലാമിക്ക് സെൻ്റർ ജനറൽ സെക്രട്ടറി ടി. കെ. അബ്ദുസ്സലാം, അബുദാബി കെ. എം. സി. സി. ജനറൽ സെക്രട്ടറി അഡ്വ. മുഹമ്മദ് കുഞ്ഞി തുടങ്ങിയവർ പ്രസംഗിച്ചു.

- pma

വായിക്കുക: , , , , ,

അഭിപ്രായം എഴുതുക »

ലഹരിക്ക് എതിരെ ബഹുജന കൂട്ടായ്മ ഒരുക്കി ഇന്ത്യൻ ഇസ്ലാഹി സെന്‍റര്‍

December 1st, 2022

logo-indian-islahi-center-uae-ePathram
അബുദാബി: വർദ്ധിച്ചു വരുന്ന ലഹരി ഉപയോഗ ത്തിന്‍റെ അപകടം പൊതു ജനങ്ങളെ ബോദ്ധ്യ പ്പെടുത്തുക എന്ന ലക്ഷ്യത്തോടെ ANTI DRUG INITIATIVE 2022 എന്ന പേരില്‍ അബുദാബി ഇന്ത്യൻ ഇസ്ലാഹി സെന്‍റര്‍ ബോധ വല്‍ക്കരണ ക്യാമ്പ് സംഘടിപ്പിക്കുന്നു.

യു. എ. ഇ. ദേശീയ ദിനത്തില്‍ ഡിസംബർ 2 വെള്ളിയാഴ്ച രാത്രി 8 മണിക്ക് അബുദാബി ഇന്ത്യൻ ഇസ്ലാമിക് സെന്‍ററിൽ നടക്കുന്ന പരിപാടിയില്‍ പ്രമുഖ ഫാമിലി കൗൺസിലറും മോട്ടിവേഷൻ സ്പീക്കറുമായ ഡോക്ടർ. ജൗഹർ മുനവ്വർ, “മാറുന്ന ലോകം, മയങ്ങുന്ന മക്കൾ” എന്ന വിഷയത്തിലും ഷാർജ അൽ അസീസ് മസ്ജിദ്‌ ഇമാം ഹുസ്സൈൻ സലഫി ‘ധാർമികതയുടെ വീണ്ടെടുപ്പിന്’ എന്ന വിഷയ ത്തിലും സംസാരിക്കും എന്ന് ഇസ്ലാഹി സെന്‍റര്‍ ഭാരവാഹികള്‍ വാർത്താ സമ്മേളനത്തിൽ അറിയിച്ചു.

press-meet-indian-islahi-center-anti-drug-initiative-2022-ePathram

ലഹരിക്ക് അടിമയായി സ്വയം നശിക്കുന്ന യുവ തലമുറ നഷ്ടപ്പെടുത്തുന്നത് സ്വന്തം ഭാവി യും നല്ല നാളെയും ആണ്. ഇതിനെതിരെ ശക്തമായ ബോധ വത്കരണം അനിവാര്യം ആണെന്നും അബു ദാബി ഇന്ത്യൻ ഇസ്‌ലാഹി സെന്‍റര്‍ പ്രസിഡണ്ടും പ്രമുഖ കാര്‍ഡിയോള ജിസ്റ്റുമായ ഡോക്ടർ ബഷീർ മുഹമ്മദ് അഭിപ്രായപ്പെട്ടു. ലഹരിക്ക് അടിമപ്പെട്ട് പൗരന്‍റെ ഉത്തരവാദിത്വവും ധാര്‍മിക ബോധ വും മറന്നു പോകുന്ന ഒരു ജനതയായി മാറുന്നത് അപലപനീയം ആണെന്നും അദ്ദേഹം അഭിപ്രായപ്പെട്ടു.

ഡോക്ടർ ബഷീറിനെ കൂടാതെ സെന്‍റര്‍ സെക്രട്ടറി അബ്‌ദുൾ റഹ്‌മാൻ സെയ്തുട്ടി, മർക്കസ് മാലിക്ക് ബിൻ അനസ് പ്രിൻസിപ്പൽ സയീദ് അൽ ഹികമി, ജനറൽ സെക്രട്ടറി മുഹമ്മദ് യാസിർ വി. കെ. എന്നിവർ വാർത്താ സമ്മേളന ത്തിൽ സംബന്ധിച്ചു.

islahi-center-anti-drug-initiative-2022-ePathram

വെള്ളിയാഴ്ച രാത്രി ഇസ്ലാമിക് സെന്‍ററില്‍ നടക്കുന്ന ANTI DRUG INITIATIVE 2022 എന്ന പ്രോഗ്രാമിലേക്ക് അബുദാബി യുടെ വിവിധ ഭാഗങ്ങ ളിൽ നിന്നും സൗജന്യ വാഹന സൗകര്യം ഒരുക്കും. സ്ത്രീകള്‍ക്ക് പ്രത്യേക സൗകര്യവും ഉണ്ടായിരിക്കും എന്നും അധികൃതർ വാർത്താ സമ്മേളനത്തിൽ അറിയിച്ചു.

- pma

വായിക്കുക: , , , , , , , , , ,

അഭിപ്രായം എഴുതുക »

വിഭാഗീയതയും വർഗീയതയും മതേതര ഭാരതത്തിനു അനഭിലഷണീയം : ഹുസൈൻ സലഫി

April 23rd, 2022

hussain-salafi-islahi-center-ePathram
അബുദാബി : ലോകത്തിലെ ഏറ്റവും വലിയ ജനാധിപത്യ രാജ്യമായ ഇന്ത്യയിലെ സമകാലിക സംഭവങ്ങള്‍, രാജ്യം ഉയർത്തിപ്പിടിക്കുന്ന മൂല്യങ്ങൾക്ക് കടക വിരുദ്ധമാണ് എന്നും ന്യൂനപക്ഷങ്ങളെ അപരവത്ക്കരിക്കുന്നത് മൂലം രാജ്യം അരക്ഷിതമാവും എന്നും ഷാർജ മസ്ജിദുൽ അസീസ് ഇമാമും പ്രഗത്ഭ പണ്ഡിതനുമായ ശൈഖ് ഹുസൈൻ സലഫി അഭിപ്രായപ്പെട്ടു,

ചില മതാഘോഷങ്ങളുടെ ഭാഗമായി രാജ്യത്തുണ്ടായ ന്യൂനപക്ഷ വിരുദ്ധ അക്രമങ്ങൾ അപമാനമാണ്. രാജ്യത്തെ പൗരന്മാരുടെ വീടും ജീവിതോപാധികളും സ്റ്റേറ്റിന്‍റെ തന്നെ നേതൃത്വത്തിൽ ബുൾ ഡോസർ ഉപയോഗിച്ച് നിരപ്പാക്കുന്ന കിരാത നടപടികളെ മതേതര സമൂഹം ഒറ്റക്കെട്ടായി ചെറുക്കണം. അബുദാബി ഇന്ത്യൻ ഇസ്ലാഹി സെന്‍റർ സംഘടിപ്പിച്ച റമളാന്‍ പ്രഭാഷണത്തില്‍ സംസാരിക്കുകയായിരുന്നു അദ്ദേഹം.

audiance-islamic-center-ePathram

രാജ്യത്തെ മുഴുവൻ പൗരന്മാരുടെയും ക്ഷേമവും പുരോഗതിയുമാണ് രാജ്യത്തിന്‍റെ പുരോഗതി എന്നും വർഗ്ഗീയ സംഘർഷങ്ങൾ ആധുനിക സമൂഹത്തിനു ഒട്ടും ഭൂഷണമല്ല എന്നും അദ്ദേഹം അഭിപ്രായപ്പെട്ടു. ഇന്ത്യ പോലെയുള്ള രാജ്യത്ത് വ്യത്യസ്ത ജനങ്ങളുടെ വിശ്വാസ ത്തെയും സംസകാരത്തെയും മാനിച്ചും ബഹുമാനിച്ചും മുന്നോട്ട് പോയാൽ മാത്രമേ രാജ്യത്ത് പുരോഗതി സാദ്ധ്യമാവുകയുള്ളു. സകല വിഭാഗീയത ചിന്തകളെയും നിരാകരിച്ച വിശുദ്ധ ഖുആനിന്‍റെ അധ്യാപനങ്ങൾ ഇക്കാലത്ത് വളരെ പ്രസക്തമാണ്.

ഇരുനൂറിൽ പരം വ്യത്യസ്ഥ രാജ്യക്കാർ താമസിക്കുന്ന യു. എ. ഇ. സൗഹാർദ്ദത്തിലും സഹോദര്യത്തിലും സഹിഷ്ണുതയിലും ലോകത്തിനു തന്നെ മാതൃക ആയി മാറിയതില്‍ ഭരണാധികാരികളെ അദ്ദേഹം പ്രശംസിച്ചു .

സമൂഹത്തിലെ പാര്‍ശ്വ വല്‍ക്കരിക്കപ്പെട്ട വിഭാഗ ങ്ങളുടെ ഉന്നമനവും വിമോചനവും സമൂഹം ബാധ്യതയായി കാണണം. സമൂഹത്തിന്‍റെ അടിസ്ഥാന ആവശ്യമായ പാര്‍പ്പിടം, ഭക്ഷണം, വസ്ത്രം, തൊഴില്‍ എന്നിവ ലഭ്യമാ ക്കുന്നതില്‍ കൂട്ടായ പരിശ്രമങ്ങള്‍ ഉണ്ടാവണം.

യു. എ. ഇ. ഇസ്ലാഹി സെന്‍റർ ജനറൽ സെക്രട്ടറി ശംസുദ്ധീൻ അജ്‌മാൻ അദ്ധ്യക്ഷത വഹിച്ചു. അൽ റാഷിദ് ഖുർആൻ സ്റ്റഡി സെന്‍റർ പ്രസിഡണ്ട് അബ്ദുസ്സലാം അലപ്പുഴ പരിപാടി ഉൽഘാടനം ചെയ്ത. അബുദാബി ഇസ്ലാമിക് സെന്‍റർ ജനറൽ സെക്രട്ടറി ടി. കെ. അബ്ദുൽ സലാം, അബ്ദുല്ലാ ഫാറൂഖി, ഷുക്കൂറലി കല്ലിങ്ങൽ (കെ. എം. സി. സി.), സലീം ചിറക്കൽ (മലയാളി സമാജം), സഈദ് ചാലിശ്ശേരി (ഇസ്‌ലാഹി സെൻറർ) തുടങ്ങിയവര്‍ സംബന്ധിച്ചു.

- pma

വായിക്കുക: ,

അഭിപ്രായം എഴുതുക »

ഹുസൈന്‍ സലഫിയുടെ റമളാന്‍ പ്രഭാഷണം ബുധനാഴ്ച

April 18th, 2022

islahi-center-press-meet-ePathram
അബുദാബി : ഇന്ത്യന്‍ ഇസ്വ്‌ലാഹി സെന്‍റര്‍ സംഘടിപ്പി ക്കുന്ന റമളാന്‍ പ്രഭാഷണം 2022 ഏപ്രില്‍ 20 ബുധനാഴ്ച രാത്രി 9.30 നു അബുദാബി ഇന്ത്യന്‍ ഇസ്ലാമിക് സെന്‍ററില്‍ നടക്കും എന്നു സംഘാടകര്‍ വാര്‍ത്താ സമ്മേളനത്തില്‍ അറിയിച്ചു. പണ്ഡിതനും ഷാര്‍ജ മസ്‌ജിദുല്‍ അസീസ് ഖത്വീബുമായ ഹുസൈന്‍ സലഫി ‘നരകം എത്ര ഭയാനകം, നമുക്കും വേണ്ടേ മോചനം’ എന്ന വിഷയ ത്തില്‍ പ്രഭാഷണം നടത്തും. റമളാൻ അവസാന പത്തിൻ്റെ സവിശേഷത മുൻ നിറുത്തി വളരെ പ്രസക്തമായ ഒരു വിഷയമാണ് കൈകാര്യം ചെയ്യുന്നത് എന്ന് സംഘാടകർ അറിയിച്ചു. ഹുസൈന്‍ സലഫിയുടെ അബുദാബിയിലെ ആദ്യ പൊതു പരിപാടി കൂടിയാണ് ഇത്.

വാര്‍ത്താ സമ്മേളനത്തില്‍ അബുദാബി ഇന്ത്യന്‍ ഇസ്വ്‌ലാഹി സെന്‍റര്‍ സെക്രട്ടറി സലാഹുദ്ധീന്‍, ട്രഷറർ സാജിദ് പറയരുകണ്ടി, സ‌ഈദ് അല്‍ ഹികമി ചാലിശ്ശേരി എന്നിവര്‍ സംബന്ധിച്ചു.

വിവിധ എമിറേറ്റുകളില്‍ നിന്നും വാഹന സൗകര്യം ഏര്‍പ്പാട് ചെയ്തിട്ടുണ്ട്. സ്ത്രീകള്‍ക്ക് പ്രത്യേക സൗകര്യം ഉണ്ടായിരിക്കും. കൂടുതല്‍ വിവരങ്ങള്‍ക്ക് 054-394 2942 എന്ന നമ്പറില്‍ ബന്ധപ്പെടുക.

- pma

വായിക്കുക: , , ,

അഭിപ്രായം എഴുതുക »

നൂറുല്‍ ഖുര്‍ ആന്‍ വിജ്ഞാന പരീക്ഷ നവംബർ 15 നു നടക്കും

October 20th, 2019

dubai-international-holy-quran-award-ePathram
അബുദാബി : അമാനി മൗലവിയുടെ വിശുദ്ധ ഖുര്‍ആന്‍ വിവരണം – ജുസ്ഉ്‌ 22 നെ അടി സ്ഥാനപ്പെടുത്തി ഇന്ത്യന്‍ ഇസ്ലാഹി സെന്റര്‍ യു. എ. ഇ. തല ത്തില്‍ സംഘടിപ്പി ക്കുന്ന ‘നൂറുൽ ഖുര്‍ ആന്‍’ വിജ്ഞാന പരീക്ഷ യുടെ പ്രാഥമിക പരീക്ഷ നവംബർ 15 വെള്ളി യാഴ്ച നടക്കും എന്നു സംഘാടകര്‍ അറിയിച്ചു. ജുസ്‌ഉ്‌ 22 ല്‍ വരുന്ന എല്ലാ ഭാഗ ങ്ങളും പരീക്ഷ യില്‍ വരുന്നതാ യിരിക്കും. അപേക്ഷ സ്വീകരിക്കുന്ന അവസാന തിയ്യതി നവംബർ 9.

പ്രാഥമിക പരീക്ഷയില്‍ 50 ശതമാനത്തില്‍ അധികം മാര്‍ക്ക് വാങ്ങുന്നവരെ ഉള്‍പ്പെടുത്തി യുള്ള അവസാന പരീക്ഷ (ഫൈനല്‍ എക്സാം) നവംബര്‍ 29 വെള്ളിയാഴ്ച യും നടക്കും. സ്ത്രീ കള്‍ക്കും പുരുഷന്മാര്‍ക്കും പ്രത്യേകം സ്ഥല സൗകര്യങ്ങള്‍ ഒരുക്കിയിട്ടുണ്ട് എന്നും സംഘാടകര്‍ അറിയിച്ചു.

വിവരങ്ങള്‍ക്ക്: 055 241 0460 (മുഹമ്മദ്‌ യാസർ. വി. കെ.).

- pma

വായിക്കുക: , , , ,

അഭിപ്രായം എഴുതുക »

1 of 3123

« Previous « ഇശല്‍ ബാന്‍ഡ് ഗാനോത്സവ് ശ്രദ്ധേയമായി
Next Page » മൗലിദ് മജ്‌ലിസ് നവംബർ 7 നു ഇസ്‌ലാമിക് സെന്ററിൽ »



  • മെഹ്ഫിൽ ഹ്രസ്വ ചിത്ര-മാധ്യമ പുരസ്കാരങ്ങൾ സമ്മാനിച്ചു
  • ബാഫഖി തങ്ങളുടെ സംഭാവന പുതു തലമുറ പഠന വിഷയം ആക്കണം : എം. എ. റസാഖ് മാസ്റ്റർ
  • ഹെൽത്ത് കെയർ വീഡിയോ സീരിസ് എച്ച് ഫോർ ഹോപ്പ് പുറത്തിറങ്ങി
  • കെ. എം. സി. സി. ഇവന്റസ്‌ ഓഫീസ് തുറന്നു പ്രവർത്തനം ആരംഭിച്ചു
  • സിഗ്നലിൽ ചുവപ്പ് ലൈറ്റ് മറി കടന്നാൽ 1000 ദിർഹം പിഴ
  • ഡോ. ഷംഷീർ വയലിൽ അനുശോചനം അറിയിച്ചു.
  • എയർ പോർട്ട് സിറ്റി ചെക്ക്-ഇന്‍ സേവനം മുസ്സഫ ഷാബിയയിലും
  • ശൈ​ഖ് ത​ഹ്‍​നൂ​ൻ ബി​ൻ മുഹമ്മദ് അല്‍ നഹ്യാന്‍ അന്തരിച്ചു
  • വീണ്ടും മഴ മുന്നറിയിപ്പ് : മുന്നോടിയായി പൊടിക്കാറ്റ് വീശുന്നു
  • മെഹ്ഫിൽ അവാർഡ് നിശ മെയ്‌ 12 ഞായറാഴ്ച ഷാർജയിൽ
  • മഠത്തിൽ മുസ്തഫയുടെ ചിത്രം ലൈബ്രറിയിൽ സ്ഥാപിച്ചു
  • ദുബായ് വിമാനത്താവളം സാധാരണ നിലയിലേക്ക്
  • ഈദ് പ്രോഗ്രാം ‘ശവ്വാൽ നിലാവ്’ ശ്രദ്ധേയമായി
  • വിഷു – ഈദ് – ഈസ്റ്റർ ആഘോഷങ്ങൾ സംഘടിപ്പിച്ചു
  • കെ. എസ്. സി. സംഘടിപ്പിച്ച ഈദ് വിഷു ഈസ്റ്റർ ആഘോഷം വേറിട്ടതായി
  • യൂസഫലിയുടെ പ്രവാസത്തിൻ്റെ അര നൂറ്റാണ്ട് : 50 കുട്ടികൾക്ക് പുതു ജീവൻ പകർന്ന് ഗോൾഡൻ ഹാർട്ട് ഇനിഷ്യേറ്റീവ്
  • ക്രിക്കറ്റ് ടൂർണ്ണമെൻ്റ് : മാർത്തോമാ യുവജന സഖ്യം ജേതാക്കൾ
  • സസ്നേഹം സമസ്യ : സാഹിത്യ സദസ്സും ആദരിക്കലും
  • ഈദുൽ ഫിത്വർ അവധി ദിനങ്ങൾ
  • ജിമ്മിജോർജ്ജ് സ്മാരക വോളി : എൽ. എൽ. എച്ച്. ഹോസ്പിറ്റൽ ജേതാക്കൾ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine