അബുദാബി : മുസ്സഫ കൈരളി കള്‍ച്ചറല്‍ ഫോറ ത്തിന്റെ 2013 പ്രവര്‍ത്തനോദ്ഘാടനം മുസ്സഫ എന്‍. പി. സി. സി. സീനിയര്‍ റിക്രിയേഷന്‍ ഹാളില്‍ സിനിമാ സംവിധായകന്‍ ലെനിന്‍ രാജേന്ദ്രന്‍ നിര്‍വഹിച്ചു.
ഫോറം പ്രസിഡന്റ് മുസ്തഫ അധ്യക്ഷത വഹിച്ച യോഗ ത്തില്‍ യു. എ. ഇ. എക്‌സ്‌ചേഞ്ച് മീഡിയ മാനേജര്‍ മൊയ്തീന്‍ കോയ മുഖ്യ പ്രഭാഷണം നടത്തി. വര്‍ക്കല ദേവകുമാര്‍, കൃഷ്ണകുമാര്‍, ടെറന്‍സ് ഗോമസ്, രാജന്‍ കണ്ണൂര്‍, അഷ്‌റഫ് ചമ്പാട് എന്നിവര്‍ ആശംസകള്‍ നേര്‍ന്നു.
അനില്‍കുമാര്‍ സ്വാഗതവും കോശി നന്ദിയും പറഞ്ഞു. തുടര്‍ന്ന് കെ.എസ്.സി. ഷോര്‍ട്ട് ഫിലിം അവാര്‍ഡ് നേടിയ സിനിമകള്‍ പ്രദര്‍ശിപ്പിച്ചു.
മുഹമ്മദ് കുഞ്ഞി, ഇസ്മായില്‍ കൊല്ലം, അനില്‍ പുത്തൂര്‍, അനിഷ് എന്നിവര്‍ നേതൃത്വം നല്‍കി.
അബുദാബി : പൊന്നാനി എം ഈ എസ് കോളേജ് അലുംനി അബുദാബി (മെസ്പോ) എക്സിക്യുട്ടീവ് അംഗവും കോളേജ് യൂണിയന്‍ മുന്‍ ചെയര്‍മാനുമായ അബ്ദുല്‍ ഗഫൂര്‍ തിരൂരിനു മെസ്പോ അബുദാബി യാത്രയയപ്പ് നല്‍കി.
