അബുദാബി : ഗതാഗത വകുപ്പിന്റെ (DoT) ‘മവാഖിഫ് പെയിഡ് പാര്ക്കിംഗ്’ സംവിധാനം ഉപയോഗി ക്കുന്ന വര്ക്ക് റമദാന് മാസത്തില് പ്രത്യേക സൌജന്യം പ്രഖ്യാപിച്ചു. റമദാന് ആദ്യ ദിവസം മുതല് അവസാന ദിവസം വരെയാണ് ഈ സൌജന്യം. വൈകിട്ട് നാല് മുതല് രാത്രി ഒമ്പത് വരെയും പുലര്ച്ചെ രണ്ട് മുതല് രാവിലെ ഒമ്പത് വരെയും സൌജന്യ പാര്ക്കിംഗ് ആയിരിക്കും. എന്നാല് രാവിലെ ഒമ്പത് മുതല് വൈകിട്ട് നാല് വരെയും രാത്രി ഒമ്പത് മുതല് പുലര്ച്ചെ രണ്ട് വരെയും പാര്ക്ക് ചെയ്യുന്നവര് ഇപ്പോള് നല്കി ക്കൊണ്ടിരിക്കുന്ന ഫീസ് അടക്കണം.
മറീന മാള്, ഹംദാന് സ്ട്രീറ്റ് എന്നിവിട ങ്ങളിലെ ഡിപ്പാര്ട്ട്മെന്റ് ഓഫ് ട്രാന്സ്പോര്ട്ട്(DoT) കസ്റ്റമര് കെയര് സെന്ററു കളിലും റമദാനില് സമയ മാറ്റം ഉണ്ട്.
മറീന മാളിലെ കസ്റ്റമര് കെയര് സെന്റര്, രാവിലെ ഒമ്പത് മുതല് വൈകീട്ട് നാല് വരെ ഞായര് മുതല് വ്യാഴം വരെ യുള്ള ദിവസങ്ങളില് പ്രവര്ത്തിക്കും.
ഹംദാന് സ്ട്രീറ്റിലെ കസ്റ്റമര് കെയര് സെന്റര്, ശനിയാഴ്ച മുതല് വ്യാഴാഴ്ച വരെ രാവിലെ എട്ടു മണി മുതല് ഉച്ചക്ക് രണ്ടു മണി വരെയും രാത്രി ഒമ്പതു മണി മുതല് പുലര്ച്ചെ ഒരു മണി വരെ യും വെള്ളിയാഴ്ച രാവിലെ ഒമ്പതു മണി മുതല് ഉച്ചയ്ക്ക് ഒരു മണി വരെ യും പ്രവര്ത്തി ക്കുന്ന തായിരിക്കും എന്നും ഗതാഗത വകുപ്പിന്റെ അറിയിപ്പില് ഉണ്ട്.
അബുദാബി: ഒക്ടോബര് 11 മുതല് യു. എ. ഇ. യില് ബ്ലാക്ബെറി സേവനം നിര്ത്തലാക്കും എന്ന് ടെലി കമ്മ്യൂണി ക്കേഷന്സ് റെഗുലേറ്ററി അതോറിറ്റി (ടി. ആര്. എ.) അറിയിച്ചു. ബ്ലാക്ബെറി യിലൂടെ ഉള്ള ഇ- മെയില്, വെബ് ബ്രൌസിംഗ്, മെസ്സേജിംഗ്, സോഷ്യല് നെറ്റ് വര്ക്കിംഗ് സേവനങ്ങ ളാണ് നിര്ത്ത ലാക്കുക. ദേശീയ സുരക്ഷാ കാരണങ്ങളാലാണ് ഇതെന്നും അറിയുന്നു. നിയമം, സാമൂഹ്യ വ്യവസ്ഥ, ദേശീയ സുരക്ഷ എന്നിവയെ ബാധിക്കുന്ന തരത്തിലാണ് ബ്ലാക്ബെറി യുടെ നിലവിലെ പ്രവര്ത്തനം എന്നതി നാലാണ് നിരോധനം ഏര്പ്പെടുത്തുന്നത്. 2006ല് നിലവില് വന്ന നിയമ പ്രകാര മാണ് ബ്ലാക്ബെറി വിവര ങ്ങള് നിയന്ത്രിക്ക പ്പെടുന്നത്. വിദേശ വാണിജ്യ സ്ഥാപനം നേരിട്ട് കൈകാര്യം ചെയ്യുന്ന ഏക ഇന്റ്ര് നെറ്റ് സംവിധാന മായ ബ്ലാക്ക്ബെറി യില് വിവര ങ്ങള് രാജ്യത്തിന് പുറത്തേക്ക് എത്തിച്ച് അവിടെ യാണ് നിയന്ത്രി ക്കുന്നത്. സാങ്കേതിക പരമായ പ്രശ്നങ്ങള് കാരണം ബ്ളാക്ക്ബെറി സേവന ങ്ങള്, നിബന്ധന കള്ക്ക് അനുസരിച്ച് പ്രവര്ത്തി ക്കാന് സാധിക്കാതെ വരിക യായിരുന്നു വെന്നും പുതിയ നിയമ നിര്മാണം പരിഗണന യിലാണെന്നും ബന്ധപ്പെട്ടവര് അറിയിച്ചു. മൊബൈല് ഉപയോഗി ക്കുന്നവര്ക്ക് ഇടയില് വ്യാപക മായി ക്കൊണ്ടി രിക്കുന്ന ബ്ലാക്ബെറി ക്ക് യു. എ. ഇ. ടെലി കമ്മ്യൂണി ക്കേഷന്സ് നിബന്ധന കള്ക്ക് അനുസരിച്ച് പ്രവര്ത്തി ക്കാന് സാധിക്കുന്നില്ല എന്ന കാര്യത്തില് ബന്ധപ്പെട്ട വര് നേരത്തെ ആശങ്ക പ്രകടി പ്പിച്ചിരുന്നു.
അബുദാബി : ‘പരിസ്ഥിതിയും വികസനവും’ എന്ന വിഷയ ത്തില് കല അബുദാബി സെമിനാര് സംഘടിപ്പി ക്കുന്നു. പ്രമുഖ പരിസ്ഥിതി പ്രവര്ത്ത കനും, മാടായി പരിസ്ഥിതി പരിരക്ഷണ സമിതി ചെയര്മാനു മായ പി. പി. കൃഷ്ണന് മാസ്റ്റര് മുഖ്യ പ്രഭാഷണം നടത്തും. ജൂലായ് 29 വ്യാഴാഴ്ച വൈകീട്ട് 8:30 ന് അബുദാബി മലയാളി സമാജത്തില് നടക്കുന്ന സെമിനാറില് പ്രമുഖ സാമൂഹിക പ്രവര്ത്ത കരും പങ്കെടുക്കും. വിവര ങ്ങള്ക്ക് വിളിക്കുക: 050 27 37 406
അബുദാബി : അഹല്യ ആശുപത്രി സംഘടിപ്പിക്കുന്ന രക്തദാന ക്യാമ്പ് ജൂലായ് 18 ഞായറാഴ്ച അബുദാബി ഹംദാന് സ്ട്രീറ്റിലെ അഹല്യ ആശുപത്രി യില് വെച്ച് നടത്തും. ‘GIVE BLOOD – GIVE LIFE’ എന്ന മുദ്രാവാക്യ വുമായി ഒരുക്കുന്ന രക്തദാന ക്യാമ്പ് രാവിലെ 8:30 മുതല് ഉച്ചക്ക് 12:30 വരെ ഉണ്ടായിരിക്കും. വിവരങ്ങള്ക്ക് വിളിക്കുക ഉമേഷ് 02 62 62 666
