ദുബായ് : വിവിധ സർക്കാർ സ്ഥാപനങ്ങളുടെയും പ്രമുഖ വ്യാപാര സ്ഥാപനങ്ങളുടെ പേരിലും ഉള്ള ഇ-മെയിൽ വഴി ലഭിക്കുന്ന വ്യാജ ക്യു-ആർ കോഡുകൾ, ലിങ്കുകൾ എന്നിവയിലൂടെ തട്ടിപ്പ് ശ്രമങ്ങൾ നടക്കുന്നതായി അധികൃതർ മുന്നറിയിപ്പ് നൽകി.
അടിയന്തര സേവനങ്ങൾ വാഗ്ദാനം ചെയ്ത് സോഷ്യൽ മീഡിയ വഴിയും ഇത്തരം കോഡുകൾ വ്യാപകമായി പ്രചരിക്കുന്നു എന്നും മുന്നറിയിപ്പിൽ പറയുന്നു. ഇവ സ്കാൻ ചെയ്താൽ വ്യക്തി വിവരങ്ങളും സാമ്പത്തിക ഡാറ്റയും മോഷ്ടിക്കാൻ ശ്രമിക്കുന്ന സൈറ്റുകളിൽ അല്ലെങ്കിൽ മാൽ വെയർ ഇൻസ്റ്റാൾ സംവിധാനങ്ങളിൽ എത്താൻ സാദ്ധ്യതയുണ്ട്.
ക്യു-ആർ കോഡുകൾ സ്കാൻ ചെയ്യുന്നതിന് മുമ്പ് ഇ-മെയിലുകളുടെ ഉറവിടം പരിശോധിക്കുക. സംശയാസ്പദമായ ലിങ്കുകളിൽ ക്ലിക്ക് ചെയ്യുകയോ വിശ്വസനീയമല്ലാത്ത ക്യു-ആർ കോഡുകൾ സ്കാൻ ചെയ്യുവാനോ പാടില്ല. വ്യക്തിഗത വിവരങ്ങൾ പങ്കു വെക്കരുത്.
സംശയകരമായ Q R കോഡുകൾ സ്കാൻ ചെയ്യാനും വെബ് സൈറ്റുകൾ തിരിച്ചറിയാനും വേണ്ടി ഡി. ഇ. എസ്. സി. വികസിപ്പിച്ച ‘ആർസാം’ RZAM ആപ്പ് ഉപയോഗിക്കണം എന്നും നിർദ്ദേശം നൽകിയിട്ടുണ്ട്
- pma
അനുബന്ധ വാര്ത്തകള്
വായിക്കുക: scam, ഇന്റര്നെറ്റ്, തട്ടിപ്പ്, ദുബായ്, നിയമം, യു.എ.ഇ., സാമ്പത്തികം
