ദുബായ് : പൊന്നാനി എം. ഇ. എസ്. കോളേജ് അലുംമിനി യു. എ. ഇ. ചാപ്റ്ററിന്റെ ആഭിമുഖ്യത്തില്‍ ജൂണ്‍ പതിനെട്ട് വെള്ളിയാഴ്ച മൂന്നു മണി മുതല്‍ ദുബായ് ഗുസൈസിലുള്ള അല്‍ ഹസന്‍ ഓഡിറ്റോറിയത്തില്‍ (പഴയ സായദ് യൂനിവേഴ്സിറ്റി ക്യാമ്പസ്‌) വെച്ച് വിവിധ കലാ – കായിക പരിപാടികളോടെ വാര്‍ഷിക ആഘോഷ പരിപാടികള്‍ (പൊന്‍ ഫെസ്റ്റ് 2010) സംഘടിപ്പിക്കുന്നു.
വൈകുന്നേരം 3 മണി മുതല്‍ ആരംഭിക്കുന്ന ഈ ഒത്തു ചേരലില്‍ കുട്ടികള്‍ക്കു വേണ്ടി ചിത്രരചനാ മത്സരവും ക്വിസ് പ്രൊഗ്രാമും ഉണ്ടായിരിക്കും. കൂടാതെ ഗാനമേളയും വിവിധ തരം കലാപരിപാടികളും ഉണ്ടായിരിക്കും.
പൊന്നാനി എം. ഇ. എസ്. കോളേജ് മലയാളം ഡിപ്പാര്‍ട്ട്മെന്റ് മേധാവിയും, പൊന്നാനി മുനിസിപ്പല്‍ ചെയര്‍മാനുമായ പ്രോഫസര്‍ എം. എം. നാരായണന്‍ പൊന്‍ഫെസ്റ്റ് 2010 ന്റെ ഉല്‍ഘാടനം നിര്‍വഹിക്കുന്നതായിരിക്കും.
യു. എ. ഇ. യിലുള്ള എല്ലാ എം. ഇ. എസ്. പൊന്നാനി കോളേജ് പൂര്‍വ്വ വിദ്യാര്‍ത്ഥികളും ഈ സ്നേഹ സംഗമത്തില്‍ പങ്കെടുക്കാന്‍ 3 മണിക്കു തന്നെ എത്തിച്ചേരണമെന്ന് ഭാരവാഹികള്‍ അഭ്യര്‍ഥിച്ചു.
കൂടുതല്‍ വിവരങ്ങള്‍ക്ക് വിളിക്കുക : ഇക്ബാല്‍ മൂസ്സ (പ്രസിഡണ്ട്) – 050 4562123, അബുബക്കര്‍ – 050 6501945, അക്ബര്‍ പാറമ്മല്‍ – 050 6771750, ഗിരീഷ്‌ മേനോന്‍ – 050 3492088, സലിം ബാബു – 050 7745684.
അബുദാബി : ഫോട്ടോ ഗ്രാഫിയില്‍ തല്‍പരരായ, ലോകത്തിലെ വിവിധ ദേശക്കാരായ പ്രവാസികളെ ഒന്നിച്ചു ചേര്‍ക്കുക എന്ന ഉദ്ദേശത്തോടെ പ്രവര്‍ത്തനം ആരംഭിച്ച സൌഹൃദ കൂട്ടായ്മയായ ‘അബുദാബി ഫോട്ടോ ഗ്രാഫേഴ്സ് ക്ലബ്ബ്‌’ അബുദാബിയില്‍ ഒത്തു ചേര്‍ന്നു. 
അബുദാബി : അബുദാബി യിലെ സെന്‍റ്. ജോര്‍ജ്ജ് ഓര്‍ത്തഡോക്സ് കത്തീഡ്രല്‍ സംഘടിപ്പിക്കുന്ന ‘സംഗീത സന്ധ്യ- 2010’ ജൂണ്‍ 4 വെള്ളിയാഴ്ച വൈകീട്ട് 6 മണിക്ക് നാഷണല്‍ തിയേറ്ററില്‍ അരങ്ങേറും. പ്രശസ്ത പിന്നണി ഗായകരായ ബിജു നാരായണന്‍, ജാസി ഗിഫ്റ്റ്‌, രഞ്ജിനി ജോസ്‌ എന്നിവര്‍ നയിക്കുന്ന ഗാന മേളയും ചലച്ചിത്ര നടനും മിമിക്രി ആര്‍ട്ടിസ്റ്റുമായ കോട്ടയം നസീര്‍ അവതരിപ്പിക്കുന്ന മിമിക്രിയും ‘സംഗീത സന്ധ്യ- 2010’ ല്‍ അവതരിപ്പിക്കും. പരിപാടി യിലേക്കുള്ള പ്രവേശനം പാസ്സിലൂടെ നിയന്ത്രിക്കുന്നു.
അബുദാബി : കേരളാ സോഷ്യല്‍ സെന്‍റര്‍ ബാലവേദി ഉദ്ഘാടനം ബാല താരങ്ങളായ നിരഞ്ജന യും നിവേദിത യും ചേര്‍ന്ന്‍ നിര്‍വ്വഹിക്കും. ജൂണ്‍ 3 വ്യാഴാഴ്ച രാത്രി 8 മണിക്ക് കെ. എസ്. സി. അങ്കണത്തില്‍ നടക്കുന്ന “നിലാ ശലഭങ്ങള്‍” എന്ന പരിപാടിയില്‍ ഗാനമേള, മോണോ ആക്റ്റ്‌, വിവിധ നൃത്തങ്ങള്‍ എന്നിവ ഉണ്ടായിരിക്കും. 
അബുദാബി : മലയാളി ക്രിസ്ത്യന്‍ കോണ്‍ഗ്രിഗേഷന്‍ സംഘടിപ്പിച്ച ‘അവാര്‍ഡ്‌ നൈറ്റ്‌’ അബുദാബി സെന്‍റ്. ആന്‍ഡ്രൂസ് ചര്‍ച്ച് സെന്‍ററില്‍ നടന്നു. അംഗത്വ സഭകളിലെ അംഗങ്ങളുടെ ടാലന്‍റ് ടെസ്റ്റുകളില്‍ ആദ്യ മൂന്നു സ്ഥാനങ്ങളില്‍ വിജയിച്ചവര്‍ക്ക് സമ്മാനങ്ങള്‍ വിതരണം ചെയ്തു. ബൈബിള്‍ മെമ്മറി ടെസ്റ്റ്‌, ബൈബിള്‍ ക്വിസ്, അന്താക്ഷരി, സോളോ, ഗ്രൂപ്പ്‌ സോംഗ്, ജൂനിയര്‍ സീനിയര്‍ എന്നീ വിഭാഗ ങ്ങളില്‍ സമ്മാനാര്‍ഹമായ പരിപാടികള്‍ അവതരിപ്പിച്ചു.
