ദുബായ് : കാത്തിരിപ്പിന് വിരാമമിട്ടുകൊണ്ട് വിസ്മയ ജാലകം ദുബായ് ഫ്രെയിം കാഴ്ചക്കാർക്കായി ജനുവരി ഒന്നിന് തുറക്കും. ദുബായ് മുനിസിപ്പാലിറ്റി ഡയറക്ടർ ജനറൽ ഹുസൈൻ നാസർ ലൂത്തയാണ് സന്തോഷവാർത്ത ജനങ്ങളെ അറിയിച്ചത്.
പുതുവർഷത്തിൽ വിനോദ സഞ്ചാരികളും സന്ദർശകരും പ്രവഹിക്കുന്നത് ദുബായിൽ തല ഉയർത്തി നിൽക്കുന്ന ഈ മനോഹര സ്തൂപം കാണാനും കയറാനും ആയിരിക്കുമെന്നാണ് കരുതുന്നത്. മാധ്യമപ്രവർത്തകർ ദുബായ് ഫ്രെയിം സന്ദർശിച്ചു.
