അബുദാബിയിലേക്ക് അജ്മാനിൽ നിന്നും പുതിയ ബസ്സ് സർവ്വീസ്

November 22nd, 2022

capital-express-new-bus-service-from-ajman-to-abu-dhabi-ePathram

അജ്‌മാൻ : അബുദാബിയിലേക്ക് അതിവേഗ ബസ്സ് സർവ്വീസുമായി അജ്‌മാൻ ട്രാൻസ്‌പോർട്ട് അഥോറിറ്റി. ആഴ്ചയിൽ എല്ലാ ദിവസവും അജ്മാനിൽ നിന്നും അബു ദാബിയിലേക്കും തിരിച്ച് അജ്മാനിലേക്കും സർവ്വീസ് നടത്തുന്നതിനായി ക്യാപിറ്റൽ എക്സ്പ്രസ്സ് ബസ്സ് കമ്പനി യുമായി അജ്‌മാൻ ഗതാഗത വകുപ്പ് ധാരണാ പത്ര ത്തിൽ ഒപ്പു വെച്ചു.

കരാര്‍ പ്രകാരം അജ്മാൻ എമിറേറ്റിലെ അൽ മുസല്ല ബസ്സ് സ്റ്റേഷനിൽ നിന്നും അബുദാബി എമിറേറ്റിലേ ക്കും തിരിച്ചും ദിവസവും 4 ഫാസ്റ്റ് ലൈൻ ബസ്സുകൾ ഒരുക്കും. ഒരു വശത്തേക്കുള്ള ടിക്കറ്റ് നിരക്ക് 35 ദിർഹം ആയിരിക്കും.

അജ്മാനിൽ നിന്ന് ആദ്യ ട്രിപ്പ് ദിവസവും രാവിലെ 7 മണിക്ക് പുറപ്പെടും. അവസാന ട്രിപ്പ് വൈകുന്നേരം 6 മണിക്കും ആയിരിക്കും.

അതു പോലെ അബുദാബി ബസ്സ് സ്റ്റേഷനിൽ നിന്നും അജ്മാനിലേക്കുള്ള ആദ്യ ട്രിപ്പ് രാവിലെ 10 മണിക്ക് ആരംഭിക്കും. വൈകുന്നേരം 9 മണിക്ക് ആയിരിക്കും അവസാന ബസ്സ്.

- pma

വായിക്കുക: , , ,

അഭിപ്രായം എഴുതുക »

മലയാളം മിഷൻ അജ്മാൻ ചാപ്റ്റർ രൂപീകരിച്ചു

October 17th, 2022

logo-malayalam-mission-of-kerala-government-ePathram
അജ്മാൻ : മലയാളം മിഷൻ അജ്മാൻ ചാപ്റ്റർ ഉദ്ഘാടനം പ്രശസ്ത കവിയും മലയാളം മിഷൻ ഡയറക്ടറുമായ മുരുകൻ കാട്ടാക്കട നിർവ്വഹിച്ചു. പ്രവാസി കുട്ടികളുടെ മലയാള ഭാഷാ പഠനത്തിനായി പ്രവർത്തിക്കുന്ന മലയാളം മിഷൻ 2018 ജനുവരി മുതൽ യു. എ. ഇ. ചാപ്റ്ററിനു കീഴിൽ അജ്മാനിൽ ഒരു മേഖലയായി പ്രവർത്തിച്ചു വരികയായിരുന്നു.

murukan-kattakkada-inaugurate-malayalam-mission-ajman-chapter-ePathram

മലയാളം മിഷൻ അജ്മാൻ ചാപ്റ്റർ മുരുകൻ കാട്ടാക്കട ഉദ്ഘാടനം ചെയ്യുന്നു

പുതിയ ചാപ്റ്ററായി അജ്മാൻ മേഖല മാറിയതോടെ പുതിയ ഭരണ സമിതി നിലവിൽ വന്നു. മലയാളം മിഷൻ ചാപ്റ്റർ ചെയർമാൻ ഷംസു സമാൻ, പ്രസിഡണ്ട് ഫാമി ഷംസുദ്ദീൻ, സെക്രട്ടറി ജാസിം മുഹമ്മദ്‌, വൈസ്‌ പ്രസിഡണ്ട് പ്രജിത്ത്‌, ജോയിന്‍റ് സെക്രട്ടറി ഷെമിനി സനിൽ, ജനറൽ കൺ വീനർ ദീപ്തി ബിനു, ചാപ്റ്റർ കൺവീനർ അഞ്ചു ജോസ്‌ മറ്റ്‌ 13 ജനറൽ കൗൺസിൽ അംഗങ്ങൾ എന്നിവർ അടങ്ങിയ താണു പുതിയ ഭരണ സമിതി.

അജ്മാൻ ഹാബിറ്റാറ്റ് സ്കൂളിൽ നടന്ന അമ്മ മലയാളം എന്ന ഈ പരിപാടിയിൽ വെച്ച്‌ മലയാളം മിഷൻ ഡയറക്ടർ മുരുകൻ കാട്ടാക്കട അജ്മാൻ ചാപ്റ്റർ അദ്ധ്യാപകര്‍ക്ക് ഐ. ഡി. കാര്‍ഡ്, കണിക്കൊന്ന പഠനോത്സവ ത്തിലെ വിജയികളായ കുട്ടികൾക്കുള്ള സർട്ടിഫിക്കറ്റ് എന്നിവ വിതരണം ചെയ്തു.

അജ്മാൻ ചാപ്റ്റർ സെക്രട്ടറി ജാസിം മുഹമ്മദ് സ്വാഗതം പറഞ്ഞു. ചാപ്റ്റർ പ്രസിഡണ്ട് ഫാമി ഷംസുദ്ധീൻ അദ്ധ്യക്ഷത വഹിച്ചു. മലയാളം മിഷൻ യു. എ. ഇ. പ്രവർത്തനങ്ങളെ കുറിച്ച് കോഡിനേറ്റർ കെ. എൽ. ഗോപി വിശദമാക്കി.

വിവിധ സംഘടന പ്രതിനിധികൾ ആശംസകൾ നേര്‍ന്നു. ചാപ്റ്റർ കൺവീനർ ദീപ്തി ബിനു നന്ദി പറഞ്ഞു. കുട്ടികളും അദ്ധ്യാപകരും ചേർന്ന് അവതരിപ്പിച്ച വിവിധ കലാ പരിപാടികളും അരങ്ങേറി. മലയാളം മിഷൻ അജ്മാൻ ; ഫേയ്സ് ബുക്ക് പേജ്.

- pma

വായിക്കുക: , , , , , , , ,

അഭിപ്രായം എഴുതുക »

പി. ശ്രീരാമ കൃഷ്ണന് ഇന്ത്യൻ സോഷ്യൽ സെന്‍റര്‍ അജ്‌മാൻ സ്വീകരണം നൽകി

September 14th, 2022

isc-ajman-reception-to-p-sree-rama-krishnan-ePathram
അജ്മാന്‍ : കേരള നിയമസഭാ മുൻ സ്‌പീക്കറും നോർക്ക റെസിഡന്‍റ് വൈസ് ചെയർമാനുമായ പി. ശ്രീരാമ കൃഷ്‌ണന്‌ ഇന്ത്യൻ സോഷ്യൽ സെന്‍റർ അജ്‌മാൻ സ്വീകരണം നൽകി.

വടക്കൻ എമിറേറ്റുകളിൽ ഒന്നായ അജ്മാനിൽ ഇന്ത്യൻ കമ്മ്യൂണിറ്റിക്ക് വേണ്ടി നില കൊള്ളുന്ന ഇന്ത്യൻ സോഷ്യൽ സെന്‍റർ നടത്തുന്ന പ്രവർത്തനങ്ങളെ അദ്ദേഹം ശ്ലാഘിച്ചു. നോര്‍ക്ക റൂട്ട്സ് നടപ്പിലാക്കിയ വിവിധ പ്രവാസി ക്ഷേമ പദ്ധതികൾ അജ്മാനിലെ മലയാളികൾക്ക്‌ ലഭ്യമാക്കുന്നതിൽ സംഘടന നടത്തുന്ന ഇടപെടലുകൾ പ്രശംസാർഹം തന്നെയാണ്. കേരളം അന്യ നാടുകളിൽ വ്യത്യസ്തമായി നില നിൽക്കുന്നതിൽ ഒരോ സംഘടനക്കും വ്യക്തമായ പങ്കുണ്ട് എന്ന് സ്വീകരണ യോഗത്തിൽ എന്നും അദ്ദേഹം പറഞ്ഞു.

കൊവിഡ് ഭീതി വിതച്ച കാലയളവിൽ നോർക്ക ഹെല്പ് ഡെസ്ക് ആയി പ്രവർത്തിച്ച ഇന്ത്യൻ സോഷ്യൽ സെന്‍റർ അജ്‌മാൻ, പിന്നീട് പത്തോളം ഫ്ലൈറ്റുകള്‍ ഇന്ത്യയിലെ വിവിധ ഭാഗങ്ങളിലേക്ക് ചാർട്ട് ചെയ്ത് ആളുകളെ നാട്ടിൽ എത്തിച്ചിരുന്നു.

ഐ. എസ്. സി. പ്രസിഡണ്ട് ജാസ്സിം മുഹമ്മദ് സ്വീകരണ യോഗത്തില്‍ അദ്ധ്യക്ഷത വഹിച്ചു. സെക്രട്ടറി ചന്ദ്രൻ സ്വാഗതവും ജോയിന്‍റ് ട്രഷറർ അഫ്സൽ നന്ദിയും പറഞ്ഞു. വിവിധ സംഘടനകളെ പ്രതിനിധീകരിച്ച് അബ്ദുൾ ഹമീദ്, പ്രേം കുമാര്‍ എന്നിവര്‍ ആശംസകൾ നേര്‍ന്നു.

- pma

വായിക്കുക: , , , , ,

അഭിപ്രായം എഴുതുക »

ഐ. എസ്. സി. അജ്മാൻ പുതിയ ഭരണ സമിതി നിലവില്‍ വന്നു

June 19th, 2022

logo-isc-ajman-indian-social-centre-ePathram
അജ്മാൻ : ഇന്ത്യൻ സോഷ്യൽ സെന്‍റർ അജ്മാൻ 2022-23 പ്രവർത്തന വർഷത്തേക്കുള്ള മാനേജിംഗ്‌ കമ്മിറ്റി രൂപീകരിച്ചു. ജാസിം മുഹമ്മദ്‌ (പ്രസിഡണ്ട്), ചന്ദ്രൻ ബേപ്പു (ജനറൽ സെക്രട്ടറി), വിനോദ്‌ കുമാർ (ട്രഷറർ) എന്നിവരാണ് പ്രധാന ഭാരവാഹികൾ. ഗിരീഷ്‌ (വൈസ്‌ പ്രസിഡണ്ട്), ലേഖ സിദ്ധാർത്ഥ് (ജോയിന്‍റ് സെക്രട്ടറി), അഫ്സൽ ഹസൈൻ (ജോയിന്‍റ് ട്രഷറർ), റഷാദ് കെ. പി., അബ്ദുൽ റഷീദ് (ഓഡിറ്റർമാർ) എന്നിവർ മറ്റു ഭാര വാഹികൾ.

isc-indian-social-center-ajman-committee-2022-23-ePathram

ഐ. എസ്. സി. അജ്മാൻ മാനേജിംഗ്‌ കമ്മിറ്റി പ്രധാന ഭാരവാഹികള്‍

വിവിധ വിഭാഗങ്ങളിലെ കൺവീനർമാരായി സനിൽ കാട്ടകത്ത്‌ (കലാ വിഭാഗം), പ്രഘോഷ്‌ അനിരുദ്ധ്‌ (കായിക വിഭാഗം), രാജേന്ദ്രൻ പുന്നപ്പള്ളി (സാഹിത്യ വിഭാഗം), ഫൈഹ ബഷീർ (വനിതാ വിഭാഗം), ഫാമി ഷംസുദ്ദീൻ (യൂത്ത്‌ & ചിൽഡ്രൻ), അഡ്വ. ഫെമിൻ പണിക്കശ്ശേരി (വെൽഫെയർ കമ്മിറ്റി), പ്രജിത്ത് വി. വി. (ഓഫീസ് മെയിന്‍റനൻസ്), ഗിരീശൻ കട്ടാമ്പിൽ (റവന്യു & ഡെവലപ്മെന്‍റ്), ഷബീർ ഇസ്മായിൽ (പി. ആർ. & മീഡിയ) എന്നിവരെ തെരഞ്ഞെടുത്തു.

മുഹമ്മദ് അലി ചാലിൽ, സക്കീർ ഹുസൈൻ, സുജി കുമാർ പിള്ള, സാജിഫ് അഷറഫ്, ജോയി രാമചന്ദ്രൻ, അനന്ദൻ മുരിക്കശ്ശേരി, പ്രേം കുമാർ, ഷിഹാസ് ഇക്‌ബാൽ, സജീം അബ്ദുൽ സലാം, രാജൻ മടവൂർ, ഷിബു ഇബ്രാഹിം എന്നിവരാണ് മറ്റു മാനേജിംഗ്‌ കമ്മിറ്റി അംഗങ്ങൾ.

ചന്ദ്രൻ ബേപ്പൂ വാർഷിക പ്രവർത്തക റിപ്പോർട്ടും പ്രജിത്ത് വാർഷിക ഫൈനാൻസ് റിപ്പോർട്ടും അവതരിപ്പിച്ചു. അബ്ദുൾ മജീദ് റിട്ടേർണിംഗ് ഓഫീസർ ആയ ജനറൽ ബോഡി മീറ്റിംഗിൽ വിനോദ് കുമാർ നന്ദി രേഖപ്പെടുത്തി.

- pma

വായിക്കുക: , , , ,

അഭിപ്രായം എഴുതുക »

എൻസെംബിൾ തിയ്യേറ്റർ ഫെസ്റ്റ് സമാപിച്ചു

February 20th, 2022

isc-ensemble-theatre-fest-ajman-drama-ePathram
അജ്മാന്‍ : നെടുമുടി വേണുവിന്‍റെ സ്മരണാര്‍ത്ഥം ഇന്ത്യൻ സോഷ്യൽ സെന്‍റർ അജ്മാന്‍ സംഘടിപ്പിച്ച എൻസെംബിൾ തിയ്യേറ്റർ ഫെസ്റ്റ് സമാപിച്ചു. ചടങ്ങിൽ മുഖ്യ അതിഥിയായ നടൻ ശിവജി ഗുരുവായൂർ സമാപന സമ്മേളനം ഉദ്ഘാടനം ചെയ്തു.

ചമയം തീയ്യേറ്റർ ഷാർജ അവതരിപ്പിച്ച ‘കൂമൻ’ ഒന്നാം സ്ഥാനം കരസ്ഥമാക്കി. അൽ ഖൂസ് തീയ്യേറ്റർ ദുബായ് അവതരിപ്പിച്ച ‘വില്ലേജ് ന്യൂസ് എന്ന നാടകത്തിനാണ് രണ്ടാംസ്ഥാനം. മികച്ച സംവിധായകൻ പ്രകാശ് തച്ചങ്ങാട് (കൂമൻ), മികച്ച നടൻ നൗഷാദ് ഹസൻ, മികച്ച നടി ശീതൾ ചന്ദ്രൻ എന്നിവരാണ്.

മികച്ച നടിക്കുള്ള സ്‌പെഷ്യൽ ജൂറി അവാർഡിന് സോണിയ (വില്ലേജ് ന്യുസ്) അർഹയായി. സഹ നടനായി ‘പത്താം ഭവനം’ എന്ന നാടകത്തിലൂടെ സാജിദ്‌ കൊടിഞ്ഞി യും സഹ നടിയായി ‘ആരാണ് കള്ളൻ’ എന്ന നാടകത്തിലെ ദിവ്യ ബാബുരാജിനെയും ബാല താരമായി അതുല്യ രാജി നെയും തെരഞ്ഞെടുത്തു.

‘ദ് ബ്‌ളാക്ക് ഡേ’ എന്ന നാടകത്തിൽ പ്രകാശ വിതാനം ചെയ്ത അസ്‌കർ, രംഗ സജ്ജീകരണം ചെയ്ത ശ്രീജിത്ത്, ചമയം ഒരുക്കിയ ഗോകുൽ അയ്യന്തോൾ എന്നിവരും പുരസ്‌കാര ങ്ങൾക്ക് അർഹരായി. മികച്ച പശ്ഛാത്തല സംഗീത ത്തിനു ഷെഫി അഹമദും മനോരഞ്ജനും പുരസ്കാരം നേടി (കൂമൻ).

ഇന്ത്യൻ സോഷ്യൽ സെന്‍റര്‍ പ്രസിഡണ്ട് ജാസിം മുഹമ്മദ് പുരസ്കാര ജേതാക്കളെ പ്രഖ്യാപിച്ചു. വിജയികള്‍ക്ക് ക്യാഷ് അവാർഡ്, പ്രശസ്തി പത്രം, ആര്‍ട്ടിസ്റ്റ് നിസ്സാർ ഇബ്രാഹിം രൂപ കൽപന ചെയ്ത ശില്പം എന്നിവ സമ്മാനിച്ചു. കേരളത്തിൽ നിന്നുള്ള നാടക പ്രവർത്തകരായ വാസൻ പുത്തൂർ, രാജു പൊടിയാൻ, ഐ. എസ്. സി. ജനറൽ ജനറൽ സെക്രട്ടറി സുജി കുമാർ പിള്ള, ട്രഷറർ ഗിരീഷൻ എന്നിവർ പ്രസംഗിച്ചു.

- pma

വായിക്കുക: , , , ,

അഭിപ്രായം എഴുതുക »

3 of 5234»|

« Previous Page« Previous « രക്ത ദാനം മഹാ ദാനം
Next »Next Page » സംഘടിത ഭിക്ഷാടനം : ശിക്ഷകള്‍ കടുപ്പിച്ച് പബ്ലിക്ക് പ്രൊസിക്യൂഷന്‍ »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine